توقيع العقود في شركة الكهرباء (بالتفصيل )
السلام عليكم ورحمة الله وبركاته
اخواني اليوم حبيت انقل لكم اللي صار معي في توقيع العقود بالتفصيل في البداية وصلت معهد التدريب حول الساعه 7:30 ودخلت على طول وجلست شوي الا والمشرفين بدو يشرحون وقالو لنا كل واحد ياخذ ورقة اقرار وورقة استمارة معلومات وورقة الحصول على بطاقة(او شي حولها ) المهم يوم اخذنا الاوراق وبدينا نعبي شوي ويقولون لنا في ورقة الاقرار لا تسجل التخصص ولا مكان الدراسة حنا شوي ونقول لكل واحد تخصصة ومحل الدراسة ومكان العمل بعد التخرج وبعد ماقالو لنا التخصصات ومكان الدراسة قالو اللي ننادي على اسمة يجي وياخذ العقد ويوقعه وبعد توقيع العقد تستنى لما يقولون اسمك على شان تجي وتسلم الاوراق اللي معاك وبعدها تروح للمشرف يشرح لك طبيعة الدراسة وتخصصك واذا عندك استفسار تستفسر منه المهم يوم طلعت من المعهد الساعة 11:30 يعني 4 ساعات وانا اوقع العقد وعلى فكره لحد ينسى يجيب معه قلم وملف اخضر يعني بالمختصر لا تشغل بالك في تخصص معين التخصص هم اللي يختارونه لك وكمان مكان الدراسة ومكان العمل هذا اللي صار معي اليوم في معهد التدريب بالرياض ودراستي طلعت في التقنية في بريدة :c تخصص صيانة شبكات التوزيع الكهربائية صحيح قبل لا انسى التقنية ببريدة وينها فيه |
[align=center]
الله يوفقك اخوي وانا بعد نفس تخصصك صيانه شبكات توزيع بس جيت ووقعت العقد وقرأت ان مكان تعيني بالدمام نفس اللي ابيه بالضبط .. بس عندي سؤال لاهنت انت دبلوم ولا ثانوي ..؟ لأن كثير ناس قالو لهم الدراسه اول سنه بالكليه وثاني سنه بالمعهد من نفس هالتخصص هل لأنهم ثانوي ..؟ لأني دبلوم ودراستي سنه وقالو لي تعال السبت الساعه 7 مبدل للمعهد بسسس ... على الفكرة التخصص مرررة حلوو والدراسه عربي وسهالات وله اربع تخصصات فرعيه راح يعينوك عليها كالتالي / راح تتعين بعد تخرجك ان شاء الله احد الاعمال التالية : 1- طوارئ ( طبعا عملها شفتات ) 2- صيانة عدادات 3- صيانة محطات 4- قسم الانشاءات ( احلى تخصص بالثوب تداومويعطونك سيارة ) 5- صيانة خطوط هوائية ( غير متأكد اتوقع ليس لهذا التخصص ) . وطبعا اذا معاك واسطة تقدر تحدد مكانك من الان وتحدد مسماك والوظيفي علمابان الراتب نفس بعض عدا الطوارئ زيادة 700 ريال تقريبا لان عملهم متقلب بخصوص الراتب اتوقع كالتالي / الراتب 4511 + 500 + 1250 - 405 للتامينات = 5856 ريال هذا علىحسب لكن الزياده من 300 الى 500 للمتاز علاوه والجيدجدا 250 والجيد 150 وممكن تتعدلوتزيد .. وفي ترضيه اتوقع ميه . الشفتات = 6500 اتوقع . [/align] |
لا والله اخوي ميسي انا معي ثانوي وقالو لي السنة الاولى في التقنية والثانية بالمعهد بالرياض
بس الله يكتب اللي فيه الخير للجميع بس والله مااتوقع ان صيانة الخطوط الهوائية داخله مع تخصصي لان يوم اوقع العقد فيه ناس قالو لهم انت تخصصك خطوط هوائية وعندي تعليق على الراتب انا سمعت ان فيه بدلات ثانية غير النقل والسكن وتكون على حسب بيئة العمل ومنها : بدل نائي - وبدل وردية - وبدل شفتات - وبدل نقل اضافي - وبدل الجوال بس مشكور وماقصرت على المعلومات ودمت بحفظ الرحمن |
[align=center]
هلا بك اي في بدلات زي كذا للأماكن النائيه وغيرها هذا اذا كان الشخص متغرب عن اهله راح يعطوها بدلات ... انا واحد من اصحابي مشغل وياخذ بدلات وراتبه يوصل 7900 ما شاء الله وتقريبا يعتبر في منطقه نائيه رغم بعد دوامه 40 الى 50 كيلو يعني كلنا نقول توقعات وبعد الدراسه والتخرج نشوف ان شاء الله احسن من توقعاتنا ... لأن كل تخصص وله راتب وكل منطقه تفرق عن غيرها ... ملاحظه // يقولون ان الدراسه بتخصصنا عربي ان شاء الله هالخبر يكون اكيد ولا مانع ندرس بعض المصطلحات بالانجليزي الله يوفقك ويوفقنا يارب [/align] |
ميسي وش تخصصك
وشكرا |
[align=center]
^^ صيانه شبكات التوزيع الكهربائي [/align] |
شـكرا لك وبارك الله فيك... لك مني أجمل تحية .
|
ان شاء الله الله يحسن من توقعاتنا ويكتب لنا الخير
الله يسمع منك اخوي ميسي وتكون دراستنا بالعربي لان الدراسة يبيلها معدل وانك ماتحمل ولا ماده والله يوفق الجميع |
اخواني اللي بقائمة الانتظار .. هل فيه بصيص أمل لقبولهم نهائي ؟؟ يرجى رفع المعنويات .. |
اقتباس:
والله يكتب الخير للجميع ودمت بحفظ الرحمن |
الساعة الآن 01:04 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين