يا ناس انا متوهق ...
السلام عليكم
انا شهادتي ثانويه يمكن لي سنه ادو وضيفه ما لقيت المهم انقبلت في الكليه التقنيه الفصل الثاني وانقبلت في شركة زين يعني انا اللحين متوهق مدري وين ارووح خايف اني اروح الكليه وبعد ما تخرج ارجع عاطل وخايف اروح شركه ام تي سي وانتكب وتطلع الشركه فاشله تكفون يا اخواني عطوني آرائكم من الجهتين وابي الله لا يهينكم مزايا شركه ام تي سي وراتبها هي زينه ولا شينه تحياتي |
والله لو انا مكانك اتوظف في الشركة ولا اتردد هذا رأي والله يوفقك
|
عالعموم الله لا يهينك ويوفقك
|
بسم الله
ردو علي |
.
طيب اخوي ماتقدر تنتسب للكلية؟ يعني تدرس وتتوظف بنفس الوقت لأن الوظيفة صارت اهم الحين يعني اذا ضمنت لك وظيفة تقدر تكمل دراستك وانتَ على رأس العمل هذا مجرد اقتراح اكثر من انه رأي :) وعموما بالتوفيق وأستخير قبل كل شيء . |
اقتباس:
بعدين كلن وقناعاته انت تبي وظيفه توظف تبي تدرس ادرس والارزاق بيد رب العالمين والله يوفق للدرب الصحيح سيووووووووووو ( يعني الى اللقاء ) |
شوف عزيزي
اذا توظفت في زين بشهادتك الثانويه راتبك ماراح يعدي 4000 مع البدلات وكل شي, وانت عارف الراتب هذا في وقتنا الحالي لا يسمن ولا يغني من جوع يعني ممكن يكفيك انت كعازب لكن صعب تفتح بيت بهذا الراتب. اذا كملت دراستك ونجحت واخذت دبلوم او بكالوريوس راتبك راح يبدا من 6000 وطالع. ولكن المشكله لا يوجد احد يقدر يضمنلك انك راح تتوظف بعد التخرج هنا النقطه خصوصا اذا كان دبلوم ومن التقنيه بعد تقل نسبة حصولك على وظيفه. اللي اقترحها عليك شيين بس تتوظف في زين وتكمل دراستك بحيث تكون منتسب او تترك زين وتكمل بكالوريوس اما انك تترك زين عشان التقنيه هذا شي فيه مخاطره لان نص العطالين في هذا المنتدى خريجين الكلية التقنيه. هذي نصيحتي وبالتوفيق ولا تنسى تصلي صلاة الاستخاره. |
عليكم السلام
يا أخوي وش ذا السؤال؟ أكيد أنك تروح شركة أم تي سي، هذه ليست شركة عادية، بل تعتبر من أكبر شركات الاتصالات في الشرق الاوسط الحين أنت ما تشوف خريجين جامعيين ما هم محصلين وظائف لو أنا مكانك كان ما ترددت و لا لحظة أني أروح شركة أم تي سي، فمثل هالشركة هذه ما تتفوت أتكل على الله و روح شركة أم تي سي أحسن لك عشان تفتك من البطالة |
انا لو مكانك اروح شركة ام تي سي
الكلية كل سنة فيها تقديم مرترين وهذا حنا جامعات ولا نا لاقين وظايف |
اقتباس:
قالو لي طلاب بالكليه ما فيها انتساب وهذ اللي زاد الطين بله مشكوره اختي ع رأيك يعني انا باقي متوهق :( |
اقتباس:
يعني انت ما جبت شي جديد الله لا يهينك:) |
اقتباس:
كلامك حكم لكن يا طويل العمر المشلكه ان ما في انتساب وانا لا زلت خايف من الشركه وخايف من الكليه وخايف اني اكمل البكالوريوس واصف جنب عيال عمي الله لا بهينك يا خوي |
اقتباس:
بس اني لا زلت متوهق |
... وعليكم السلام ورحمة الله وبركاته ...
أولاً ... وقبل أي شي .. استخير ربكـ ... وثانياً .. استشير الثقات ... ثالثاً ... يوجد حل لحيرتكـ توكل على الله وروح لوظيفتكـ <<< عصفور في اليد أحسن من عشرة على الشجرة ... بالنسبة للكلية .. قدم على اعتذار ... وبكذا ما تكون خسرت المقعد "القبول"... في حالة _ لاقدر الله _ ما توفقت في الوظيفة ... يكون مكانك موجود في الكلية ... فقط تسحب الاعتذار ... وفي حالة توفقت في وظيفتكـ وهذا ما نتمناه ... تستطيع اكمال دراستكـ في إحدى الجامعات الحكومية أو الأهلية ... سواء انتساب او التعليم عن بعد <<< طبعاً الدراسة بفلوس ... ثم يوجد من أصحاب المراكز وشهاداتهم ابتدائي ومتوسط الشهادة ليست أهم من الفكر والعقل الراجح ... تستطيع أن تغذي عقلكـ ... بما لم تغذيه شهاداتنا ... عليكـ بالقراءة والدورات البسيطة والتطويرية واختلاطكـ في العمل والخبرات اللي ح تاخذها ... مكسب :rolleyes: دعواتي لكـ بالتوفيق <<< واطلب من والدتكـ تدعي لك ... أختك :) |
اقتباس:
ما شاء الله عليك كذا انتي حمستيني يعني اللحين انا اقول في نفسي بتوكل ع الله وادخل الشركه وبعدين اكمل في اي جامعه الله يوفقك اختي ولا يهينك كان ودي ان امي موجوده وتدعيلي لكن ما كتب ربي ادعولها بالرحمه |
[quote=الحب لولا عيونك;420545] ما شاء الله عليك :o كذا انتي حمستيني الله يوفقكـ ... بس لا تنسى الاستخارة ... :d :d :d يعني اللحين انا اقول في نفسي بتوكل ع الله وادخل الشركه ومن توكل على الله فهو حسبه :rolleyes: وبعدين اكمل في اي جامعه الله يوفقك اختي ولا يهينك كان ودي ان امي موجوده وتدعيلي لكن ما كتب ربي ادعولها بالرحمه الله يغفر لها ويرحمها ويسكنها جنات النعيم .. وجميع المسلمين ... يارب :) |
عليك بالاستغفار
تنفتح لك ابواب مغلغه |
الساعة الآن 12:14 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين