السلام عليكم ورحمة الله وبركاته

عندي استفسار بسيط اتمنى تردون علي لاني مالقيت اجابه


هل الدفعات التعليميه النسائيه لجداره انتهت اوباقي دفعات؟

واذا فيه كم باقي توقعون؟

واللي ارسلوا له حافز يعني ماله وظيفه؟

لا احد يشوف من برا ردوا الله يجزاكم خير


وبالتوفيق لكم اجمعين

أعتقد انها انتهت التعليمية وبدوا الآن في الصحية والإدارية والله أعلم لكن بالنسبة لحافز ما هو شرط اللي أرسلوا له ما يلقى وظيفة يمكن يلقى وأول ما يلقى يسحبوا الإعانة ونسأل الله أن ييسر

وعليكم السلام اهلين اختي
باقي وظائف الامر الملكي قد طلعو اول دفعه احد عشر الف وظيفه للرجال وباقي النساء لهم تقريبا اربعين الف ان شاء الله خلال السنة هذي
بالنسبه لحافز اللي يحصل وظيفة يقطعونها عليه سواء كانت الوظيفه حكومه او قطاع خاص
هذا والله اعلم

^^^^^
ليس كل الاربعين الف الباقيه ترا للنساء ..

انا سبق وقريت - ومنيب متأكد ميه بالميه - انه 28000 للتعليميه رجال و 17000 اداريه وصحيه رجال و 7000 تعليميه نسائيه .. والله اعلم

ولكن الـ 11100 الي اعلنوا قبل للرجال .. بيرشحون 7000 بس منهم والظاهر انتهوا منهم .. والنساء ايظا اعلنوا الاسبوع الماضي عن عدد بالاالاف مدري كم بالظبط ..

الله يوفقتس يااختي ويوفقنا جميعا يارب ..

شكرا لكل من رد علي

وجزاكم الله خير

ورزقكم الله وظائف تسعد قلوبكم

الله يوفق الجميع يارب

جداره وحافز كلهم ماعندك احد مخدر لنا
الله المستعااان

باقي دفعات الامر الملكي 52الف وظيفة تعليمية خلال الشهرين القادمين
الوظائف سيكون منها 21 ألف وظيفة نسوية، و7 آلاف رياض أطفال،
و11 ألف وظيفة إدارية نسوية،
إضافة إلى 7 آلاف وظيفة تعليمية رجالية و6 آلاف وظيفة إدارية رجالية أيضاً..

اتوقع باقي دفعات تعليميه لأني قريت خبر امس اتوقع
إنو ماراح يبدأو في الغير تعليميه حتى
يخلصو من التعليميه

اما حافز هيه خطوات أول يبحثو لك عن وظيفه و يعطوك الإعانه

والله اعلم

بالنسبه لجدارة تعالي هنا تابعي معنا

[ قسم خاص بجدارة ] [ تفضل هنا ]

وربي يرزق الجميع