|
تكفون ياليت تفيدوني في صندوق المئويه
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين ياجماعة الخير انا عندي مشروع ناااااااااااجح باذن الله لكن عندي سؤالين ياليت تفيدوني السؤال الاول:انا طالب في معهد صحي وادرس على حسابي وبالدين ياجماعة الخير وباقي سنتين وعندي اختبار هيئه وصعب جدا ولا ادري انجح والا لا وابغا اضمن مستقبلي فــــهل صندوق المئويه يعطي قرض لمشروعي وانا طالب ...لان فيه ناس قالو يعطون وفيه ناس يقولون لازم تكون متفرغ السؤال الثاني:عند استئجار المحل راح يطلب صاحب المحل الايجار وانا ماعندي فلوس واكيد القرض يبغاله فتره عشان ينزل فياليت انكم تفيدوني لاني محتاج مساعدتكم... تحيااااااااااااتي لكم... |
أنت قدم وبلغهم بكل شي
مع أن صندوق المئوية موقف له فتره لكن لا يمنع من محاولتك التقديم عليه ونصيحتي لك قدم على " ريادة الاعمال " نفس فكرة صندوق المئوية لكن أفضل بمراحل يعطونك دورة لمدة ثلاثة أشهر لإعداد دراسة الجدوى والقرض يصرف لك بشكل سريع خلال أشهر وليس كصندوق المئوية اللي ياخذ سنوات ابحث بقوقل عن " ريادة " وراح يظهر لك موقعهم اتصل عليهم واستفسر عن أمورك والله يكتب لك اللي فيه الخير |
لا يوجد جهة تمولك وأنت طالب ,,, لازم تتفرغ ... يحق لك التقديم لكن ما تستلم شيء لين تتفرغ ,, بخصوص ريادة الدورة مدتها 3 أسابيع ,, المئوية وهم حبر على ورق أنا وقعدت عقد تمويل معاهم ولا شفت شيء والتجارب موجودة مع الصندوق الفاشل
|
مشكور يابزنس لكن ياخوك رياده شروطهم بصراحه تعجيزيه حسب ما قرات في الموقع وما ادري لحد كم التمويل
فياليت تفيدني والاخ رمش العيون يعني مافيه فايده من اني اقدم وانا طالب لاني محتاج دعم والله والمشروع ناجح ياخوان لاتحطمون حلمي والله اني قاعد على اعصابي تحياتي لكل من رد علي ومشكورين مع تقديري واحترامي |
اقتباس:
شوف أنت قدم وإذا قبلوا مشروعك عاد قرر يا تترك الدراسة يا تواصل وتكنسل القرض .. ليه شروط ريادة معقدة ؟ نفس شروط المئوية ترى بالضبط على الأقل ريادة بدون فوائد المئوية باكثر من 100 ألف ياخذ عليك 30 ألف ولا نسبة بنك |
مثل ما قالك الاخ رمش العيون
ريادة شروطها مثل شروط صندوق المئوية وبعد أفضل من ناحية مساعدتهم لك بإعداد دراسة الجدوى من خلال دورة لمدة ثلاث أسابيع وكذلك القرض يصل إلى 300 الف أما المئوية 200 الف فقط تبي النصيحة كمل تعليمك ولاحق على القروض والتجارة ... لان الشغل ملحوق لكن التعليم ممكن تكبر ولا عاد يكون عندك رغبة فيه أو فراغ مع اني افضل انك تروح لريادة وتسألهم وتشرح وضعك لأن أحيانا يتساهلون |
شكرا لكم
لاكن مافيه فايده يعني لازم اتفرغ انا اخاف اني اخسر واي شخص لازم يحط الاحتمال هذا ثانيا هل يوجد فرع لرياده في جده واذا موجود ياليت تدلوني عليه وادعولي ان الله ييسر امري شكرا لكم من اعماق قلبي... |
هذا رابط موقع ريادة
اتصل عليهم واستفسر منهم عن كل شي واذا تبي تزورهم خذ الوصف منهم وبالتوفيق http://www.*******.com.sa//LeadershipBranches.html المنتدى يشفر روابط المواقع ! أكتب بقوقل " رياده " وراح يجيك أول موقع أدخل على إيقونة اتصل بنا ثم فروع رياده وتظهر لك أرقام الاتصال |
اقتباس:
الحمدلله والصلاة والسلام على رسول الله وعلى آله وصحبه أجمعين جواب السؤال الاول / الصندوق لايمول الطالب جواب السؤال الثاني / لا تستأجر قبل مايتم توقيع العقد معك ويتم تحديد مبلغ القرض |
اقتباس:
ارجو ان تتاكد من معلومات |
| الساعة الآن 09:59 AM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين