بعد ان فرضت علينا (السادسه) هل ستفرض علينا الدرجه الاولى ؟
الاخوان الاداريين بعد ان ثبت تعيينا على المرتبه السادسه ، من المفروض ان نحصل على الدرجه الرابعه وفق نظام الخدمه المدنيه ليكون صافي الراتب 7051 ريال اما في حالة تعيينا على الدرجه الاولى من السلم فراح يكون الراتب 6219 !!
السئوال هل سترضون ايضا الان بالدرجه الاولى ؟ اتوقع ان هذا السئوال هو الاهم خلال الفتره القادمه . اخيرا احب ان انوه الى ملاحظه مهمه جدا قد لا يعرفها الكثير من المعينين على الوظائف الاداريه وهو : عن الحوافز المقرره في نظام الخدمه المدنيه هناك بدل يطلق عليه اسم ( بدل المهنه ) مقداره 20 - 30 % من اول مربوط للعاملون في مجال التدريس والتدريب من غير المشمولين بلائحة الوظائف التعليمية . مما يعني ان يكون الراتب في الدرجه الرابعه = 7051 + 20 % = 8264 ريال يعني اكثر من راتب المعلم !!! |
هههههههههه. شر البليه ما يضحك اذا رضينا با الوظائف أكيد من بداية السلم وبدون بدل لان بتكون ناس مانطالب با حقنا بس هيهات راح نوصلها للملك شباب نبي اجتماع *
|
يانااااس ارسلو برقيات تكفون
|
اه يالقهرر ..
مو مشكله . . احلى خطاب وحياتك لابو متعب . وانشاء الله يصير خير . . . |
حسبي الله عليهم ونعم الوكيل
|
توني اكتشف ان الوزارة عيالت ( ك ) ( ل ) ( ..... )
|
ابغى اعرف كم راتبها يعني وظيفه الاداريه بدرجه سادسه هالوووقت !!!
|
شباب ما نبي نسكت يلا ننسق الامور الان واضحه نصب واحتيال من الوزارتين بس كنت ابي اسأل فين كان الاتفاق في اي فندق وكم ناتج الربح
|
راتب السادسة
الدرجة الاولى 6065 الدرجة الثانيــة 6370 الدرجة الثالثــة 6675 الدرجة الرابعـة 6980 |
اذا سكتنا بتكون السادسه من الصفر. شباب نبي نسوي تحرك جامد عندنا اجازه ونسق وقت جميل وتنسيق اروع
|
شباب والله مالنا الا نرسل برقيات .قبل مايفوت الفوت ..
|
والله العظيم من ابسط حقوقنا الدرجه الرابعه لانا ما جبنا شي من عندنا هذا نظام الخدمه المدنيه نفسها ( الجامعي على المرتبه السادسه الدرجه الرابعه ) اما بدل المهنه فهو ايضا منصوص عليه في انظمة الخدمه المدنيه للعاملين في مجال التدريس والتدريب يعني ( المدارس ) من غير المشمولين بلائحة الوظائف التعليمية (يعني الاداريين )
|
|
ياشباب يعني لو اشتكينا على المظالم
وجبنا حقنا حسب النظام والله ياراتبنا بيصير اكثر من المعلم وزياده |
الله لايوفقهم
ياشباب سمعتوا اخر نكته (تصريح وزارة الخدمة اتاحة الفرصه الاداريين التقديم على وظائف تعليمية العام القادم)
ياشباب هالحركات والنصب مايمشي علينا الله لايوفقهم قالوه قبلنا للبديلات ومامشى عليهن لكن هذا ماصار امر ملكي ابو متعب الله يحفظه ماقال عينوهم اداريين والسنه الجايه خلوهم يقدمون على التعليم والله عيب ابو متعب لا امر بشي ينفذ ولا نروح لقصره الله يحفظه وهو ينصفنا ياشباب هذا مجرد تخدير وتوهيق السنه الجايه مافيه احتياج والدليل ان اللي تعينوا معنا السنه ذي بيعاد توجيههم السنه الجايه بعدين وش هالغباء بالوزارتين مادام انكم تدرون انهم مظلومين ولاعطيوا حقهم ليش يقدمون وهم مجتازين القياس والمقابله حسبي الله عليكم عينوهم بدون تقديم الله لايوفقكم ولا عطوهم المرتبه المستحقه ........................... تكفون يارجال لايروح حقنا ترى يد وحده ماتصفق وقفة رجل تكفون حقنا لايضيع تراهم مثل اللي حط الحبل برقبته بهالتصريح ياشباب مانبي تفرقه احنا حاسب ولا دين ولا عربي ولا غيره كلنا صوت واحد والله لتضيع علومهم وابو متعب الله يحفظه معنا |
شباب نبغى واحد واصل او يعرف واحد واصل يكلم الملك او الامير نايف
اقل شي نتساوى بالراتب مع المعلم |
طيب على اي اساس الدرجة الرابعة ؟؟ اش معنى بالذات الرابعة ؟؟
عشان لمن نطالب بحقنا يكون فيه لنا مستند نرجع له .. بدل المهنة واضح و نقدر نطالب على اساسه طيب لو نبغى نطالب بالدرجة الرابعة هل فيه مستند نقدر نرجع اليه ؟؟ |
الساعة الآن 05:27 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين