حافز = طاقات + لقائات
 

السلام عليكم ورحمة الله وبركاته


كيفكم


حظرت موعد مع طاقات
من كم يوم
ورحت وتحمست وقلت ياولد الامور بتزين


واليوم وصلتني رسالة من لقائات
هااا
بصراحة ما اخفيكم ان ابليس بدا يحك راسة >> حتى ابليس مايدري اشلون يفكرون



ما اخفيكم اني بديت اشك ان ال 2000 ريال راح يتقاسمونها شركات بأسم التوظيف
اتمنى مايكون صحيح هالشئ
لكن
هي وحدة من الاثنين
اما هالشركات لاشغال العاطلين
او
لاكل ال 2000 ريال المخصصة للعاطلين



السبب الي خلاني اقول هالكلام
ان حافز اعطى هالشركتين نفس البيانات مع ان بالاصل يفترض ان كل شركة تاخذ نصف المتقدمين حتى يغطون كل الاعداد باسرع وقت
وش الفايدة اني كل يوم احظر ورش عمل مع كل شركة؟؟؟
وش الفايدة اني اسمع نفس الكلام؟
انا انسان ابي وظيفة ما ابي كلام ومحاظرات!!!!!!!!!!!!!!!!!!!!!!

موقع طاقات http://taqat.org.sa/
موقع لقائات http://www.saudiliqaat.org

اذا هالموضوع مخالف ياليت ينقل للقسم المناسب لاني لا اقصد الاساءة لاحد فقط وجهة نظر تحتمل الصواب و الخطأ والشمس لاتغطى بغربال

الله يعين والله انااماابي اتوظف اهلي لكن وش السواةلازم احضرعشان هالالفين محتاجه لها وفي نفس الوقت اتمني ربي يرزقنا بوظيفة حكومية ابسال متى مفاضلة الوظائف التعليمية ؟ للبنات

آسعد الله صباحكم بكل خير ،،
آنا آرسلوا لي برنامج لقاءات و عطوني موعد اجيهم اليوم الساعة ثلاث ونص العصر

المهم حبيت اسأل اللي يعرف و خصوصا صاحب الموضوع

وش يبغون بالضبط ؟ اختبار ولا مقابلات شخصية ولا ندوة ولا كيف !!!
لأن وحدهفي المنتدى هنا تقول اختبار
و وحدهفي منتدى آخر تقول انهم ارسلوا نفس الرسالة لزوجها وطلع استاذ ويلقي عليهممحاظرة عن التوظيف و السعودة وكذا
وصاحب الموضوع يقول ورش عمل و ندوات وكذا

بالله اللي عنده خبر او علم يقول لي ، لانها خرشتني اللي تقول اختبار :(

الله يفرج همنا وييسر امرنا ويرزقنا من حيث لا نحتسب
يالله ترزقني انا وخواتي واخواني بهالمنتدى بالوظايف الحكومية عاجلا غير اجل يااااااااارب ،،

شكرا جزيلا ..

اخوي الامر لازم يبداء مثل منت شايف صح نظرتك ونقلك لكن تعليقك فيه من الخطاء اقولك بكل سهوله دائماً نقول الاجانب أكلونا اموالنا مدري وين تذهب وذابحتنا الغيره الخ... برنامج لقاءات من اسمه تعرف المقصد مثلاً لقاء مع مشغل لقاء مع مهندس لقاء مع منظم وهكذا من هنا حطونا معهم و عليهم يعني حطونا بالصورة طخ الاجنبي وطلع مخه هذا الصحيح تبي تشتغل اعرف كيف تبداء ومنين تنطلق انتم ياأخواني لو قالو لك مقابله في المكان الفلاني طقتك ام الركب ورحت تسأل كيف وشلون وش الاسئلة يصير الواحد حوسه من لا شيء انا اقول خلك مع البرنامج ماراح تندم انا اوصي ان لاحد يستهين بشي عشان تكسب الشغله ويدنا بيد بعض عشان نطلع الاجانب وانا اعتقد ان اكثر اللقاءات مع اجانب مع العلم انه الى الحين مادقو علي ولاشي للحظه هذي انتظر وتأمل كل خير من الله احسن ظنك تتحسن حياتك ارجو اني وصلت شي لكم

ياشباب اي واحد يروح ويقابل يحط في باله شي انتبه من شغل الاجانب حراكات التطفيش عشان تهج لا خلك بطل لانه هو نفسه الاجنبي ذكي يدري انه لو توظف سعودي راح يقولون له تيسر مع كامل مستحقاتك وعرفو شي ان الاجانب شغلتهم مؤقته ولو طال الزمن بمجرد توفر سعودي شاطر في المجال سرحو الاجنبي فا خلوكم مثل الجبال محد يزعزعها وانا اوصي نفسي قبلكم بس يدقون علي راح اناشبهم حتى على التقييم وياويل اللي يحاول ينزحني عن اي شي يصب في مصلحتي وانا مظرط اوصلها لاكبر مسؤل اقدر على مقابلته والبلد بلدنا وبعزائمنا تتقدم وانتبه من الاحباط لانه من الشيطان تعوذ منه كل ماحسيت فيه وجعل الله امام ناظريك مارح تخيب الى الابد...... يالله يالي من ترجاك ماخاب يالي تعلم خفاي السريرة

اسدالله
مشكور على الاضافة

لكن انت شطحت عن الموضوع

ياأخي الحبيب

طاقات أو لقاءات أو حتى نطاقات ليست شركات , وانما هم برنامجيين يتبعون لوزارة العمل والموارد البشرية وكلها جهات حكومية , هم يدورون لك عن شركات أو يدربونك

بسم الله الرحمن الرحيم
جاتني رساله من لقائات وحجزت موعد بس ابغى اغيره اقدر ولا لا ردو عليه ضروري

الله يسعدك ويوفقك كيف تم حجز الموعد انا مسجلة في حافز فقط وغير مسجلة في لقاءات كيف احجز موعد في لقاءات لان لقاءات ارسلولي احجز موعد وماخذين بياناتي من حافز انتي كيف حجزتي موعد هل انتي مسجلة في لقاءات؟!

^
^
وانا نفس الشي ، جاتني رساله ومدري شلون احجز ياليت احد يفيدنآآ

ولو ماحضرت هل بيسحبون الالفين اللي كل شهر ؟؟ وضروري الحضور ولا كيف !!