|
فكرتي وأريد رايكم تكفون لاتخلووني
.... يا جماعة الخير انا تخرجت من الثانويه في عام 1430 .... يعني قبل سنتين تقريبا وبتقدير مقبول يعني الجامعات ماتقبلني .... وانا بصراحه ماني حق دراسه صرت اقدم على الوظائف العسكريه .... وقدمت كذا مره ومعي وسطات قويه لكن اللي موب مكتوب لي ما راح اخذه ...... وعندي فكره اني افتح مكتب خدمات عامه عند المرور (في المدينه المنوره) ...... مكتب تسديد رسووم لجميع الدوائر الحكوميه وتعقيب المرور والجوازات ....... ورحت للموسسه العامه لتعليم الفني والتدريب المهني (قسم رياده للمشاريع الصغيره) ...... هذا قسم رياده اللي عنده مشروع يموله المشروع ويعطيه راس المال ....... ويسوي له دراسة جدوى ولكن بشرط تكون عندك خبره في المشروع لمدة سنه ..... واذا تم دعمك من رياده تاخذ راتب ثلاثه الاف ريال من الموارد البشريه لمدة سنتين ...... وتجيب شهادة خبره انك اشتغلت في مكتب لمدة سنه واللي مشروعه مطعم لزم يجيب ...... شهادة خبره انه اشتغل في مطعم لمدة سنه وهكذا ..... رحت لمكتب تعقيب عند المرور عندنا في المدينه وقلت لصاحب المكتب انا ابغى اشتغل ..... عندكم اسبوع اسبوعين او شهر لين افهم الشغله بدون مقابل يعني ما ابغي راتب ولا شي .... بس بشرط بعد ما افهم الشغله تعطوني شهادة خبره لمدة سنه . .... المكتب وافقوا على طوول بس انا خايف لاني ما راح افتح مشروعي من راس مال موجود .... انا ما خذ قرص وانتم وش رايكم ... اتمنى انكم تعطوني رايكم في مشروعي .... واتمنى اللي قبل كذا اخذوا قرض من مشروع رياده يعطوني رايهم .... لاني متردد وخايف اني اخذ قرض واخسر وبعدين يكون القرض بظهري . |
اخوي عيسى
اهلا وسهلا بك... وحياك الله اولا توكل على الله وابداء العمل ومن خلال وجودك في العمل واخذك وعطاك مع الزباين سوف تتضح لك اشياء كثيره جدا سوف تتضح لك السلبيات والايجابيات والارباح وهل هذا المشروع مجدي ام لا لاتترك للشيطان فرصه ان يثبطك توكل على الله حافظ على صلاتك اكثر من الدعاء بين الاذان والاقامه ان الله ييسر لك امور صدقني سوف تجد خير ان شاء الله |
الله يوفقك
|
موفق بإذن الله ... لك مني أجمل تحية .
|
[align=center]
السلام عليكم ورحمة الله وبركاته آخوي عيسى توكل على الله وإبدا المشروع لكن آول شي تسويه صلي ركعتين وآستخير ثم إسأل صآحب المكتب اللي بتشتغل عنده كيف الشغل معهم ماشي ولا لا كم رأس المآل المطلوب ؟ وكم ترجع لك الفائده السنويه ؟ وآسأله من هذا القبيل حتى تعرف الشغله صح وآهم شي الصلآة ما تتركها ولا تخلي عملك يعطلك عنها و آتمنى لك التوفيق في حيآتك تحيآتي [/align] |
جزاكم الله خير على النصائح
بس ياليت اللي اقتراضوا من الموسسه قبل كذا يعيطيني وش رايه با الموسسه |
مــوفق اخوي ...
والله يكتب اللي فيه الخير إن شاء الله ,,, |
أخوي عيسى مكتب الخدمات العامة ما أشوف إنه مُكلف لدرجة انك تأخذ قرض !
يعني أشتغل مع أي مكتب خدمات عامة لين تكتسب خبرة وبعدها دبرلك مبلغ من 15.000 الف ريال وحولها دور على أحد يسلفك ابوك امك اخوانك جماعتك أصدقائك .. لأن مكتب الخدمات العامة يعتمد بشكل رئيسي على العلاقات والمعارف والخبرة وهذي كلها راح تكتسبها اذا اشتغلت فترة عند مكتب خدمات عامة حاول انك تكّون أكبر قاعدة علاقات ,,, وبالتوفيق,,,,,,, |
[align=center]
اقتباس:
كيف تطلب شهادة خبرة سنة وأنت مااشتغلت الا أسبوع أو شهر ؟ ( وهذه نصيحة محب أرجوا أن تقبلها بصدر رحب ) لأنه يجب أن تتعامل بمصداقية وثقة مع عملائك مستقبلاُ . هذا .. أولا .. ثانيا : المكتب مايحتاج رأس مال كبير وقرض ،، بل مثل ماقال أخوي محماس من 10 إلى 15 ألف ريال ،، بعد ماتكتسب خبرة لمدة شهر في أحد المكاتب . أسال الله لك التوفيق [/align] |
لاياخوي لاتبدا مشوار حياتك بالكذب والغش قال صلى الله عليه وسلم (من غشنا ليس منا)
احذر الغش كيف تبغى الله يوفقك والله ماراح تتوفق ابدا مهما سويت اذاكانت بدايتك بحرام شوف لك احد يسلفك ولا شوف لك كفيل وقدم على باب رزق بيعطونك 20,000ريال تكفيك باذن الله الكفيل اهم شي حتى لوكانت حرمه تكفلك وتسددهم كل شهر 600 ريال انا اخذت من عندهم بس الله يعينك على الطعه حقتهم يعني تقدم وبعد 5 شهور بالكثير تاخذ المبلغ اذا اوراقك كامله موفق بإذن الله ... لك مني أجمل تحية . |
| الساعة الآن 06:43 AM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين