تكفون الدخول ( انتم أملي بعد الله ) منت خسران شيء
[align=center]
بسم الله الرحمن الرحيم السلام عليكم ورحمة الله وبركاته أنا اخوي عمره 19 سنه جاه ورم حميد بالراس قبل ثلاث سنوات تم إستئصال جزء بقي جزء منه لم يستطيعون إستئصاله لأنه صاير على شبكة العين بعد اول عملية فقد بصرة للعين اليمنى وعينه اليسرى نظره ضعيف جداٌ سجلته في الضمان الإجتماعي قالوا هذا عجز مؤقت صرفوا له لمدة 2 سنة وأسقطوه من النظام ( كيف عجز مؤقت هذا يعتبر دايم حتى المستشفى قالوا لا نستطيع عمل حاجه خوفاً على العين اليسرى ) اللي ابغاه منكم بعد الله اللي يخبر وظيفة مناسبه له يكسب اجر هذا الشاب معاه ثانوية عامة أو طريقة يحصل منها على دخل سواء من الضمان الإجتماعي أو غيرها ( والله لن تنساة الوالدة من دعائها بقية حياتها لمن يساعدة ) [/align] |
الله يشفيه ويرفع عنه
ويرزقه من واسع فضله |
موفق بإذن الله ... لك مني أجمل تحية .
|
اسال الله ان يشفيه ويشفي مرضى المسلمين اجمعين
|
هذي مشكله في الضمان مريض العجز المؤقت لازم كل سنتين يجدد تقريره الطبي الان المطلوب منكم عشان يرجع اخوك لضمان جيب تقرير غير الاول على طول يصرفون له راتب
|
الله يشفيــه يااارب .. .. اخووي .. انا بسـآعد اخوك اذا كـآن بجدة بعطيـه اكثر من شركة ..
وبدون دوام.. انا اعرف شركتيــن بجدة بس لزم يكون متسجل بـ التهيــل الشـآمل ..\ مشـأإن يكون من ذوى الاحتيـأإجات الخـآصه { اذا كان .. من ذوى الاحتيـآجات الخـآصه .. وعنده بطاقه اعـآقه } اقدر افيدة بشركتيــن.. ويكون من جدة .. راسلني علي الخـآص يالغالي الله يقدرني علي فعل الخيــر |
تفضل يا الغالي
https://www.btalah.com/t363223.html شركة صافولا بجدة يبوا يوظفوا شباب وبنات من ذوي الاحتياجات الخاصة لو تبي تلفون بعد ابشر لكن على الخاص لا تنساني من دعواتك |
ماقصرو معاك اهل جده
تستاهل كل خير . والله يشفي ويعافي اخووك |
الله يشفيه
|
[align=center]
الله يوفقكم جميعاً ... على تجاوبكم معي بس المشكلة إني ساكن في الرياض والاهم ماني عارف الطريقة اللي أصدر فيها بطاقة التأهيل الشامل !!! وهل مثل وضعة يعطونه بطاقة ؟ وإلا يقولون هذي ماتعتبر إعاقة ؟ تكفون أبي جواب لأنه كل يوم يقول وش سويت بموضوعي ونفسيته مرة تعبانه وأنا ماني عارف أسوي أي شي بصراحة ( معي تقارير كاملة عن حالته الصحية من مستشفى الملك فهد بالرياض ) أبي فزعتكم دلوني على طريقة .... واّسف على الإطالة [/align] |
خيووو .. بالنسبه لموضوعه الصحي .
انصحك تكمل فيه بمستشفى الملك فيصل التخصصي .. باي طريقه كانت .لان الورم يزيد ((تطلع تحويل .. بواسطه .. بكلمتين حلوه مع الطبيب .. فهم الطبيب انو هناك الامكانيات افضل .. رح التخصصي تدخل ع الطواري .. تدخل على مديرهم .. تستفزع اكبر مسؤول فيهم )) لا تتاخر في اي خطوه .. اوراقك معاك . اما خصوص استخراج البطاقه .. امبين اخوك يستحقها بعد . 1.حضور المعاق للمركز للكشف ومعاينة الحالة من قبل الأخصائي الاجتماعي والأخصائي النفسي وطبيب المركز. 2.الهوية الأصل + صورة منها. 3.تقرير طبي حديث لا يتجاوز سنة يثبت في حالة الإعاقة وتاريخها. 4. عدد 4 صور شمسية حديثة ملونة للمعاق مقاس 3*4 بأي وضعية كانت. 5.تعريف بالراتب إذا كان المتقدم موظف. حقوق المعااق كثير . مجرد تكتب بالنت تملى عينك منها . وهنا يفيدك بالامراض المعتبره .. شروط الحصول على الإعانة الشهرية للمعوقين: 1.أن تكون الإعاقة من الإعاقات المعتمدة للحصول على الإعانة الشهرية. وهي كالاتي: الاعاقات التي تستحق اعانه سنويه 1-الاعاقات الجسديه وتشمل : - الشلل بانوعه - البتر بانوعه - الضعف ( الضعف الجسدي مثل صعوبه بالمشي ضعف بالاطراف الاربعه وغيرها ) - الضمور بالعضلات - الخلع بانواعه - التشوهات الجسديه 2- اعاقات اخري مثل : - لين العظام - روماتويد في المفاصل - شق بسق الحلق - تاخر بالنمو - اعتلال عضلات - قصر طرف ايمن او ايسر 3- الاعاقات الذهنيه : - التخلف العقلي بانواعه ( بسيط - متوسط - شديد ) 4- الاعاقات الحسيه : -صمم - بكم - كف ابصار -ضعف ابصار - عيوب نطق -ضعف شديد بالسمع - كف ابصار عين وحده 5- الاعاقات النفسيه : - التوحد - اضطرابات نفسيه 6- الاعاقات المرضيه : - مرض جلدي - امراض قلب المزمنه - امراض الصدر المزمنه - تليف بالرئه - استسقاء بالدماغ - سرطان بالمخ - فشل كلوي مزمن -فشل بالكبد - عظام هشه - انواع الانيمياء -الانيمياء الثلاسيميا -الانيمياء منجليه - امراض الدم : - سيوله بالدم - سرطان الدم - امراض : مرض خبيث - نقص المناعه ايدز - امراض نادره - ورم خبيث - صرع - شلل رعاشي - طفل مغولي ارجو من لديه اي اعاقه تم ذكرها اعلاه مراجعة مركز التاهيل الشامل للمعاقين.. 2.لا يقل عمر المتقدم عن سنتين ولا يزيد عن 45 سنة ويجوز استثناء حالات الفشل الكلوي وأمراض السرطانات والأورام الخبيثة من العمر. 3.إذا زاد عمر المتقدم عن 45سنة وقت التقديم فيجب أن تكون الإعاقة حدثت له قبل بلوغ سن 45 سنة وعليه إثبات تاريخ الإصابة في التقرير الطبي. 4.لا يزيد راتب الموظف الأعزب عن 2500 ريال أو المتزوج عن 3000 ريال |
الساعة الآن 06:03 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين