|
السماح للمرأة السعودية بالسكن لوحدها في الفنادق
أقرت وزارة التجارة والصناعة السماح للمرأة بالسكن بدون محرم في فنادق السعودية وذلك إثر دراسة قامت بها عدة جهات منها وزارة الداخلية والهيئة العليا للسياحة والرئاسة العامة لهيئة الأمر بالمعروف والنهي عن المنكر بالإضافة إلى التجارة. واشترط الوزارة ان تبرز النزيلة بطاقة الهوية للسماح لها بالسكن بحسب صحيفة الوطن . وعمم وكيل الوزارة للتجارة الداخلية حسان بن فضل عقيل على فروع الوزارة ومكاتبها وكذلك فنادق الرياض، مشيرا إلى أمر سام بتاريخ 22 ذي الحجة 1428، بشأن ما توصلت إليه اللجنة المشار إليها لدراسة موضوع إسكان المرأة بدون محرم في الفنادق والشقق المفروشة وما انتهت إليه تلك الدراسة وذلك بالأخذ بمرئيات اللجنة المجتمعة بهيئة الخبراء على أن تحمل المرأة بطاقة إثبات الشخصية حيث إنها متكاملة بالمعلومات بما فيها الصورة وأن يكون بالفنادق فقط، وأن تقوم إدارة الفندق بإبلاغ مركز الشرطة الذي يتبعه بنزول المرأة مع تزويده بصورة من إثبات هويتها فور إنهاء إجراءات الإسكان. وحث عقيل على التقيد بموجب القرار وإبلاغ أصحاب الفنادق الواقعة في دائرة اختصاص الفروع والتأكيد عليهم بالالتزام بالتعليمات الواردة في نظام الفنادق ولائحته التنفيذية وتحميل الفندق مسؤولية أي مخالفة في هذا الصدد.منقول وابشرو بالفضايح |
ليش الفضائح وانا اخوك بالعكس شئ جميل وطيب .
الثقه زينة .. البنت لو تبي اللي براسك كان تعرف طريقه سواء ساكنه لوحده ولا معه الف رجال ؟؟ |
اقتباس:
وشكرا على مرورك |
اخوي راعي الجوف....
والله زين طلع هذا القرار... اخوي انت تفكر كل حرمة عندها محرم... طيب الللي ميت ابوها ولاعندها اخوي... شنو تسوي... اللي مطلقه.. واخوانها مهم متحملين مسؤوليتها وش تسوي...الارمله ...وغيره وغيره..المعلقة >> اللي على ذمة رجال بس رافض يطلقها.. انا فرحني هذا الخبر ... لانه ساعات اضطر اسافر.. عشان العلاج وابوي موظف ما يقدر يطلع معي... وسفري كثير... لما اروح للفندق واجيب معي كرت العائلة ويكون معي اخوي وهو بعده صغير.. يقولون لي روحي للشرطة نسوي له تعريف هناك...تخيل اروح الشرطة عشان ابات ليلة بفندق...او اني اقضي الساعات الطوال في المستشفى وانا بغرف الانتظار.. او بالمطار...وساعات يكون العلاج على مدى ايام وتخيل الحال... اخوي كثير بنات يسافرون للرياض عشان يروحون للمحكمة.. عشان اما تطلب نفقة من زوجها على عيالها... او تطلب كرت العائلة عشان يضاف الابناء للاب...او حقها بميراث اخذينه اخوانها او انها تروح تشوف عيالها ماخذهم ابوهم منها او تتابع ملفات العلاج بالمستشفيات او تطالب بطلاق وغيره وغيره... اخوي انت متعافي ورجال.. بس فكر بالحريم...فكر اللي ماعندها والي ولا محرم... او محرمها يكون مستهتر ...مو مهتم لها...لا تقول تبحث والله بعض المحارم عنيفين جدا على قريباتهم ... بقولك قصة وحده وانت دور لها حل.. هي بنت وابوها شيخ طالعن بالسن عمره قريب المية سنة... وهي فقيرة وعايشه على الصدقات... ابوها مريض جدا من سنتين.. وهم بقرية بتعد عن الرياض470 كيلو.. اخوانها الله لايبلانا فيهم من اخوان على كبرهم ومتزوجين اذا جوا يضربون امهم العجوز... مثل هذي وامثلها فيه ايش تسوي... هي فيه تتوفر لها فلوس بس من وين لها محرم عشان تتعالج هي بالاول... وبعده يتعالج ابوها. واعرف قصص نساء جدا محزنة,,, واكيد صدر القرار وهو مدروس واكيد شايفين حالات انسانيه... المرأة ما راح تسكن الفندق كذا اكيد بيكون لها سبب.... والفاسده والعياذ بالله ليش تسكن فندق...خبلا تصرف من فلوسها الشباب يصرفون عليها.... والفاسدة اذا براسها شئ تسويه... تطلع من المدرسة بالمريول.... الله يبعدنا عنهم... ولا تخلي كل شئ نظره فساد... طالع حالات انسانيه... لول على الفساد ...يطلعون الاجانب.. ونرتاح الفساد جاء من الاجانب...مو من السعوديين انفسهم... |
القرار فيه خير وفيه شر ..
لاكن من يحكم الخير والشر هي المرأة نفسها التي سوف تسكن بدون محرم .. |
اقتباس:
راجعي هالرابط http://www.islam-qa.com/index.php?ref=9708&ln=ara |
ماعليش ماقرأت الموضوع ..
لفتني العنوان بس المرأه السعوديه من زمان مسموح لها تسكن بإلحالها بالفنادق وهذا الشي صاير من زمااااااان مو من الآن غريبه ...يعني كانت مخالفه |
فتح باب الله يستر منه ..
ولقوا بعضهم الــ " مزبن " !! |
نعم حرام.... ولكن اذا كانت مضطره هل على جميع الاحوال حرام؟؟؟؟
هناك حالات فوق طاقة البشر.... وفيه ظروف قاهرة... الدين مو شئ يهين المرأة..بالعكس يعزها...وفيه اسئلة لو ينسأل عنها الشيخ يحتار في تحريمها او تحليلها... طيب ساعات يكون علاج اضطر شهر بالمستشفى متنومة واهلي في منطقة ثانية شنو يكون الحكم حرام اكون بالمستشفى ؟؟؟؟ او يجي ابوي عندي شهر وشهرين متنوم ويفصل من عمله بالنهاية.؟؟ اقرا اخي رد اللجنة الدائمة على سفر المرأة للعلاج بدون محرم... فتاوى اللجنة الدائمة " ( 11 / 90 ، 91 ) . وأما السفر للعلاج فإذا لم تجدي علاجا في منطقتك وخفت على حياتك فيجوز لك السفر للعلاج للضرورة وحفاظا على النفس . وإلا فلا . والله تعالى اعلم والافضل طبعا.. يكون بمحرم... وياريت يكون فيه قسم بالفنادق خاص بالنساء... يكون كل الكادر نسائي... مثل المستشفيات... والمدارس... شئ للنساء معزل تماما عن الرجال...افضل على حياة المرأة...وسمعتها وشرفها...والله ييسر لك حرمه محرمها... ويبعدنا عن الفتن ما ظهر منها ما بطن... |
بس يا ام الوظائف بيفتحووون ابواب شر الله لا يوفق من وافق عليه ما خبرنــا هذي القرارات تجي من بلدنــا الا بعد دخووول العلمانيه حسبيه الله عليهم وعلى من وافقهم
|
| الساعة الآن 03:42 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين