حلول البطالة Unemployment Solutions - كم رواتب بن لادن للثانوي في الامن والسلامه !!

اقتباس:

المشاركة الأصلية كتبت بواسطة أحلآم مؤجلة (المشاركة 5418833)

اليوم كان عندي مقابله شخصية في شركة بن لادن قسم السلامه .

اقتباس:

المشاركة الأصلية كتبت بواسطة أحلآم مؤجلة (المشاركة 5418833)

لكن قبل أسبوعين أدخلت بياناتي على هذا الرابط

http:/portal.sbg-safety.com

واتصلوا عليه وعملوا معي المقابله وقبل نص ساعه تقريبا وصلت من السفر وقلت عيب عليه أنام وما أنزل اعلان مثل كذا .

لما كنت في مقر الشركة جاء واحد ومعه اوراقه قال المهندس اللي عمل معي المقابلة لواحد جنب الباب أعطيه الرابط خله أول شيء يقدم من النت .

المهم المهندس مهتم بالمتقدمين لدرجه انهم اتصلوا عليه مرتين .

الراتب بالنسبه للدبلومات 5400 ريال كحد أدنى والثانوي على ما اعتقد 4500 ريال كحد ادنى .

بقي شيء مهم وهو ان هناك فرق بين مسمى الوظيفى (( سلامه )) وبين (( أمن )) السلامه مالها شغل بحراس الأمن .

(( السلامه )) انك تكون مسؤول عن كل واحد ما يتقيد بالزي الرسمي اثناء العمل يعني مثل ما قيل ليه حيكون لك سُلطه على العمال وحتى المهندسين اللي شغلهم ميداني .

عدد ساعات العمل / 10 ساعات وساعتين بريك .
عدد ايام العمل / 7 ايام ويومين راحه .
طبيعة العمل / شفتات اسبوع تشتغل بالنهار واسبوع بالعصر واسبوع بالليل .
والعمل ميداني

الترسيم بعد سنه اذا شافوا الواحد منضبط في عمله راح ينتقل عقدك من المقاول إلى شركة بن لادن .

لا احد يقول يمكن يفصلوني ما احد يقدر يفصلك بالمره حتى لو ما تجدد عقدك اذا انتهى مشروع راح تنتقل لمشروع آخر .

المشروع الحالي / توسعة الحرم المشروع مدته 6 سنوات .
بعد كذا اذا انتهى المشروع راح تنتقل مشروع آخر .

العنوان / مكة ــ الغزة ــ الشامية

اول ما تدخل الغزة راح تلاقي مبنى كبير ابيض .

صباح الخير أنا كاتب الموضوع اللي اقتبسته معليش الاسم غريب شوي (( نواز شريف ))

تعقدت في بداية التسجيل كل ما اكتب فيصل ما يقبل معي يقول العضو منتسب لدينا جربت كل الاسماء اللي في بالي (( وأخيراً ضبط نواز شريف معي لا تنسى انه رئيس باكستان سابقا والظاهر انه كان منفي عندنا في جدة )) .
يالحبيب آخر مره كنت في شركة بن لادن قبل اسبوع راح مع واحد قريبي وبالنسبه ليه تقريبا كملت 3 أسابيع لما عملت المقابلة الشخصية .
قلت خليني اروح لمكاتب السلامة أسأل أهل الخبره هناك (( وسألت ويمكن يكونوا سووا عيد لما خرجت من عندهم من المكتب أمتحنتهم جلست ساعهة عندهم )) .

اولا العمل / 10 ساعات وساعتين بريك فست يعني العمل 8 ساعات اذا تبي تخلي البريك مثلا آخر الدوام تقضي 8 ساعات في الدوام وبعد ساعتين ترجع لجل توقع خروج .
برمضان العمل على حسب يقليي صاحبي في سنة من السنين كان 6 ساعات العمل فقط والسنة اللي بعدها كان 8 ساعات .

ثانيا / الراتب الثانوي (( واحد يقربلي معاه ثانوي وكان مقدم على رجل أمن )) قله المدير راتبك الأساس 2800 ومع البدلات يصل 3900 ريال .
وأنا بنفسي وقفت على كذا رجل أمن منهم اللي يقول 4500 ريال والثاني معاه جامعه يقلي راتبي أكثر من 6000 ريال .
بس خمنت اذا اخذوا اوفر تايم .

الاوفر التايم يطلع لك كل شهر اذا بتاخذه (( وأحيانا تاخذه اجباري اذا فيه ضغط عمل )) حوالي 700 ريال تقريبا .
بالنسبة للدبلوم الراتب الاساسي 3000 ريال وصراحة انصدمت لما قلي المدير هذا الحكي وتابع حديثه وقال 1000 ريال بدل سكن وبعدها قال يطلعلك الراتب حوالي 5500 ريال .
كمان سأل واحد كان معانا في المكتب لما عمل ليه المقابله كم راتبك قال حوالي 6000 ريال .
وطبعا هذا ابو 6000 ريال ما كمل السنتين في الشركة .

الجامعي اتوقع انه من 5500 وأنت طالع .

شيء مهم الخبرات كل سنة بـ 250 ريال تقدر بعد مرور 3 أشهر (( اللي هي فترة التجربة تطالب فيها وان شاء الله تطيح في واحد بن حلال اذا طالبت بزيادة لجل الخبره )) .
اذا دنقوا معاك تروح لمدير شؤون الموظفين بجدة لجل يحل موضوعك .

اول ثلاثة أشهر فترة تجربة الراتب راح يكون قليل مثل منت عارف بس والله ماني عارف كم .

بالنسبة لطبيعة عمل رجال الامن تجلس عند باب او في كشك (( ضروري تعرف ان الترقيات عندهم تترقى بسرعة يعني مثلا لقينا واحد ماله سنه وصار مساعد مراقب )) .

طبيعة عمل رجل السلامة مثل ما قال صاحبنا اللي قبل شوي (( سلطان )) تشيك على زي السلامة للمهندسين والعمال .
تخرج لموقع العمل تشوف مثلا اذا فيه اسلاك مهب مضبوطه تكتب تقرير وترفعه للمدير العام .
(( فيه دورة لازم تاخذها مثل ما قريت في المنتديات )) تختص بعملك مدتها أظن اسبوعين .

العمل شفتات .
هذا اللي خذيته من خلال روحتي الاخيره للشركة .

بقي شيء مهب مهم .
اذا دقوا عليك بعد المقابلة تروح لجدة عشان توقع العقد (( اذا اعجبك كان بها واذا رفضت من حقك )) بعد ما توقع العقد يعطونك اوراق الفحص الطبي تروح لمكة وتفحص بـ 250 ريال في مستوصف او مستشفى متعاقد مع شركة بن لادن (( مثل ما قيل ليه )) .

الاوفر التايم بصراحه واحد ما ادري كيف حسبه قريته في احد المنتديات ماني فاكر المنتدى
الظاهر قال 54 ساعه او شيء مثل كذا والساعه بـ 15 ريال تطلع حوالي بـ 800 ريال اضافة على راتبك .

الاجازات يومين وقد تصل في بعض الاحيان الى 3 ايام .
7 ايام دوام متواصل ويومين او 3 ايام راحه .

اول سنة من انضباطك ان شاء الله راح تترسم في الشركة مثل ما قلي المدير .
انا اؤكد لك خلال سنتين بالكثر صدقني راح تترقى مناصب في بن لادن بس شد حيلك وانضبط .

ومثل ما قال مدير رجال الامن لقريبي كل ما تعطي كل ما تاخذ وتترقى .

تشرفت بالرد عليك .

الله يوفقك .