|
( نقاش حول ) امن السفارات الامن الدبلوماسي تابع للامن العام
بسم الله الرحمن الرحيم السلام عليكم ورحمة الله وبركاتة اسعد الله مسائكم بكل خير طبعن كلنا عارفين ان الامن الدبلوماسي فاتح باب التسجيل بدورة الدوره التاهيليه نبي تفاعل مع الموضوع والي عنده اي معلومه :- بخصوص دورة الامن الدبلوماسي :- بخصوص مدة الدوره الامن الدبلوماسي :- بخصوص رواتب الجندي بالامن الدبلوماسي :- بخصوص نظام الدوام بالامن الدبلوماسي نبي نفيد بعض ونسفيد موفقين بإذن الله لكم مني أجمل تحية |
خويي جندي بالامن الدبلوماسي
ويستلم 7800 وكسور ياما اقل شوي او اكثر شوي ودوامه يستلم 6 ساعات ويسلم 24 ساعه هذا اللي اعرفه والله يوفقنا جميع |
والله ياشباب ودي اعرف كل شي عنها لاني احتمال امشي مع واحد من العيال الاسبوع الجاي واقدم عليهم بس المشكله اني انا قست طولي عند الجهاز الالكتروني الي بالاسواق وطلع طولي 175 وخاف اروح يقولولي انت ناقص طولك والشي الثاني انا سمعت ان المكافاءة وانت بالدوره 7000 هل هاذا الكلام صحيح ونبي نعرف وش الاوراق الي يطلبونها ولكم مني كل الشكر .... |
انا قدمت على الامن الدبلوماسي في مدينة التدريب بالرياض طريق خريص مقابله لاكاديمية نايف
الطول المطلوب 175 تجيب معك شهادة وحسن سيره وسلوك وتكون طبق الاصل وصوره بطاقتك الوطنيه و6 صور مكشوف الراس تحطهم في ملف علاقي اخضر طبعا انا قدمت في شهر رمضان وعطوني اوراق المستشفى على طول واوراق العمده وطلبوا اجيب برنت من الاحوال واجيب من البنك طلب تحويل راتب المهم خلصت الاوراق كلها ورحت لهم بعد العيد في موعدي الموهيم سلمت الاوراق وتأكدوا منها والحمد لله تمام التمام ناداني بأسمي ونادا ثلاثه غيري قال قربوا ونقرب اذاننا منه قال احنا راح نتصل عليكم خلال شهر اسبوعين اسبوع مادري بالضبط بس راح نتصل عليكم للمقابله الشخصيه تقابلون قائد القوات وبـــــــــــــــــــــــٍسسسسسس والاكيد امن السفارات تابع للامن العام انا اعرف لي واحد شغال فيه برتبة عريف قلت له كم اول مربوط لجندي بأمن السفارات قال 8000 والله مادري عاد بس الرجال حسب كلامه واعرفه معرفه شخصيه وطبعا امن السفارات مافيه تعيين الا بجده او الرياض او الشرقيه ملاحظه / لاتجيهم وانت شعرك طويل لانهم راح يكرشونك يقولون حلق وتعال حلق راسك على رقم 4 او 2 وبالتوفيق لكممم جميعآ |
اقتباس:
|
اقتباس:
بس مايهتمون بشان الوزن يعني الوزن يمشونه بس الطول متشددين فيه والحمدلله خلصت الاجراءات بسرعه وماكان فيه الا ثلاثه او اثنين غيري يسجلون لان التسجيل غير معلن عنه ومافي ناس تدري ان فيه تسجيل الا قليل ثانيآ اللي على القبول والتسجيل رقيب اخلاق وانسان عسسل اما بالنسبه للمكافئه سمعت والله نفس كلامك تستلم الراتب كله الا 500 ريال حقت الاعاشه ودوامهم 6 ساعات بـ 24 ساعه وفيه دوام رسمي والخميس والجمعه معك والعطل مثل الاعياد معك ماتداوم فيها انا حسب ماسمعت انصحك روح تقدم قبل يكتفوون والقطاع جديد والترقيات فيه ماشيه وبأمكانك بعد ماتصير رتبتك عريف تروح لسفارات السعوديه في الخارج وتاخذ دبل راتبين ومحفول مكفول انت واهلك في السعوديه او الخارج واذا كثروا افراد هذا القطاع ترتاح اكثر من الدوام ورواتبهم احلى من الحلوه وعاليه جدآ انصحك فيها اذا تبي العيشه مع الرجاجيل والدعاوي تساهيل حتى الرقيب سألناه قلنا كيف هذا القطاع امن السفارات ( الامن الدبلوماسي ) قال تبون العيشه مع الرجاجيل سجلوا بدون تردد والخيار لكم ولكن كل الناس اللي في هذا القطاع مرتاحين جدآ جدآ وانت اسأل اي احد في الامن الدبلوماسي انا سألت مثلك ناس فيه من وجه لوجه والله مدحوه بشكل ماتتصور شكل مو طبيعي وان شاء الله انا من المقبولين ودورات هذا القطاع فيه دوره في شهر 12 وفيه دوره في شهر واحد واضن في شهر 3 بعد وان شاء الله انا من المقبولين ولا تردد غيرك عاطل اكثر من 4 اسنين مالقا وظيفه |
للمعلومية فقط يا شباب الي بيروح يقدم يأخذ معه :- ملف علاقي اخظر :- صورة من الشهاده مختومه من وزارة التربية والتعليم :- صورة بطاقة الاحوال :- صورة من اختبار القياس :- (4) صور شخضية مكشوفة الراس :- الطول المطلوب فوق 175 :- الوزن يمشيك الرقيب بس خلك معه اخلاق وسو نفسك مسكين وتمشي امورك تسوي نفسك فاهم تاكل تبن والله يوفق الجميع |
رفع للأيفادهـ
|
رفع للأيفادهـ |
اقتباس:
|
| الساعة الآن 08:13 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين