بسم الله الرحمن الرحيم

عندي مشكله والا عارف لها حل

برمضان الماضي تقدمت لوظيفه بشركه سعوديه

الوظيفه محاسب في المنطقه الجنوبيه

اجتزت المقابله والفحوصات الطبيه
وقدمو لي عرض راتب اساسي 4000

صافي الراتب الشهري مع جميع البدلات وبخصم التامينات الاجتماعيه
4670 ريال

شهادتي بكالوريوس محاسبه بتقدير عام جيد

قلت الحمد لله رزق من ربي والا بقول لا صحيح راتب قليل وضعيف جدا بزمنا
بس على الاقل ازين من العطاله وعند اهلى بالجنوب نعمه ولله الحمد

لي الان شهر من تاريخ تقديم العرض اللي ذكرته

وقبل سبوعين وقعت العقد معهم على اني اباشر بالجنوب

سحبو فيني اسبوعين قلت عادي اصبر يا رجال

اتصلو فيني يوم السبت فلان هلا الف مبروك تباشر يوم الثلاثاء غدا
في الجنوب

يوم الاحد واتصلو وكنت نايم ما رديت واليوم برضو اتصلو

كلوموني اليوم عشان يقولو لي مدير التوظيف يقول باشر
بجده مو الجنوب


اسائلكم بالله شاب وضعه زي الزفت ومتخرج من جامعه واخرتها على 4670 ولله الحمد على النعمه
وما يملك سياره يقدر يعيش بجده

والمصيبه الموظف يقول لي لو ما تبي فيه غيرك كثير والا فيه شاغر الا بجده

يا تداوم يا براحتك هذي اوامر مدير التوظيف (الموارد البشريه )



وش الحل ووش اسوي جده مره صعبه عليه وخصوصا اني ما جيتها بحياتي نهائي

اذا معاك صورة من العقد ومكتوب في العقد انك تداوم في الجنوب او في خطاب المباشرة على طووووووووول روح لمكتب العمل وقدم شكوة

وربك يرزقك ان شاء الله


قدم في البنوك والحق بنك الاهلي يبغا تخصصك الان منزل وظايف شاغرة بكالوريوس محاسبة وادارة وووو...


وشوف انت دور

اسأل الله لك التوفيق والرزق الحلال لك ولنا ولجميع المسلمين

نصيحتي قدم شكوى فيهم

الله يعينك ( انا اقول اذا ما فاد لا الشكوى ولا غيره داوم وانا اختك وخلك على مجنوونك لا يجيك اجن منه
يعني وظيفه براتب 4000 وزياده خير من العاطله والباطله وقطت الوجه عطوووني وابي ( ربي معك ويعينك

السلام عليكم ورحمة الله وبركاته
اخوي الرسمي
في البدايه قدر الله وماشاء فعل الحمدلله علي كل حال والله اني توظفة 800 ريال وبعدين الله وفقني بالافضل
وهكذا والانسان تحده ظروفه وطلب الرزق واجب علي كل مسلم .
واما بالنسبة للشركة مانقدر نحكم عليها بانها تبغى اطفشك لانه يمكن فعلا محتاجين موظف الان في جده
وهم يدور مصلحة عملهم .
انا انصحك انك تتوكل علي الله وتقابل المسؤول وتتكلم معاه علي الاقل وتعرف سبب طلبهم انك تباشر بجده وتفهم الموضوع وتتفاوض معاه ان يكون عملك في جده لفتره محدوده ثم تعود الي الجنوب .
اما بالنسبة للنظام والشكوي
انت الان في فترت تجربه وقد يحتجون انهم يدربوك علي طبيعة العمل او ان هناك ضروره تطلب عملك بجده
ولعل الامر خير ماهو شر الانسان لا يعلم الغيب .
اما اذا هناك فرصه افضل فانت بالخيار والله يوفقك ويرزقك
والله اعلم .

الله لايوفقهم
دام العقد معك قدم شكوى

السلام عليكم ورحمة الله و بركاته..

اخوي لا تداوم ولا شي وكمان بجده انصحك خليك في الجنوب عند الخير عند اهل لو اي منطقة ثانية امكن اقولك اي روح و استحمل ةاضغط على نفسك . اول شي اقل شقه بتلاقيها في العشرينات . ولا تقدم شكوى . روح بالتي هي احسن اتفاهم معهم ثاني مرة وشوف . و اقرى العقد ثاني مرة وثالث مرة امكن تلاقي ثغرة تحجهم فيها او يعطوك راتب سنه والله كريم بس نصيحه لا تقرب جده .

مشكورين على التفاعل اخواني اخواتي

بخصوص العقد فالعقد مكتوب فيه مكان التوظيف الرياض ويحق لشركه ارسال الموظف لاي فرع حسب احتياجها له

ووالله اني مقدم عليهم على ان الوظيفه بالجنوب ووالله اني مقدم عليهم من هنا من موقع بطاله
برمضان ومن بعد العيد للان وهم يسحبون فيني مره سوي كفاله وارسل الاوراق سويتها ومره ارسل لنا صور شخصيه ورقم بريد
وجبته لهم بعد عنا ومره الموظف اللي استلم الاوراق قطعها بالغلط سوها من جديد وانا زي الدلخ كل ما قالو سوو سويت

لكن الله يلعن ابو الحاجه وقل الحظ والواسطه

وحسبي الله عليهم


وبخصوص الموضوع صار اكبر من اول

اليوم رحت لهم واقسم بالله العلي العظيم هذا اللي سووه فيني

قال لي مديري المباشر باشر السبت بالفرع اللي اتفقت معهم عليه واذا اتصلو عليك لا ترد

قلت اوكيه
طلعت من عندهم الا المدير يتصل يقول رد عليهم وطلعني من الموضوع مالي دخل فيك

كلمتهم خير
قالو عطنا سبب مقنع في عدم ذهابك لجده
شرحت لهم الموضوع
قالو لي اختار
ياجده يا سكاكا يا تبوك يا الدمام يالمجمعه
قلت اوكيه الدمام فيه اقاربي وبقدر اعيش فيه يعني
قالو طيب
رجعو بعدها اتصلو قالو لي اسفين تم تعيين موظف في الدمام وباشر امس يوم الاثنين
اختار سكاكا تبوك المجمعه جده وعلى فكره انت مباشرتك اليوم الثلاثاء
وكل يوم تتاخره محسوب عليك خصم حدد وباشر مكان ما تبي خلال الايام الجايه

رفضت شدو معي بالكلام وقالي بالاخير
خلاص رح لجده وبرفع راتبك

150 مائه وخمسون ريال

والله ما قصر لاني جالس اشحث ابوه انا
رفضت طبعا لان والله جده اكرها والا بقدر اكون نفسي
والاهم
موظف في الفرع اللي رحت له قال لي لا ترووح جده حتى لو تفصل

ليه ؟؟؟؟

لان فرع جده فيه مشاكل ماليه ومازال التحقيق فيها صحيح ان ليس لك علاقه
ولكن ( انا محاسب جديد والا افهم بخفايا والامور المعقده )


في الاخير قالو لي خلاص ارفع استقالتك
وبنوافق عليها

طب صفو حقوقي ( قيمه فحوصات طبيه اجريتها بطلب منهم وذكرهم انها عليهم يتم صرفها اذا باشرت )
قيمتها والله اني متسلفها 1490 ريال

قال لي بضحكه ( اذا باشرت خذها ) واذا ما باشرت مالك شي عندنا


وبخصوص التامينات لست مسجل والا وزاره العمل


وش الحل ابي اللي خسروني اياه

الله يجعله يدخل عليهم نار

حسبي الله

تكفون ساعدوني

والحمد لله
عندي السبوع الجاي مقابلتين بديوان الممراقابه العامه ومجلس التعاون الخليجي
وحده الثلاثاء ووحده الاربعاء


لكن ابي 1490 حقي وش اسوي تكفون ساعدوني بحل

الفواتير عندي وهم اخذو التقارير وكل ما يتعلق فيها