|
زوجي ومديره والمشاوير الخاصه
السلام عليكم
بدون مقدمآت :) ! زوجي يشتغل في دآئره حكوميه وظيفته / سآئق يقوم بنقل الرؤسآء والنوّآب فقـــط ! من المطآر الى الدائره الحكوميه ومن الدآئره الحكوميه للمطآر وغير مسؤول عن غير هذا شيء ! وفي بداية دوامه لاحظ (تلزّق) مديره فيه ! والكثير نصحوه بالابتعاد عنه وعن (الميآنه ) معه -> وبعد فتره قصيره اتصل عليه مديره وطلب منه الحضور لمكتبه .... واعطاه اوراق تخص والدته (المدير*) ليراجعها في المستشفى تغاضيت عن هذي لكن بعد كل فتره والثانيه يطلع لي زوجي بمشوار خاص لمديره من جديد ولأن زوجي طيب القلب وصافي النيه يقول انه يحتسب الاجر لكن الى متى ! وفي يوم من الايام اتصل عليه المدير - واعطاه اوراق لزوجته الحااامل ! علشان يوديها للمستشفى _اوراق اجازة حمل + وضع + امومه) لأن زوجته مدرسه هذي تهون ويتصل عليه يقوله يجيب عياله من المدرسه ! ولا اغراض من المكتبه لولده الفلاني ولا اغراض الصيدليه اللي ماتخلص واوقات خارج الدوام علشان يوصله هو وامه للمطار يعني معليش زوجي ماهو سواق عندك ياحضرة المدير !!! قلت له روح ارفع فيه كلم المسؤلين بالشرقيه قال انا مآصدقت القى وظيفه تبين تحرميني منها ! انا طفح الكيل عندي مآأرضاها على زوجي - مو علشانها وظيفه حكوميه ننهآن !! وامس راح يجيب عياله من المدرسه وركبوا ورى قال للكبير اركب قدام معي قال لا انا متعود اركب ورى = سلآمآآآآآآآآآآآآت!!!!!!! وكل هذي تهون وانهم يكلفونه بوظيفه ثانيه ولايزيدون راتبه ولابنسبه قليله لأن المكلف بالوظيفه الثانيه استقال لمشقتها ! وصار الحين يشتغل بوظيفتين يخلص من هذي يروح للثانيه وكذا وش السوات !! قسسسم اني مقهوره على حاله وهو متضايق بس مآيبي يبين ادري مآبيدكم شي لكن وش الل ينصفنا من بعض المدراء اللي مستغلين مرآتبهم على اساس انهم امراء مثلا ؟! |
[align=center]
السلام عليكم ورحمة الله وبركاته أختي ترا زوجك يشتغل في دائرة حكومية ولا علية من احد مو قطاع خاص بعدين خلية زوجك يطنش يطنش بعض الاتصالات من مديرة يبي يفهمها مديرة أو الأفضل أنه يكلم مديرة ويفهمه وجه لوجة ولا يجيبها بطريقه تعصيب وزعل ولا يجيبها بطريقة ثانية انا كنت في دائرة حكومية ومديري يكلفني خارج الدوام بأمور تخص الدوام ومن اختصاصه هو أول يوم قلت اوكي وسويت إلي يبي ومن بكرة سحبت على الدوم وبقصد إني مزين شغله لينه مكلفني برا الدوام بشغل يخصه هو واليوم الثاني ناداني وقال زين الاوراق هذي قلت اوكي وزينتها بالدوام وسلمت الاوراق لمديري وقال انا ابيك اليوم تزين الاوراق هذي وبكرة جبها لي قلت اوكي وسويت الي يبي وسحبت على الدوم من بكرة واليوم الثاني سلمتها له وقالي قسم بالله اني يوم اعطيك الاوراق اني انا كنت مشغول مع الوالد بالمستشفى ولا اقدر ازينها ونت لا تفكر اني استغلك قلت والله عادي الي تبية بزينة بس اني ازين الشي خارج الدوام مو مدوم اليوم الي وراه [/align] |
[align=justify]
اختي الكريمة والله اني تأثرت من قصة زوجك والمدير فزوجك يخدمه خدمة العبد لسيده وهذا غير مقبول لاعقلا ولا شرعا ولا عرفا ولا نظاما ولا أدبا ولا أخلاقا ولا عدلا زوجك موظف حكومي لديه عمل وواجب محدد ان قام بأدائه وفي وإن قصر حوسب على تقصيره وجرت مسائلته انا نصيحتي بما انك مثقفة ومتنوره تستفزين رجولة زوجك بشكل ايجابي وحطي تحت ايجابي خطين يعني مو تروحين تقولين له انت مو رجال تعمل كذا وكذا بل تقولين له ماعهدتك تقبل الاهانة من اي احد واعرف انك رجل كريم ابن كرام لديك عزة نفس ولديك أنفة من ان تعمل لمشاوير مديرك الخاصة التي هي لاتليق بأمثالك بل انت هيئتك الدولة لأمر اسمى واعلى وهو اصطحاب المسؤولين وفي اوقات الدوام الرسمية وراتبك من الدولة وليس من المدير ولو قدر انك عصيت مديرك يوم ما بعد طاعتك العمياء فسيعمل على فصلك لأنك عودته الخنوع وسينظر لك كعبد متمرد عاصي لأنك لم تضع حد من البداية وسيعاملك بسوط النظام وقد يتجاوز النظام معك ايضا وهو مايسمى باستغلال النفوذ الوظيفي والاولى في مثل حالة زوجك أن يذهب للمسؤول في الوزارة او المشرف على المدير وهو مديره الاعلى ورئيسه في المدينة التي يعمل فيها زوجك ويبدي له استغلال المدير له في مشاوير خاصة وانه ضعيف امام المدير ويخشى من غضب المدير لو لم ينفذ اوامره بأن يسيء معاملته او يحرمه من وظيفته وأنه قد بلغ السيل الزبى فقد اصبح يخدم اولاد المدير وزوجته ويقضي حوائجهم في اوقات الدوام وخارجه ويفهم المسؤول بأنه لايطيق ذلك وانه رجل لديه بيت وزوجه واهل ومسؤوليات وانه لايريد ان يخسر عمله وان يقف بوجه المدير وطلباته فهو اضعف من ذلك وانه يطلب من المسؤول انصافه لأنه لن يستجيب بعد اليوم لطلبات المدير ويخشى ان يتم اقصاءه من عمله فإذا قال له المسؤول مالطلوب مني ؟ يجيبه بأن يقف معه اذا حاول المدير الاساءة إليه او إلى لقمة عيشه وأنه استبق الامور لأنه الحلقة الاضعف ويعرف بأن المدير سينتقم منه اذا خالف اوامره وانه لايرغب في ان تؤول الامور لذلك ويرغب في ان تكون الامور في اطار انساني وودي [/align] |
يطلب منه يعطيه اضافى على الراتب او ترقيه اذا كمل المدة القانونية
واذا مافيه ... مافيه ... شى ميح ... ايكلمه ايقوله اقلب وجهك انت وامك وعيالك منى مكفول فيهم ياباشا او يطلب نقل من المكان لى هو فيه ادارة ثانيه الحل بيده مو بيد المدير |
كثير مثل الاشكال هذي الي تحب تستعبد الموظف كانه هو الي يعطيه الراتب .. مثل ماقالوا الاخوان يطنشه احسن |
وعليكم السلام ورحمة الله وبركاته
لله يكون بعونكم ماله الاالتطنييييش عشان يفهم والايغير رقمه ويطلع رقم خاااص ويصرف المدير يقول جوالي خربان وبالصيانه لام يكلف غير زوجك |
يطنش مرة ومرتين لين المدير يفهم
مو كفاية انه مدير ورتبه كذا وزوجته مدرسة ولها راتب خلاص بدل ما يستعبدون خلق الله الضعفاء إللي راتبهم يدوب يكفيهم يجيبون سواق خاص بهمك وبعيالهم حسبي الله وكفى |
الله المُستعآن
-أشكركم على تفاعلكم يآأخوه |
أنا حسبته قطاع خاص قلت يمكن خايف من شي
دائرة حكومية ..واتنتم مخلين المدير على كيفه من جده زوجك!! والا خايف المدير يقدم فيه شكوى.. لو صار يقدر يدافع عن نفسه ويقول هالكينه بمشاوير ماله دخل فيها .. وش هالمدير ما يقدر يجيب سايق لشؤنه الخاصة .. زوجك سائق لامور شغل المدير وبس الشره مو على المدير ,,على زوجك والا المدير لو لاحظ ان زوجك ما عليه الا من شغله الاساسي وما عليه من الامور الثانيه ..كان ما قاله المدير شيء وش الله حاده زوجك الله يفرج همكم .. |
شباب في ناس كثير من المدراء
وهم يستغلون ضعفاء الشخصية يعني بدايتها يقولون للشخص اللي توه متوظف انت مراسل طيب اوكي بعد كم يوم يقول لك تعال صب القهوه وشوي ليش مزود السكر في الشاي وهكذا حتى تستعبد للموظفين والمدراء والنسبه للسائق اوك انت سواق توصل المدير من العمل حتى البيت ومن البيت حتى العمل وبعد فتره يقول لك الله لا يهينك روح جيب اغراض من البقاله ووصلها للبيت وشوي روح جيب عيالي من المدرسه ---------------------------------- اختي الكريم لا اريد ان اجرحك ولكن زوجك اذا كان منذ زمن وهو يقوم بتلبية طلبات مديره فاسمحي لي ان اقول لك سوف يظل يخدم مديره وان زوجك متضايق من عمله بسبب مديره |
يغير رقم جواله وبس
ويعطيم رقم ثاني حق عمله وبعد كذا يقفل الجوال يعي جوال للعمل ويقفله وجوالل خاص به |
موفقه بإذن الله أنتِ وزوجك .. لكم مني أجمل تحية
|
لهالدرجة؟
صراحه زوجك عطاه وجه كثير خليه يرفض أي عمل بدون مقابل والرزق بيد الله |
تغيير الجوآل ليسس حل
يوجد في مكتبهم ثابت خآص بهم وغالبا مآيتصل عليه ليطلب زوجي -- ابشركم تطورت العلاقه :) :) قال لزوجي اني راح اخليك عندي بمكتبي وقول لاصحابك إني غيرت وظيفتك وهذا علشان يسهل عليه الطلبات :) الله فوق كل مدير ظالممم |
8
والحين زوجي يداوم في مكتب مديره والوظيفه هي هي ! ودوام زوجي صار بعد صلاة الظهر يروح يرجع اولاد المدير من المدرسه لبيتهم ويروح يوقع للدوام ويجي البيت وزوجي على كلامه انه مرتاح لهالشغله لان اللي هو فيها اساسا كررررف واعترف لكم زوجي ضعيف شخصيه خارج البيت اما داخل البيت الله المستعاان |
حسبي الله ونعم الوكيل
|
الله يفرج هم كل مهموم
ياختي اسمحي لي زوجك بوظيفه حكومية ولا له حق يفصله يعطيه بوجهه يواجهه ويقول انا مقدر ماقصرت بس اشتغل خارج دوامي ليه يبوي؟؟!!!!!! باي حق لهالدرجه وصل الاستغلال لاحول ولاقوة الا بلله ماعليه منه بس يطنشه لازم يوقفه عند حده زوجك المفروض مب لهالدرجه مستسلم لازم يحط له حد بشغله وبس غير كذا هوبعد وراه بيت وعيال عالم ماتستحي ولاتخاف الله يستغلون الطيب والضعيف لابعد مدا |
موفقه بإذن الله ... لك مني أجمل تحية .
|
هوا يشتغل عند الحكومة ماعليه من المدير مايقدر يسويله شي لانه موظف حكومي اصعب شي يقدر يسويه النقل
اوالتقيم الوظيفي مايقدر يفصلوا الي اذا لقي شي عليه ولزم دليل علي مايقوله الرزق بيد الله ماهو بيد البشر الله يعين |
شي بصراحه يقهرر ويرفع الضغط ... عمي نفس الشي كان المدير حقه يستغله لانه ضعيف الشخصيه وكان يمدح فيه ويرفعه فوق يرسله يشتري ذبايح ويقله انت احسن واحد يشتري ذبايح وانت احسن واحد يقضي للبيت وانت اسرع واحد توصل طبعن عمي يحب المدح والحكحكه في المدراء وفي الاخير المدير مات ورجع لاساس عمله وصار ماله هيبه وطاح كرته بين اصحابه ..
الله ينصر زوجك على هالمدير الظالم بس اتمنى ان زوجك يقوي قلبه شوي وياخذ معاه جهاز تسجيل ويروح للمدير مكتبه ويصارحه ويقله الامور الشخصيه اللي تتعلق فيك مالي شغل فيها وانا خدمتك في البدايه عشان اساعدك بس الحين اشوف اني صرت سواق عندك اكثر من عند الحكومه ويرفضضض الشي هذا ويرجع لعمله الاساسي غصبن عن المدير واشكاله واذا المدير استغل السلطه وعقده ولا نقله مكان ثاني ولاسبب له اذيه يروح زوجك صحيفه سبق الاكترونيه وصحف الورقية ويفضح المدير وبعدين يروح المباحث الادارية والمحكمه ويستشير محامي ويعلم بسالفته ويكون سند له ويبين التسجيل عشان يكون دليل على هذا الشي من بدايتها وصدقيني الموضوع يكبر ويتطور ويوصل للوزير ولا امير المنطقه وراح يردونه لمكان عمله الاساسي او يودونه مكان احسسن من مكانه والمدير راح يطيح وجهه ويحقق معاه وتوصل امكن انهم يعفونه من منصبه او يقعدونه وبالاخير مسستحيل مسسستحيل ينفصل او يطردون زوجك مهما كان لانه موظف وظيفه حكوميه وحاولي تقوي من شخصية زوجك عشان يكون له هيبه لان الزمن هذا ( اللي مايكون ذيب تاكله الذيابه ) .. و ( الطيب في هالزمن ينداس ) ربي يعينك ويوفقك مع زوجك والعذر والسموحه لو حصل مني غلط في اي كلمه كتبتها |
[align=center]أقول لا تقطعين رزق الرجال اللي هو رزق لكم ( بعض الحريم شر )
مشكلة بعض الرجال ( ذكور) يسولفوا كثير على حريمهم والمدير هذا المفروض يدخل الجنه سيدا على طول.. بدون حساب أجل يخليه يداوم بعد صلاة الظهر !! ومريحه من شغلته الثاني !! هذا ملاك , مو مثل غيره إستعباد بالمجان بعدين زوجك من الأصل يشتغل سواق , يعني الحين الخمه من المدراء والمسؤلين اللي يجيبهم من المطار مدري من وين .. ترى ماهم أحسن من الأطفال أحباب الله [/align] |
الله يعينكم مابتلاكم
|
اعانكم الله
إذا اتصل المدير على زوجك خارج الدوام خليه يقول أنا بعيد او انا مشغول الحين يسويها كم مره بعدين يفهمه المدير |
اقتباس:
- كلآم كثير ولا فآئده مرجوّه من حروفـه ! |
اختى العزيزة ( طهر السماء ) بسئلك سوال :
انتي متاكدة ان زوجك ذي وظيفته حكومية والا في شركة كبيرة لها سمعتها في البلد ايش الوظيفة بالضبط لاتقولي سائق يعني والا شلون ياجماعة اول مرة اسمع في الوظيفة ذي مانعرف احنا الا سواقين لاصحاب السمو والناس الكبارية ؟؟؟ عموماً اختي : يبدو ان زوجك ( خايف ) وهذا كثير يلاحظ في الوظائف غير الحكومية أو عندما يكون الشخص غير فاهم ومدرك لنظام التوظيف في المملكة ويفتكر البعض ان مثلاً مدير المدرسة يستطيع فصل المعلم باي سبب ما, ياخواني الفصل لاياتي الا في شي مخل بالشرف او تغيب مدة طويلة عن العمل بدون اي اسباب ,, المهم اختى اذا كان زوجك فعلا ًفي وظيفة حكومية فهمية اكثر من مرة وحاولي تجيبن له انظمه وقوانين العمل ومن الاشيا ءذي وفهمية ان يشتغل في عمله الاساسي ولايكون خادم للناااااااس ,,, وحاولي تفهمين احد اقاربك او بعض المقربين بالسالفة يمكن يتوصلون لحل ( في حالة زوجك لاحظتي انه متضايق من اللي حاصل ) يمكن زوجك فرحان انه يداوم بعد الظهر وهذا شي طيب والله لكن فيه من الاهانة بعض الشي رغم اني اسمع ان بعض الضباط يوصلون ابنائهم بعض الجنود ولكن تعرفون يمكن الجندي يريد ان يتقترب من الضابط لاسباب اخرى اذا زوجك يحصل على مكافئات ودعم من المدير وفلوس خلية يستتمتع عادي الدنيا كذاااا وبعدين ربك يفرجها عليه في يوم ماااء .. عموماً انا بقوللك شي العالم كازيين استاذ تعديل السلوك قال ان السلوك الانساني لايمكن تعديلة اذا لم يكن الشخص لدية رغبة في تعديل سلوكية وسبحان الله الذي قال قبل هولاء العلماء (( إن الله لايغير مابقوم حتى يغيروا مابانفسهم )) صدق الله العظيم يعني زوجك اذا ماعنده اقتناع في تغيير شخصيته ماراح تقدري لانتي ولاغيرك عليه ....... |
(المؤامرة مستمرة )
الله يشفيك ان شاء الله تعالى اذا ماتعرفين تكتبين كلمتين فيها نصيحة او ارشاد او شي روحي شوفي لك لعبة تتسلى فيها احسن لك !!! نحن هنا لنواسي بعض ولنتعاطف مع بعض ولنبحث بعض المشاكل وان شاء الله يبارك الله في هذا الاجتماع لكن اذا ماتبين تردين عدل اتركيك من اللقافة اللي مالها اي خانه هنا وحسني من اسلوبك واذا تبين دورات في فن التعامل مع الاخرين عادي نقدر نساعدك في الوصول لها ,, لاتتكلمي في اشياء مالك فيها غرض وقيمة غير الكلام الاهبل اللي انتي تحذفينه يمين ويسار في المنتدى احترمي نفسك واحترمي الناس الموجودة واحترمي الاشخاص الذين جالسين يشكوون هموهم لبعض والمسلم اخو المسلم ولاتنسين المسلم من سلم الناس من لسانه ويده ونتي لسانك ويدك ماعتقد احد سلم منهاا .. |
اضطرابات التوحد
شكرا لك () زوجي وظيفته حكوميه 100% وإللي قاعد يسويه مو عن ضعف شخصيه ولا عن تقرّب للمدير اول ماتوظف زوجي جالس المدير يرفّع فيه (ويتلزق) فيه وكثير من الموظفين نصحوا زوجي بالابتعاد عنه لآنه (يمووون)بزياده وهذا اللي حصصل حاليا غيَر وظيفة زوجي وشاله من مكتبه هو وزملآءه والحين خلاّه في مكتب قريب من مكتبه ولوحده واضيف/قاله اني راح اغير وظيفتك من سائق الى .. -اتحفظ عن ذكر اسمها- وطبعا بنفس الراتب لكن تجيه علاوه سنويه دبل الراتب ونصف والى الآن مآغير شي بالموضوع ولاتحرك ! -وفهمكم لموضوع دوام زوجي بعد الظهر خطأ ! اول كآن دوامه من الساعه 7 إلى 2 ونص والحين من 7 الى ..متى مآخلص من معاملاته لو 9 ثم رجع ينام بالبيت وقبل الصلاه يروح يطلع اولاد المدير ويوديهم البيت ويرجع للبيت ! وحسبُنآ الله ونعم الوكيل -شآكره للجميع حسن تعاملهم ولطآفتهم من الموضوع |
اقتباس:
|
الله يوفقكم ويرزقكم
اصبروووو وربنا راح يفرجها ان شاء الله |
موفق بإذن الله ... لك مني أجمل تحية
|
اقتباس:
يا اضطرابات النفسية لو تطلب الشفاء لنفسك أول قبل غيرك ترى أحسن , وأما إذا كنتي وحده مره شوفي لك منتدى اسمه مشاكلي مع برستيج زوجي في العمل وحطي عنوان ( زوجي كنت أحسبه سواق شيوخ وطلع سواق مشاوير خاصة) :tsfiq: ترى المدير على كلامها مدلعه ومحسن وضعه وما أستغله, أستغل وظيفته كسواق يعني بدال المسؤول أو الوزير حط عيال المدير , والله إن سواق مشاوير خاصة أشرف من سواق وزير ساقط زي الفايز ... ولا يهونوا باقي الخمه |
أحسن طريقه يسويها زوجك هيا انو يقفل الجوال اول ما يخرج من الدوام
و مع نفسو المدير.......... |
أخوي الزريآب ب
حتى لو قفل جواله هو موجود بجنب مكتب المدير على طول : ) ! لآفآئده آتمنى إقفال الموضوع : ) لتجنب إثآرة آلمشآكل بين ال(مرضى*) من (بعض) آلاعضاء ! واشكر كل إللي حآولوا معي بحلول للموضوع ولكم دعوه ب ظهر الغيب () |
اقتباس:
حتى نكك نفسيه :i |
اعوذ بالله ايش الناس هذي ماتخاف الله لازم معروض يرفعه للامير وحالا لتقف هذه المهـــ..........&
|
مثل ما قال أحد الإخوة
خلي زوجك يسجل له تسجيلات تدينه سواء مكالمات هاتفية او محادثات وجه لوجه وبعدين يرفض طلباته ويهدده بالتسجيلات وانه بينزلها في اليوتيوب والصحف الالكترونية وتنتهي المشكلة الا اذا زوجك راضي بالوضع هذا فهذا شي ثاني على فكرة مو بس زوجك هذا وضعه لا كثير موضفين يقبلون يقومون بأعمال خاصة لمديريهم مقابل امتيازات معينة مثل التساهل في التعامل والحضور والانصراف الخ ...... يعني فيه جنود وافراد يوصلون عيال الظباط وزوجاتهم وفيه مدرسين يجيبون عيال المدير من المدرسة الخ يعني كلها تقف عند شخصية الانسان |
| الساعة الآن 07:16 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين