[طلب] صيغة برقية للملك عبدالله
 

السلام عليكم

أخواني طلبي مثل ما هو واضح بالعنوان

محتاج صيغة للبرقية من اجل المخالفات المرورية المقدرة بـ 25100 ريال سعودي


والله ناشبة لي مثل الشوك


سمعت ان الملك يسامح لكن ما يخفى عليكم غشيم بالكتابة واتمنى شخص له خلفيه بالموضوع يساعدني



دمتم بود

25 الف ., يالهوي بالي ., انت ما توقف للاشارات .؟
http://www.tkroni.com/up/store5/TkroniUp_UeQtinks8D.gif
او ان بيب بيب يقرب لك .. دايم مسرع ..؟ اعترف .,


بإذن الله اكتب لك معروض
بس اني مشغول الان ., بعد الساعة 10 م .,
برسله لك .,
وفقك الله .,

بيب بيب هههههههههههههههههههههههههههههههههههه

والله وانا اخوك خبرك هالقسايم متراكمه علي من خمس سنوات ، وعندنا مرور ما شاء الله تبارك الله يعرف يوصل المعلومه ويفهم السايق بالغصب وكل شارع ادخله تلقى العسكري وقف وقف وين رخصتك وما يلقى ويصكني بهالقسيمة ،،، واغلب رجال المرور يركزون على المراهقين والشباب لأنه عارف وواثق انه مخالف بأي شيء " حزام - رخصه - استمارة لكن وش نقول الحمد لله على كل حال

والمشكلة انها ورطتني بالتقديمات زي بعد القطاعات العسكرية تحتاج لرخصه عمومي والرخصه ما اقدر اطلعها الا بعد التسديد وقبل فترة توهق الوالد بسيارة يبي ينقلها باسمي وما قدر علي مخالفات اكثر من قيمة السيارة وراح سجلها باسم ولد عمي خخخخ تشوف المشوار


لكن وش نقول الحمد لله ،، واملي بالله ثم خادم الحرمين الشرفين كبيره والله ييسرها من عنده

أشكرك على تعاونك وبانتظارك

انا برسلها عن طريق 969

هذا رقم البرقيات سعر الكلمة بـ 50 هلله

والله ياخوك انها مصيبه


المشكلة الحين واحد من عيال عمي الله يرحمه العام راح للمباحث وطلبوا منه برنت من المرور وكان عليه 2400 وراح سددها واعطاهم برنت التسديد ،،، خوفي الحين نروح للتقديمات ويطلبون برنت وربي انها مصيبه من وين اجيب 25000 يا دوب جبت 6000 ريال حقت تشطيب النظر تسلفت من هنا ومن هنا لين تيسرت ،،،


ما اقول الا الله يسهل الامور ويعيننا ،، الملك مو مقصر لو وصلت له لكن نقول يا رب توصل له وما توصل لدرج ولد حرام

الله كريم .. لكن اهم شي نحن في بلد البترول ...<< ايه هين

السلام عليكم ورحمة الله وبركاته
معليش اخوي ع التاخير
هذا المعروض كتبته على عجلة .,
اتمنى انه يفى بالغرض ويساعدك .,

المعروض


بسم الله الرحمن الرحيم

الحمد لله وحده , والصلاة والسلام على من لا نبى بعده , وبعد ..

سيدي خادم الحرمين الشرفين الملك عبد الله بن عبد العزيز آل سعود .. حفظكم الله
السلام عليكم ورحمة الله وبركاته ..
انا أبنكم المواطن / ..................................................
تكالبت على الديون , وضاقت بى الارض بما رحبت ., وانا في بلد معطاء وانت رمز لهذا البلد .,
سيدي الكريم استعطف قلوبكم الرحيمة في إعفائي من الحق العام للدولة .
وذلك بإعفائي من المخالفات المروريه التى بلغت ....... ريال سعودي
واثقلت كاهلي , واصبحت مقيد اليدين من اثرها , ولم أستطع سدادها حتى الان.
ولكم جزيل الشكر والعرفان .



-------------------------
اتمنى لك التوفيق
إذا ضبطت معك خبرني .,:d

^^^^
ووجهك ., أنتظر بنترك اخونا خنجر يمر عليها .,
لو فيها اخطاء إملائية يصححها لنا .,
بالتوفيق .,

تم التصحيح من قبل حلمى التدريس .. ادعوا لها بالرزق .,
الله يسعدها ويوفقها ويسر لها دربها ., وينعش حياتها بالخير

التصحيح ..

الله يجزاك بالخير ويجعل الجنه مثواك ،،،،

ولو اعفوني من القسايم فحلاوتك عندي :d

الله يجزاها بالخير

ومفيدة للي يبي يكتبها الشخص ويرسلها عن طريق البريد ،،، الاخطاء الاملائية برقبة اللي يكتبها بمركز ارسال البرقيات ،، لأن الاتصالات السعودية مسوي خدمة ترسل برقية لأي مكان ولأي شخص عن طريق 969 ويرد عليك موظف وانت تمليه الكلام وهو يخيرك بين مستعجل وعادي

المستعجل الكلمة بريال وتوصل خلال 6 ساعات والعادي الكلمة بـ نصف ريال وتاخذ لها من 12 ساعه إلى يوم ،،، والحساب تجي بالفاتورة


أنا ما اقول إلا الله يجزاكم بالخير ويجعل الجنه مثواكم ويرزقكم من حيث تحتسبون ومن حيث لا تحتسبون ويحقق امانيكم


كل الشكر والتقدير والله يجعل اجر من يستفيد من هالمعروض في ميزان حسناتكم

وعليكم السلام ورحمة الله وبركاته

الله يكتب اللي فيه الخير يااارب


ويفرج كربتكم يارحيم ياغفور

اللهم آمين