مصري يقول بدخل معك شريك ( وش نصايحكم يا اخوان )
السلام عليكم ورحمة الله في مصري اعرفة من فترة .. عرض علي نفتح مؤسسة مقاولات ويكون شريك معي ! وانا بصراحة عاطل ولاني فاهم بشغله المقاولات وادور على الريال .. وهو بمهنه مليص ولدية علاقة مع عماله كثيرة وخبرة في المهنه لسنوات !!! المطلوب يا اخوان كيف امشي العمل وامسك علية ثبوتات عشان ما يغشن رغم اني واثق فيه بس الاحتياط واجب من العماله ؟ وماهي الشروط اللي احطها بيني وبينة عشان ما يخل بالاتفاق ويمشي على حسب الشروط المتفق عليها ؟ لا تبخلون علينا بالنصائح لاني ما اعرف بالمقاولات اي شيء |
اقتباس:
كلامك اعذرني فيه من التناقض بالبداية قلت انك تعرف كل شي عن المقاولات وعندك خبرة وبالنهاية كاتب مااعرف بالمقاولات عموما نصيحتي لاتسير زي الناس اللي تفتح للوافدين مكان حق تجارة وهو يديرو وانت شريك بالاسم لان اي مصيبة بكرا بتكون فوق راسك انت المسؤول يعني بالعربي لاتكون ورا الكواليس خليك دايمن بمسرح العمل وبالنسبة للاوراق الثبوتية كلم محامي وريح نفسك لان مو كل الاعضاء عندهم خلفيات قانونية عميقة محد يقدر يفيدك غير المحامي |
اقتباس:
يعني كلامه مافيه تناقض ابدا يجيك ان شاء الله من يفيدك |
يجي من بفيدك
بالتوفيق لكـ |
السلام عليكم ورحمه الله وبركاته
الله يوفقك يا ولد العم .. وان شاء الله يجي من يفيدك .. |
اقتباس:
بس بالاول والاخير محد حيفيده الا محامي |
اه دا ياحلاوة
هاداهوه بيقول ولا انا فاهم بشغل المقاولات لكن عشان هوه من حائل بيقول ولاني فهمت ياحلاوة |
وعليكم السلام ورحمة الله
إذا فتحت المؤسسة خليك رئيس مجلس الإدارة واشترط في العقد معاه أن أي عقد دون توقيع رئيس مجلس الإدارة يعتبر باطل ويتحمل مسؤوليته من يوقعه فقط بكذا ما يقدر يمشي أي عقد من غير ما تعرف ! |
.
ا خوي المؤسسة بأسمك اكيد صح وهو يبي يمسك الشغل ويجيب لك شغل وناس تبي تليص والنص بالنص ولو طلبت منه لك 60% وله 40 % يبي يوافق وهو يضحك لأان التليصص فية خيير وفلوووس كثيير ماتتخيلها ويشتغلون بـ فلتين بنفس الوقت المهم انت دور ضمانات علية وهو مااعتقد انه يقدر يسوي شي لان كل شي بأسمك بس اشترط علية ان ان انت مالك علاقة بالشغل فط تأخذ نسبة يعني لو اعطاه زبون شغل واخذ الفلوس وماليص تصير برأسة انت فقط تملك المؤسسة والله يوفقك واذا انت ضامن الرجال وتعرفة اتكل على الله واستخر وشف وش يصير معك |
اقتباس:
اتاري ولاني ضمير نفي |
الساعة الآن 11:14 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين