بفتح محل عقارات لانك في استفسارات
السلام عليكم ورحمة الله وبركاتة
اخواني/ اخواتي انا جزمت افتح محل عقارات لانك عندي اسالة كثيرة وهي هل اقدر افتح محل عقارات ومقاولات بنفس السجل واذا بغيت فيزا يعطوني على بناء ايش اللي مسجل بسجل التجاري ولا ايش يضبط ؟ ونصايحكم لاني بفتح في الرياض- حي الملز لانك تحديداً مدري نصايحكم في ينصحنا بموقع زين وفية حركة والسوال الاخير هو كيف اقدر اجيب عرووض لمكتب شراء وايجارات وبيع ؟ ممكن لا هنتم تعطوني اسم للمحل ويكون غير مسجل بوزارة التجارة والصناعة وهذا الرابط http://eservices.mci.gov.sa/Eservice...mesSearch.aspx ويعطيكم الف الف عافية |
انا انصحك بوادي لبن فيها شغل مو طبيعي لمكاتب العقار ,,
وموفق خيو ,, |
وعليكم السلام ورحمة الله وبركاته
على حد علمي ان نشاط مكاتب العقار ما يحتاج له سجل تجاري ولكن أنت تبي تفتح مؤسسة مقاولات أول شيء وبعدها تقدر تفتح مكتب عقار .. الفيز اذا المؤسسة والمكتب بمحل واحد راح يعطونك أكيد على المؤسسة .. في واحد أعرفة فاتح مؤسسة ومكتب عقار بمحل واحد أبي أسألة وأردلك خبــــــــر لأني مو متأكد من اللي قلتة ok |
الله يوفقك ماعندي أي خبرة
|
اقتباس:
انا ودي والله بس الوالد الله يحفظه كبير بسن ويبي شي قريب من البيت |
اقتباس:
انا رحت امس وزارة الصناعة والتجارة قالوا لي لازم سجل بس انا ابي افتح يكون عقارات ومقاولات اقدر |
شباب ممكن الحين الفيزا يعطوني اياها بناء على اللي مسجل بسجل التجاري ولا كيف الطريقة ؟
|
أخوي صاحب الموضوع صدر أمر بفصل نشاط المقاولات عن العقارات يعني غير مسموح بالجمع بينهما هذا أولا ً وثانيا ً محل العقارات لابد بأن يكون بإسم رجل لايقبلون اسم إمرأة ويلزمك السجل التجاري .
أما بالنسبة للعروض تروح للمكاتب وتقول أنا بفتح مكتب عقار وأبغى يكون بيني وبينك تواصل في العروض وياليت تعطيني عرضين أو ثلاثة ولابد أن تكون مجهز كرت المحل والرقم الخاص به عليه عشان تعطيه المكاتب والزبائن اللي يجونك في المحل . الله يوفقنا وإياك ،،،، |
اقتباس:
اخوي ما اتوقع احد يبي يعطيك عروضة لانه خاصة به بعدين كيف الطريقة نتقاسم السعي بنص ولا كيف الطريقة |
أخوي أنا لدي مكتب عقار ولكن خارج الرياض وهذا هو المتعارف عند اصحاب العقار والمثل يقول العوض ولا القطيعة يعني أنا ياصاحب المكتب اكسب نصف او ربع قيمة السعي بإستمرار خير لي من أن يكون لي السعي كامل ولكن مايجي إلا بعد شهر أو اكثر لذا اصحاب المكاتب يبغون يصرفون العروض اول بأول حتى يكسب مال ويكسب شهره .
ثانيا ً السعي بين المكاتب النص بالنص وكل ماكثر الوسيط كان القسمة بينهما بالتساوي أما وسيط ليس له مكتب فهذا يعطاء اقل من النصف شيء يرضيه من أجل أن يستمر معك بالعروض ولا تخسره إلا في حالة أن يشرط النصف هنا وأنت رضيت بشرطه حينها إذا بعت فعليك الوفاء بالعهد . اعزم وتوكل على الله فالعقار في خير كثير والسعي في الرياض جدا ً ممتاز ولكن عليك بالموقع الجيد واحرص على وضع ديكورات جميله للمكتب ولوحة كبيره من 2×4 واكبر ولا تكون من الذين طوال الوقت غير متواجد بالمكتب فهذا بحد ذاته عقبه في مشروعك ،،،،،موفق. |
الساعة الآن 03:34 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين