هنا تجمع المترشحين لآجراءات القبول بمعهد الدراسات الفنيه بالقوات الجويه
 

بسم الله الرحمن الرحيم

السلام عليكم ورحمة الله وبركاته

اسعد الله مسائكم بكل خير في هذا اليوم الفضيل /

حبيت اطرح هذا الموضوع بخصوص المتقدمين على المعهد والذي ارسلت لهم رسائل عبر الجوال

وياليت الكل يشارك معنا ويقول لنا من اللي ارسلت له رساله واللي مارسلت له ربي يوفقه في خير منها انشالله

فالبدايه انا اقولكم تم ارسال لـ اخوي رساله ومكتوب فيها راجع الموقع

راجع الموقع لقاء موعده يوم الاربعاء 30 شوال

وهذا النص المكتوب في اعلى الموقع
7
7
يسر لجنة القبول والتسجيل والتجنيد المركزية أن تعلن عن ترشيح الطلبة الموضحة أرقامهم أدناه وعلى عموم الطلبة المرشحين مراجعه مقر القبول والتسجيل بمعهد الدراسات الفنية والقوات الجوية بالظهران حسب المواعيد المحدده علماً بأن الحضور يكون بالزي الرياضي في تمام الساعه الخامسه والنصف صباحاً مع إحضار صورتين مكشوفة الرأس مقاس 4x3

وياليت اصحاب الخبره في هذا المجال يقولون لنا كيف تتم المقابله
وهل فيه اختبار انقلش؟ واذا فيه كيف صيغة الاختبار !
وهل فيه فحص للطول والوزن مره ثانيه؟
واذا تمت المقابله على خير انشالله متى بتكون الدراسه
^^^
هذي اسئله محيره اخوي وياليت من يفيدنا ...
والله يوفقكم انشالله بما هو خير لدينكم ولوطنكم ...:)

يا اهل الخبره تكفون ساعدونا انا نفس الطريقه موعدي يوم الاحد ولاادري هل انا اختبر لياقه فقط والا مقابله شخصيه وكم بأجلس هناك هل اخلص من نفس اليوم ..؟؟

السلام عليكم
يالشباب انا موعدي يوم الاثنين 5/11 بس ما ادري وش طبيعة الموعد تكفون افيدوني

لللللرفع

يا رجال
الشغله كلها ب 3 ايام بس

اليوم الاول
فحص طبي

و اليوم الثاني
اختبار لياقه
و اليوم الثالث
اختبار قدرات

و بعدها
فرز نهائي

و الدوره في شهر 1 او 2

و ادعولي بالقبول النهائي

ايه والله تكفون يا عيال عطونا اي معلومه تفيدنا

شكرا لك

انا رحت لهم وخلصت كل المراجعات

اليوم الاول :

تروح لهم يحولونك على المستشفى يحصون نظر وزن طول عما الون يقيوسون ضغط تحليل بول الله يكرمكم اخر شي الطبيب العام هذا يفحص كل شي فيك .

اليوم الثاني :
فحص دم واشعه و اختبار نفسيه واختبار انجليزي ومقابله شخصيه واختبار لياقه .

اليوم الثالث :
اختبار قدرات

ثم يقولون انتظرو رسايل بعد اسبوعين على الجووال تعلمكم انت مقبولين ولا لا

وسلامتكم ..

حاولت اختصر الموضوع قد ماقدر اي سؤال انا حاضر