حلول البطالة Unemployment Solutions - شكرااااا موقع البطالة ....

الحمدلله والشكر له .
.توظفت بشركة اكسترا زين من خلال معلومات عن طريق منتدى البطالة
وباقووول كل المعلومات لكي افيد اخواني بالمنتدى
وكيف قبلوني
بسم الله نبدأ.....
ذهبت برامج عبداللطيف جميل بالرياض مخرج 25
عائشة بنت ابي بكر
وقدمت اوراقي واجروا لي مقابلة
وقالو بنتصل عليك خلال اسبوع
وانتظرت الاسبوع .وكنت فاقد الامل .
وبعد اسبوع يوم الخميس .اتصلوا علي
وقالوا عندي اختبار في معهد العالمية بشارع التحلية
يوم السبت الساعة 9:30
ورحت واختبرت .وقالوا خلال يومين نتصل عليك
وكل يوم وانا مزعج معهد العالمية واتصل عليهم
وموظف الاستقبال متجاوب معي لاخر درجة بالمعهد طبعا
وبعد اسبوع ويوم اتصلو علي
وقالوا اني نجحت في الاختباروعندي مقابلة يوم الثلاثاء الساعة 3:30 في فندق ردايسون ساس
.طريق المطار القديم (طريق الملك عبدالعزيز)
ورحت للمقابلة وانتظرت 10 دقايق
وجاء موظف سوري مادري لبناني او فلسطيني
ماني متأكد منه
المهم :
سوالي المقابلة وكانت في قمة الروعة واسئلته سهله
وطريقة المقابلة :كالتالي
بدينا بسم الله طبعا
وقام يرحب فيني ويهلي
ومن ثم قالي عطني اسمك
وقال وش مؤهلك .ومعك خبرات .ومن ذا القبيل
المهم سئلني سؤالين انجليزي وتخبروني مبدع بالانجليزي
(مسوي كتاب لي بالانجليزي منزله بالمكتبات ومعتمد)
الاول :وش اسمك .طبعا بالانجليزي .
الثاني:اين تعيش .
وجاوبت عليهم .
ومن ثم الاسئلة الاخرى
لو جاك عميل معصب كيف تتعامل معه
والسؤال اللي بعده ماعندك مانع انك تتوظف مع موزعينا .وغيرها
وخلصت المقابلة .وقام يمدحني ووصلني السماء
وقال انت من الناس اللي استثنيناهم من الثانوي
وانشاالله بساعدك انا ماقلت ساعدني
هو اللي قالها .
وقال انتظر منا اتصال خلال اسبوع .
وخلال يوم .انا سويت المقابلة الثلاثاء
الاربعاء بالليل دقوا علي .
وقالوا تعال يوم الخميس الساعة 9
علشان توقع العقد .ووصفلي المكان
الموقع : طريق العليا العام .مقابل العقارية الثالثة بعد البنك السعودي الهولندي
عمارة ثيرماج فيها كوفي بالزاوية اسمه : كوفي دانير
(شربت فيه شاهي قبل لاروح الشركة اوقع العقد )
(وش دخل الموضوع هذا ..ههههههههه)
اسم الشركة :رواسي .الدور الثاني
ورحت ووقعت العقد .وخلصت وارتحت
والدورة اليوم :
من السبت الى الاربعاء :من 4 الى 10 مساء
وفي ختام موضوعي
احمد الله والشكر له على توفيقه وامتنانه وفضله
اني توظفت .
ومن ثم فضل منتدى البطالة
واشكررر
كل اعضاء ومشرفين منتدى البطالة وكل القائمين
والى مزيد من التقدم والرقي والازدهار .انشالله
واتمنى لجميع الاخوان التوفيق والنجاح
والقاكم متوظفين .
قالوا امين .
وبشارة بعد بكمل دراستي الدبلوم
ومن ثم انشالله البكالوريس