|
10.000 ريال لمن يتوسطلي بأي بنك ,,
انا كلامي مع الناس الجادين فقط والمبلغ بعد التعيين مباشرة
ومن لديه قدرة وجاد يراسلني خاص شهادتي دبلوم ميكانيكا انتاج \الكلية التقنية ثلاث اشهر في شركة تسويقية مستويين دراسيين في معاهد دايركت انجلش الي بيقول تخصصك مه لم البنوك ترى نص الموظفين مثلي واردى واثنين متخرجين معي الحين ببنوك يعني لاحد يقولي تخصص الي جاد فقط يراسلني .. تحياتي لكم جميعا ,, |
الله يهديك
نحن نحارب الفساد ونحارب الرشاوي وأنت تعرضها !!!! |
البطالة اسف ياصديقي لاكن الزمن اجبرنا على ذلك وش نسوي
عموما لك الخيار اذا اردت انت تحذف موضوعي فلن اعترض او اسئل لاكن من لديه استطاعة للمساعدة يراسلني |
والله ياخوك اولاً التوفيق من ربك
والمفروض ترضى بقدر ربك عليك ثانياً انت مجالك مو بالبنوك يعني لو توظفت في البنك وش تبي تعمل..؟؟ محاسب ولا كيف واللي دخلو البنوك من ربعك ممكن يكون عندهم دورات بمجال المصارف البنكيه على الاقل اخوي انت تخصصك ممكن تحصل في ارامكو او سابك او هالشركات الصناعيه مش في مجال التجاره وبخصوص الرشاوي ... يقولك لعن الله الراشي والمرتشي.. ولو عملت كل عملك باطل لان فيه ناس احق منك بهالعمل.. وبنفس الوقت دافع شروه ((ولا تعاونوا على الإثم والعدوان)) شيل هالفكره من راسك وانا اخوك وشوف مستقبلك على شهادتك والله يوفقنا وياك |
صدقني لادورات ولا يحزنون وخريجين ثنوي بعد تراهم مالينها لو منب متأكد ماراح
اقول واذا على سابك وارامكو اكيد انا ودي لاكن نرجع لنفس المشكله الواسطه عموما يعطيك العافية على مرورك يالغالي |
اخوي اذا عندك دورات ولغه كلن يطامر يبيك
انت شد حيلك وخذ لك كم دوره وادرس لغه وابحث بنفس الوقت عن وظيفه لو حصلت خير وبركه ولو لا انتظر لما تخلص الدوره ولو تبينا نتكلم بواقع كلية التقنية بكل اسف شهادتهم ضعيفه والسبب عدم الانتظام في التدريس يعني طلاب الكليه شوهو سمعت الجيدين مع الاسف لو تروح تقدم على اي قطاع معاك دبلوم كلية تقنية تقديرك جيد جداً وطالب ثاني خريج كلية الجبيل وتقديره جيد اخذو طالب كلية الجبيل عارف ليش..؟ لان مستواه الدراسي يختلف بكثير عن الكلية التقنية خاصة اللغه.. حتى في الوزارات يطلبون سكرتير خريج دبلوم معهد الاداره مو خريج كلية التقنية شوف الفرق مع انهم نفس المستوى ولكن قدرو هذاك على هذا لان معهد الاداره فيه انضباط وجديه مو مثل الكلية التقنية عموما انت شد حيلك والله يوفقك يارب ولا تيأس وادعي ربك ان الله مع الصابرين |
اخوي مليت عاطل ,, 10000 ريال .. لو هي عندك .. استثمرها بشئ يفيدك.. لو على ما قلت ان احد يتوسط لك من الاعضاء .. ياخوي محد منهم لاقي يتوظف .. ما غير قدم و انتظر الفرج .. قل لا اله الا الله .. ياخوك .. خل واسطتك العظمى ربك سبحانه .. هو من نوكل اليه امورنا كما قال الرسول في الحديث ...واعلم أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله لك , وإن اجتمعوا على أن يضروك بشيء لم يضروك إلا بشيء قد كتبه الله عليك .. اخوي .. ان سوّ اللي عليك .. وخلها على ربك .. تخصصك عملي مكانيكا .. بإمكانك تزيد على المبلغ اللي طرحته .. و تفتح ورشة .. و تشرف عليها... واحد عندنا ..فتح له ورشة و اثبت نفسه و من سمعته صارت الوكالات تتعاون معاه .,, و حصل كل الخير.. قل اعملو.... الله يوفقنا واياك .. ابو تركي |
تعرض رشوة وتبي وظيفة راتبها ربا وحرام؟؟
أفلقني لو لقيت |
لا وانا اخوك لاتفكر بهاذي طريق خل فلوسك تنفعك حق اليوم السواد
وخل نيتك مع الله والله ماينس عباده |
الله يرزقك ياخوي بالحلال .........
|
| الساعة الآن 09:45 AM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين