|
لو شفت بنت مغمى عليها بالشارع.... تشيلها ولا تخليها؟
السلام عليكم ورحمة الله وبركاته
طبعا الموضوع مبين من عنوانه لو شفت بنت مغمى عليها قدامك شنو راح تسوي راح تكتفي تتفرج على البنت .. وتقول حرمة وحرام ماقدر امسكها ولا اشيلها ..!! ولا راح تساعدها وتنقذها وتقول فعل خير ..؟؟ كل من له رأيه الشخصي .. أتمنى التفاعل مع المووضوع تقبلوا تحياتي |
والله على حسب اذا كانت حلوه تستاهل المغامره واذا والله لا. ماني مودي نفسي بداهيه عشان وحده يمكن انظق لين يطلعون العافيه مع خشمي
امزح والله ما ادري والله وش ابي اسوي لكن لكل حادث حديث |
اتوقع الحدث سيد الموقف,!
>> الله لايحدنآ ,! |
بالنسبه لي اتصل على الأسعاف وأضل واقف جنبها لين توصل الأسعاف واسترها اذا كانت مكشفه
|
اعتقد انا ماراح اشيلها لان الشيطان لحسها زي مايقولوا ؟؟؟؟؟؟؟؟ ((موت واشبع قهر ))
|
اضرب بعادات المجتمع بأقرب أجدار
واقوم بالاسعافات الأولية كما تعلمـــــــــــت ! فهي في وضع لا يحسد عليه وتحتاج المســـــــــاعدة ... مع الاتصال بالاسعاف ... |
ياخي سبق اني شفت حادث ثلاث سيارات واكثر سيارة تضررت كان فيها بنت محشورة في المقعد الامامي.....ابوها كان مغمي عليه وبعض السلبيين كانوا يتفرجون ...جيت انا وبعض النشامى طلعنا البنت من السيارة وحطيناها على الرصيف لين جا الاسعاف وشالها للمستشفى.....ولا جا الشيطان ووسوس لي زي ما يظن الناس
|
والله مدري وش اقول ..
لكن بالضبط زي ماقالت سيرياليه .. الحدث سيــــد الموقف ... وعلى حسب الحالة ايضا.. يعني يمكن اغماء فقط لاغير اكب عليها علبة موية صحة وان مالقيت موية صحة .. مصعت قربة الرديتر وانكس عليها موية الرديتر وانتهينا ... خخخخ الله لايحدنا على مواقف محرجة ... |
اقتباس:
بس في موقف زي هـذا خاصة لوكان حادث ياكثرالملاقيف..وأكيد بيكون فيـه نساء في الموقع الأفضل تسعفـها امـرأة.. ولـو مافيــه نساء.. يتصل الرجل بالاسعاف ولو حالتها صعبـة أعتقد الضرورات تبيح المحظورات |
ساعدونها ....
بس واحد يساعد وواحد يوقف للملاقيف اللي ويصورون.. بالجوال... قبل سنتين واحد من الحي اللي انا فيه مات وجمهور من الناس عنده بس يصروونه وهو يحتضر نص ساعة وهو قدامهم ينزف ما احد يبي يمسكة عشان ما يتوهق اذا مات الاسعاف مت لين يجيك الربيع.. عشان كذا ساعدوا الكل.. والله يحمي الكل يارب |
| الساعة الآن 04:41 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين