مهم بخصوص شهاده الحاسب قبل الثانوية
السلام عليكم ورحمة الله وبركاته اسعد الله اوقاتكم شباب سمعنآ كم اشاعه ان اي واحد معه شهاده حاسب قبل الثانوية ينطرد وناس تقول لا مشفنا احد انطرد وناس تقول لا انطردو ياشباب وربي على اعصابنآ نبي الصدق مو كل واحد ينصب علينآ ياليت محد يرد اللى متاكد من هشى واللى راحو لموعدهم بنتظآركم |
فعلا فيه ناس انطردو وفيه ناس انقبلت جرب حظك هي على حسب مزاج العسكري
اللي يدقق بالاوراق واذا لك رزق بتاخذه وبالتوفيق لك |
والله هذا كلام مدير المؤسسة العامة للتدريب التقني والمهني بحائل الاهلي
يقول ماتقبل بي أي وظيفة حكومية اي كانت تكون مدني أو عسكري الا بعد الثانوي والله هذا كلامه وكلام مدير (معهد العالمية) |
والله العظيم يأخوي أنا من ضمن الى أنطردو بسبب شهادة الحاسب أنها قبل الثانوية
وأنا أعطيك العلم الزين جاني واحد رتبته رئيس رقباء وقال الى شهادته قبل الثانوية يطلع وصفنا على جنب وبعدين قال اذا كانت شهادتك قبل الثانوية ترا ما تلزمنا وأنا كان موعدي 4/11 لاكن أنتا روح وتوكل على الله يمكن تطيح في يد واحد طيب بس أهم شي تروح بلبس رياضة الله يوفق وفالك القبول النهائي |
اقتباس:
روووح وتوكل على الله |
يارجال على كلام الشباب مزاجات العسكري
اذا مكتوبه لنا بتجي وفيه بداله الف وظيفه عسكريه وبنسبه كبيره يقبلونها قبل او بعد |
اقتباس:
|
وش تفرق قبل او بعد نفس البرامج ونفس الوورد ونفس كل شي
واللة اذا علشان كذا يطرودوني واللة ماطلع الا انا مسوي سالفة وادخل على اكبر واحد ماني طالع الا يقبلوني هذا العضو معصب جداا |
بيض الله وجيهكم
صادقين اذا مكتوبه بتجينآ واذا طردونا راح نقول خيرة وباذن الله راح اجرب حظي ويارب الف شكر لكم اخواني |
الساعة الآن 06:48 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين