|
استفسارات كثيرة عن جدارة وكيفية الترشيح لوظيفة
السلام عليكم جميعا انا من خريجةعام 1426 .. من فترة وانا اقراء مواضيعكم وفي نقاط كثيرة لم افهمها انا قدمت في جدارة واحيانا احدث معلوماتي اضقت دورتين وقبل اسابيع غيرة الاماكن .. وقرات مواضيع لبعض الاخوات اي تغير في البيانات يؤخر من ترشيحك .... وقبل قليل قرات عن اجتياز اختبار القياس ؟؟ ياليت توضحٌ لي كل المطلوب واستكمال الشروط حتى يتم ترشيحي لوظيفة اعتذر عن جهلي وقلة خبرتي .. للاسف لم يعين احد من اخواتي في التدريس لكان هناك من يوجهني اتمنى وجود موضوع يكون دليل للمتخرج ماعليه فعلة للحصول على وظيفة من شروط خبرة او دورات او اختبارات ... الخ للعلم في هذة المنتدى شخص قام بحساب نقاط المفاضلة جزاء الله كل خير .. اتمنى عدم نقل الموضوع الى ان يتم توجيهي ... جزاكم الله الجنه اخير ا : هل استطيع معرفة ان كنت من المستبعدات او المرشحات للمفاضلة ؟ لو كان سوالي غلط اعتذر عن جهلي :) وهل صحيح ان تم ترشيحك لوظيفة سوف يتم الاتصال بك من قبل الخدمة المدنيه ؟ |
اقتباس:
كلام غير صحيح وانا قبل فتره كنت في الخدمه المدنيه واستفسرت عن هذا الشي وقال لي الموظف ماعندك مشكله تقدر تعدل في جداره الى يوم 29/12/1432 هـ اي تعديل بعد هالتاريخ مايتم دخول اسمك في المفاضله القادمه وعليك الانتظار الى المفاضله الي بعدها ،، هذا الي عندي والسلام خير ختام اتمنى لك التوفيق |
اقتباس:
|
شكرا جزيلا اخي عبيد في التجنيد لردك جزاك الله الجنه وييسرك امرك الماسه زرقاء تسلمي حبيبتي لردك ووضع الارقاك الله ييسرلك امورك دنيا واخره وبالنسبه لسؤالي هل هناك اختبار محدد يجب اجتيازه ... الله يرزقنا جميعا الوظيفة عاجلا غير اجل |
لاا يا وخيتي ماافيه أي اختبار لحد الآن تطمني والله يوفقك
بس لاحظت فموضوعك إعتذارات كثيير هذا دليل ذوقك بس حبيبتي عادي يحق لك تسألين والواحد مايولد عالم الله يرزقنا ويااااك ويوفقنا أجمعيين يارب طيب الأخ اللي قال نقدر نعدل انت صااادق؟؟ اخبر انها آخر شي٥/٦ للوظايف التعليمية وشهر ثمانية للادارية واي تعديل بعدها يحسب فالمفاضلة حقت السنة الجاية؟؟؟؟ بصراحة مدري بس اذا كذا بستفيد لو عدلت لاني لسا ماخذة دورة وودي اضيفها بس اخاف أجيب العيد وبالمرة قلت انتظر لين يفتحون مجال تعديل الرغبات المكانية وأضيفها مع التغيير وبس عموماً الله يوفقنا |
موفق بإذن الله ... لك مني أجمل تحية .
|
حبايبي انا لي قريب في وزارة الخدمه المدنيه
اي تعديل بعد تاريخ 6-5 لايدخل في المفاضله او ياخرك ( حتى لاحظي لمن ينزلون اسماء الاولاد او البنات قبلها مكتوب اللذين سبق تقديمهم من فتره 14-4 الى 6-5 ))وغير كذا ياروحي في شهر 6 سحبوا نسخ من كل تقديم وعلى اساس هاذي النسخ يتم الترشيخ تلقائيآ .. اما ماسمعته عن تعديل الرغبات المكانيه كان هذا كله كلام وللان ماتطبق شيء .. والتعديل سوف يكون في المناااااااااااااااااااطق احذروا يابنات من تعديل غير ذلك وإذا لك نصيب ربي اقوى واقدر من البشر ........ ويارب يرزقنا من فضله |
سؤال محيرني لو اخترت في جدارة
وظائف تعلمية و غبر تعلمية هل يتم استبعادي في الترشيح للمفاضلة |
اخواني اخواتي :
الكلام الي قلته مو من عندي هذا كلام الموظف في الاستقبال الخدمه المدنيه فرع المنطقه الشرقيه ، قال لي بالحرف الواحد : تقدر تعدل الين قبل لايغلق السستم ، وواحد من الاعضاء اكد كلامي يقول انا رحت الخدمه المدنيه فرع القصيم وشفت ورقه معلقه على الباب مكتوب فيها آخر تعديل هو يوم 29/12/1432هـ اذا الكلام غير صحيح طيب ليش يتعبون نفسهم ويوضعون ورقه مكتوب فيها اخر تعديل هو 29/12/1432 هـ يلعبون على نفسهم بوضع الورقه !!! ماوضعوها الا الكلام رسمي من الخدمه المدنيه ان يحق للمتقدم التعديل الى تاريخ 29/12/1432هـ وتدخل المفاضله الجايه ان شاء الله ، وامس كنت عندهم وخليته يشيك في السستم عن طلبي قال لي ليش بياناتك مخربطه ومكتوب غير مطاابق !!! قلت له انا كنت مسجل قبل جداره دبلوم الكليه التقنيه تخصص تسويق وفي جداره عدلت طلبي حذفت دبلوم الكليه التقنيه تسويق وحطيت بداله دبلوم المعهد الثانوي التجاري تخصص حركة المواد قلت له اموري اوكي لو هناك مشكله ؟؟ قال لي لالا اوكي ماعندك اي مشكله وقال لي ماعليك من الطلب الي قبل جداره خلاص خليك على جداره يعني بالمختصر بياناتنا الي سجلناها قبل جداره باااي باااي خلاص راحت ولا راح يعتمدون عليها ، وراح يعتمدون على بياناتنا في جداره فقط لاغير قلت له المفاضله الجايه للي مسجل قبل جداره او للي مسجل في جداره قال لي للي مسجل في جداره فقط يعني البيانات الي سجلناها قبل جداره خلاص انسوها ، قال لي الخدمه المدنيه راح تفتح لنا برنامج جداره على السنه الجديده وراح يتم المفاضله على من سجل في جداره . كلامي السابق كله عن المفاضله القادمه في شهر محرم لجميع الدبلومات المعاهد - التقنيه - الصحيين ...... إلخ ،،، اما التعليميه ليس لدي علم بها اطلاقاً ولا سألت عنها ما ادري عن تواريخ ترشيحكم ولا مفاضلاتكم . والسلام خير ختام موفقين جميعاً |
عبيد في التجنيد يعطيك العافية والله يوفق الجميع لما يحب ويرضى
|
| الساعة الآن 12:53 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين