|
أمكان الملاهي بالرياض الجديده والقديمة
[align=center]
بسم الله الرحمن الرحيم [/align] السلام عليكم ورحمة الله وبركاته كــــــــــــيف حالكم؟ تكفووووون ابغى فزعتكم انا توني سكنت الرياض ولا اعرف فيها شي ابغاكم تعطوني الملاهي:wa والمنتزهات :hالعائليه بالرياض لان مليت من الاسواق ابغى ملاهي خطيره وكبيره تستاهل الفلوس اللي ياخذونها ياليت تعطوني اسعارهم ما ابغى اتوهق مع المدام :c لانها اذا ادخلت لاعبه لاعبه لو انها بمليون :cry: طبعا ما ابغى العاب اطفال ابغاها للكبار ومشكـــــــــــــــــــــــــــورين :w اخوكم / محمد الشراري |
وعليكم السلام ورحمة الله وبركاته
المشكله مادل شي لانه جاني احباط لما اروح لاي محل يقولون عوائل حتى التحليه بعد كم سنه راح يكون عوائل مدري ليش يطاردونا :d فصرت اروح للمقاهي والكوفي ماعرف غيرها .. كلها سنقل |
^
سبحان الله عندنا ثقافة يالسعوديين عيب علينا نتمشى مع الاهل المهم ماعلينا ... الرياض مافيها ملاهي تفتح النفس اقرب بالخرابات خصوصا الثمامه اللهم لك الحمد اعصر ذهني لك ... افضل منتزهات الثمامه قرية الثمامه من ناحية النظافه فقط ووجود قرية الثلج والفانتزي لاند من حيث المساحه فقط وفيها ملاهي نساء ورجال ....ومثل ماقلت منتزهات الثمامه أشبه بكومة نفايات جشع تجار على اصحاب الدخل المحدود الذين لاحول لهم ولاقوة الا الثمامه كمتنفس ... صحيح كل لعبه بعشرة ريال او بعشرين .. يوجد المرسى بشمال الرياض مخرج 10 حليو لكن اكلهم مش ولابد مو نظيف مابوه ملاهي ياخوي الا اطفال ....وشاليهات وجلسات الحدائق اللي اذكر يوم كنا صغار نروح لها جبل ابو مخروق فيه قصه مع الملك عبدالعزيز والجبل هذا/ وحديقة الغرفه التجاريه اللي مدري للحين عايشه ولا لا وملاهي نسائيه الحكير وستار ستي مخرج 10 .... الدخول بعشرين بدون لعب وب 50 تقريبا باللعب بس الله يعينها مدام حضرتك زححححمه هناك يمكن ماتلعب وتسكر الملاهي وهي تنتظر دورها لان ملاهيهم صغيره كثرت الحكي ... |
ما ازيد ع كلاااام أختي تباشير ....
بس الحكير فيه ايام محدده عوائل ... ممكن تروح لهااا فيه البحيره في الثمامه كمان المرسى حلووه شاليهااته ... |
فيه منتجع كلوسترز ومنتزه الاندلس
فيه منتزه فانتزي لاند ..بالثماامه برضو حلووو فيه شاليهات اليمامه على طريق الخرج |
اجل فيه اماكن كويسه
اقتباس:
من قال : عيب امشي مع اهلي كل سنه انسق اجازه ونطلع نتمشى سوى وبعدين اهلي بالشرقيه في الويك اند اروح لهم لو الود ودي افصل وجلس معهم :q اما اللي مايطلع يمشي اهله ولا يوديهم اكيد عنده مشكله مره كانو عدي اهلي بلشت ماعرف وين اوديهم << الثمامه ولا كوفيهات التحليه :( يالبى الشرقيه ومع ذالك ماني بيتوتي :rolleyes: |
يعطيكم العافيه
ياليت واحد يقولي قريت الثمامه وين مكانها |
اقتباس:
على العموم اشتريلها بلاستشن او ايباداو ايبود وان شاء الله ماتطلبك تتمشى :d<اتريق معاك والله ماعرف شي بالرياض حبيت بس اعلق :ash: |
^^
لاتتحمس لها اصبر لين الجمعة والحكير لاند عوائل كل جمعة تراها أطلق شيي بالرياض وغيرها بربسة بزران |
وعليكم السلام ورحمة الله وبركاته
هههـــ حريم اهل الرياض عاقلات مايلعبون بالملاهي هههههــــ يلعبون مويه ثلج ولعبة واحد طش ههههـــ عندك ملاهي خاصة بالنساء ملاهي البرجون الي على طريق الملك فهد وملاهي تولان على طريق الملك فهد |
| الساعة الآن 11:18 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين