كلية تقنية ولا امن عام وش رايكم
عندي استفسار يا اخوان وشرايكم
ادرس كلية تقنية ولا الامن العام جندي اموري بتمشي في الامن العام عندي واسطه وانشاء الله تتيسر الامور |
والله اذا انت بتدرس تقنيه علشان تاخذ عريف خذ تقنيه لكن ترى مردك العسكريه او انك تتخرج بمعدل عالي مره وتكمل بكلية المدربين اقل شي تجيبه 4.50 ومع العلم ترى مسألة تكمل دراستك عقب التقنيه شي صعب يبي لها فلوس
يعني التقنيه بتاخذه بسنتين وبتاخذ عريف اذا قبلوك العسكريه بالمستقبل الصراحه مدري لكن ترى الجندي بالامن العام ملعون خيره |
والله شوف ياخوي انا انصحك تستخير
وتبغ الكلام اللي عندي خش الامن العام لاان الكليه التقنية نفسية واذا غلقت بيعطونك عريف ومافي فرق بين الجندي والعريف فالراتب طبعا واول ماتتعين فكر فمشروع صغير وعيش حياتك يامعلم:d |
انا منتظر كشف طبي في السجون وش رايكم طيب السجون جيده
لان الصراحه الدراسه تعبتني يا اخوان |
حبيبي انا خريج كلية تقنية قسم التقنية الإدارية تخصص محاسبة
شوف إذا ناوي على تكميل الدراسة صدقني ما يضيع عليك شي أولاً : اذا خلصة دراسة بمعدل 4.50 هنالك الابتعاث الخارجي على حساب المؤسسة العامة للتعليم الفني والتدريب المهني ثانياً : إذا ما قبلك الأبتعاث تدخل دورة اللغة الأنجليزية المكثفة مدتها 5 اشهر بمعدل 30 ساعة في الاسبوع وبعدها تترشح إذا نجحت بمعدل إلى كلية المدربين تكمل سنتين وتصبح مدرب في كلية التقنية ثالثاً : إذا ما قبلت في الأولى و الثانية .. تأكد انه ما رايح يضيع عليك شي لأن ا لدراسة في كلية التقنية على النظام الجديد مدتها سنة و ستة اشهر و الترقية من جندي إلى جندي أول يبيلة سنتين ملاحظة (( التقديم على الأمن العام في شهادة التقنية أي (( الشهادة الجامعية المتوسطة )) يمنحك رتبة وكيل رقيب يعني يبيلك اكثر من 6 سنوات اذا سجلت جندي على اساس تصل إلى وكيل رقيب كلية التقنية الآن سهله جداً حيث انها تقويم مستمر والامن العام جداً ممتاز والله يوفق الجميع |
شوف وانا اخوك اذا دخلت التقنيه ترا مردك للعسكريه . انا معدلي 4.81 ولي سنه عاطل
بس اتوقع ان السجون ماهي زينه وفالاخير اسأل اقاربك واستخير |
انا اوؤد كلام جناح الذيب
بس نا تدري يمكن بعدين يجي نظام |
اقتباس:
ومع النظام الثلثي تخلص من الكليه التقنيه بسنتين ونص اما كلية المدربين 3 سنوات . وصح الدراسه مرا سهله لاانها تقويم مستمر اهم شي عندهم الحظور |
توظف أبرك لك
|
كمل دراستك بالتقنية .. وخذلك تخصص هندسي
واذا خلصت قدم وكيل رقيب .. التقنية ترى كلها سنتين الجندي والله ضياااع للواحد |
الساعة الآن 09:33 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين