والله ضاق صدري في سوق العزيزية
 

[align=center] بسم الله الرحمن الرحيم

السلام عليكم ورحمة الله وبركاته

التهنئه بعيد الفطر المبارك وتقبل الله من الجميع

[/align]
[align=center]مريت امس يوم الجمعة 1432/10/4هـ سوق العزيزية للخضار والفواكة بالرياض
ولاحظة ان الذي في السوق وافدين بنسبة 95% تقريباً طبعاً فية شباب سعودي بس متوظف عند الاجنبي وباقي النسبة من السعوديين يعتبرون غرباء في السوق !
موجود تجار سعوديين في السوق قليل في قسم البرادات وشبة معدومين في الاقسام الثانية
وبالمناسبة يعتبر هذا السوق الاكبر والرئيسي لمنطقة الخليج .
وكان مروري بحكم تجربة سابقة استمرت خمس سنوات وناجحة من بداية السعودة تقريبا عام 1419هــ وكان بن البلد في البداية يتملك السوق شبه كلي وكان هو الدلال وهو المسوق للمحلات وهو صاحب المحل وهو اللي يشتغل في المحل وكانت رواتب السعوديين من 3000 الى 6000 ريال غير الحوافز وكان وضعهم تمام لمدة سنتين الى خمس سنوات تقريبا بعدها خفت الحملات من الجوازات ولجنة السعودة على المحلات وتسلل الاجنبي مرة ثانية بالتدريج حتى ملك الان السوق المركزي والمحلات كما كان قديم وغاب بن البلد بحكم تكاتف الوافدين وتعاونهم في البيع ، المسئلة ماهي حسد بس عيال البلد هم الاولى بخيرات بلدهم ..
ولان العمل في هذا المجال يقوم على الجهد والمال في نفس الوقت وسبب تجنبي السوق آمور عده . وحاليا عملي في مجال ثاني ولكن ارباحه لاتقارن بالعمل في مجال الفواكة والخضار والا زالت لي صلة لان لي محل خضار وفواكه مؤجر على وافدين وسبب التأجير ((مثل مايقال يد واحدة ماتصفق ))
سبب طرحي لهذا الموضوع لان لدي فكرة موضوع ودي اطرحة مستقبلاً أذا وجدت تفاعل من الاعضاء ..
عنوان الطرح القادم بعد التفاعل ،
(( كيف الاستثمار في سوق العزيزية بالجهد والتعاون معاً ومبلغ رمزي لايتعدى 1000 ريال )) وحتى الذي لايمتلك المبلغ يستطيع التعاون بالجهد أذا كان يمتلك سيارة ..
وآخيراً الطرح تقريبي والمعذرة أذا كان الأسلوب غير موافق للقارئ .
أخوكم الصغير / متعب
تقديري للجميع
[/align]

جزاك الله كل خير
مانقول غير الشكوى لله
موفق بإذن الله ... لك مني أجمل تحية .

السلام عليكم ورحمة الله وبركاته
كل عااااااااااااام وجميع المسلمين بالف خير
ومنتظرينك تسرد لنا تجربتك في اسرع وقت

بإذن الله مستعد أدفع وأستثمر معكم

لكن ما أقدر أساعدكم لأني من برا الرياض

لك احلى تقييييييييييييم

لله كريم