|
لــلــمــتـــزوجــيــن فــقـــط !!!
ياجماعه بووووه هوووون واحد ع وشك الزواج يعني بعد شهر او شهرين او ثلاثة اشهر او اربعه اشهر او خمسة اشهر بس الاكيد اقل من سنه !!!
يعني بحاجة نصايح وماتكون له فقط ربما يستفيد منها شخص حتى من خارج المنتدى بس ماتكون نصائح تقليديه مثل اللي نسمع ليل نهار سواء بالمحاضرات او بالكتب او بالمساجد ... سألت جدي قال لاتعطي الحرمه وجه قت ليش ياجد قال الحرمه ماتعطى وجه !!! استغربت من كلامه وقلت تصدق ياجد افكر اذا تزوجت اذا طلعت انا واياها امسك يدها واحنا ماشين وقبل تركب افتح لها الباب عشآن تركب واسكره بعد ماتركب شوي الا والعصا فوووق ظهري والحمد لله نفذت بجلدي والا كان تلقوني بمقبرة العود !!! الزبده اللي متزوج يعطينا الزبده واهم شي ماابغى نسخ ولصق من هالمنتديات اللي مافيها الا انسخ والصق وهذي النصيحه عندهم نبغى شي بدون تكلفه بس لايجيني احد ويقول المرأه خلقت من ضلع اعوج فإن حاولت تغيرها كسرتها ومدري شنو !!! ابي شي مختصر مفيد وياليت قاصر الشر يعطينا تجربته خصوصا ان عنده بنتين وكل مااكلمه يستلمني محاضرات والزواج والزواج ابيه يعطينا خبرته هوووون والله يعينا ع كثر قرقرته !!! وبـــس ... |
نصيحتي لك المشاكل ماتطلع بينهم واهل الزوجه مايتدخلون واهل الزوج برضو مايتدخلون واعرف اذا تدخل احد الطرفين بيخرب البيت كله هذا اهم شي بالحياه الزوجيه
|
^^^^
حلو حلو بس مشكلتي عندي جد توووحفه مااخبي عليه شي البته البته يعني أسحب عليه بعد الزواج !!! وبس ... |
اقول تزوج ولا يكثر
توكل على الله وتزوج وابعد عنك الكلام الي ماله معنى شكلك تبي تتزوج وتتطلق ما يصلح كذا خخخخخخخخخخ |
^^^^
واذا طلقت اول واحد يطلق والا آخر واحد ؟؟؟ ان شاء الله ماراح اطلق بس أتزوج بالاول !!! وبس ... |
اقتباس:
عزيزي مستشار العشاق...بخصوص طلب الاستشارة...شايفني خطابة مثلا؟؟؟ لي عودة للتعقيب بس خلني اروح ألعب مع فجر ...تراها صارت كبيرة موب على خبرك قبل سنة ونص |
انصحك تروح مكان ثاني فيه استشارات الي هنا عاطلين يعني مطفرين لازواجولاولد ولاتلد بعدين حطيت مشاكل الزواج كلها كيف تمسك يدهاخخخخ
اهم شي العشرة الطيبة مووفق |
انصحك نصيحه حول تجمع من الحين مهر الزوجه الثانيه ترى التعدد حلو
|
اشوف موضوعك مره ماله داعي فالبطالة
يعني منتدى خاص بمعاناه الشباب من قلة الوظايف منتدى توظيف وغايته هو توفير فرص عمل تجي تبغى نصايح صح الواحه للترفيه عن النفس والافادة والاستفادة لكن اعطاء اراء واستشارات لمواضيع الزواج احسها صعبه ولايهونون المتزوجين اللي بالمنتدى لكن لو سوينا احصائية راح تلاقي ثلاث ارباع الاعضاء عزابية عواطليه راعي مشاعر الشباب شوي وبعدين منتديات الاستشارات الاسرية على قفى من يشيل رز لك موضوع فيذا وشف الردود والنصايح اللي يحبها قلبك مجرد رأي والله يوفقك في حياتك الزوجيه |
ربي يوفقك وصادقين اللي ردو عليك قبلي مالقيت الا منتدى العاطلين تسألهم هع
|
| الساعة الآن 03:00 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين