[QUOTE=قلب يخشى الله;5437078]صحيح ماتستلمينها مبلغ ،،لكن تخيلي لايوجد دعم لفاتورة الكهرباء أليس هذا سيكون مصروف اضافي عليكم وينقص من دخلكم الشهري ؟؟؟ لااطلب الاجابة ولكن يكفي ان تجاوبي على نفسك اختي الكريمة ،،،
احسبي جميع مايدخل عليكم من الضمان مثل ماحسبتها لك وستجدين هذا دخلكم الشهري الفعلي ،،، لاتناظرين لمبلغ تستلمينه كل شهر دون النظر لمبالغ اخرى تستلم فيما بعد ،، أما بشأن أختك المعلقة ،، فيلزمك ان تذهبي لمكتب الضمان التابع لكم لتسجيلها بعد ان تحضرو صك شرعي يثبت التعليق ،،، اما اختي الفاضلة بشأن المساعدة تذهب في الديون ،، فللأسف الضمان لاعلاقة له بالديون . وانا لم اطلب منكم ان لاتطالبوا بالزيادة بل اسأل الله العلي العظيم ما يأتي يوم غد وإلا والزيادة في الضمان 100% ، فأنا لا ناقة لي ولا بعير في هذا الامر ، ولكني أحببت أن اوضح لكم مايأتيكم من الضمان كم ،،، حتى تعتادوا ان تروا ان هناك امر ايجابي في حياتكم رغم الامور السلبية التي تنغص عليكم والتي اسأل الله ان يذهبها ويذهب همها عنكم ،،، وتأكدي اختي ان كل منا لديه هم ولكنه لو بحث لوجد من هو اكثر هما منه ،، فأحمدي الله في السراء والضراء ،،،، فهو القائل في محكم كتابه العزيز ادعوني استجب لكم ،،، فأجزلي الدعاء أنه سميع مجيب. الصندوق الخيري يدفع ثمن كثير من الدورات والدبلومات سواء تسويق او محاسبة او حاسب الي او او ،،، وكل المطلوب منكم ،، ان تأخذوا افادة من الضمان انكم مستفيدات وتذهبون الى المعاهد التي يعلن عنها الصندوق الخيري في الصحف وفي وسائل الاعلام . اقتباس:
المفروض تساعدينهم ليطلبو حق من حقوقهم ليه هم مو سعودين ومن حقهم يطلبون بحقوقهم يعني انتي ماتطلبين بحقوقك والا لينهم مطلقات وارامل مالهم حق يطالبون يامستفيدين ومستفيدات الضمان طالبو بحقوقكم وهذا ابسط حقوقكم واكثرو بطلبكم لين ماينفذون طلباتكم وحتى لو وصل الامر الى انكم تروحون لوزير الشؤون وتشتكون له انه المبلغ الشهر 800 الي بعض الناس يشوفها كثير كنها 8000 وربي ماتكفي لاتسكتون عن حق من حقوقكم وقولو حق الوزير لو انت راتبك 800 لمدة شهر ماذا سوفا تفعل سؤال وانتظرو الاجابه منه وحاولو ترسلو برقيات الى الملك واذا قدرتو تروحون لملك شخصيا يارجال يكون افضل عشان يزيد الرواتب كفايه انه حاسد حاطين شروط معقده مثل المسؤل الي فيها اقول يا قلب يخشى الله خلينا ساكتين لنه الظلم كثير وطفح الكيل اذا تبين تحاسبين لا تحاسبين ها المحتاجين حاسبي البطانه الفاسده عليهم من الله مايستحقون والله يشل اركانهم ويعطل اعضائهم كل شخص يعطل مصالح المسلمين الله يحرمهم من الصحه ويكسوهم المرض عشان يعرفون ان الله حق سبحانه والله مايرضى بالظلم وحسبي الله ونعم الوكيل على كل مسؤل ظالم وكل شخص يرضى بظلم المسلمين رقم الفاكس الخاص بشكوي 012079499 فاكس خادم الحرمين الشرفين لشكاوي 014882222 |
اقتباس:
بديت اشك بوضعك انتي وين عايشه ؟ اجار باقل من 20 الف هذا وين ؟ انتي من وين بالظبط ؟ والاجارات بالله كم الحين ؟ واذكري اسماء الاحياء لو تكرمتي !! اذا هم من 4 اشخاص والشقق باحيا مثل الملقى وغيرها مستحيل يقل عن 20 الف هذا اذا تعرفي صاحب العقار؟ تبينهم لكهم ينظغطو بغرفه وهم ببلد غني !! تدري انو الامراض النفسيه اغلبها بسبب سوء المعيشه وصح كلن يمد يده ع قد لحافه زي ماذكرتي لكن البلد غني غني عني فاهمه كيف غني لو يعطوهم 5000 الاف شهريا ماينقص شي من الميزانيه !! لكن بما انو فيه ناس مثلك استحاله تتعدل اوضاعنا !! |
[align=center]
أختي كاتبة الموضوع ... من أول يوم نزل فية الموضوع وانا برد ومترددة مو لشي الا لأني عارفة ان كثير ما راح يعجبهم كلامي هذا سبب والسبب الأهم ان الموضوع كلة ماراح يلاقي اي دعم او مساعدة ,,, السبب يا عزيزتي من وجهة نظري المتواضعة في عدم زيادة مخصصات الضمان هو أن ,,,,’’’ هنـــــــــاك نسبة كبيرة من المسجلين فية ليسوا بحاجة لهذا الراتب المتواضع هناك نسبة كبيرة من الناس يرون راتب الضمان هو مساند في الكماليات ,, في العزائم ’’ في أشياء ليست ضرورية ... فهم يستلمون الضمان نضرآ لأنهم ممن تنطبق عليهم الشروط ....((بمعنى آخر ماهم محتاجين )) هذه الفئة جعلت افراد الضمان بأعداد مهـــــولة ,,, وحرمت الاسر المحتاجة فعلا من أي بوادر للزيادة فكلما اصبح هناك زيادة سيحرص هؤلاء (( الجشعين )) بالتسجيل بالضمان !!! وأخـــــــــــــــيرآ تقبلي مروري... [/align] |
اقتباس:
هذا الضمان في دولة الامارات الضمان الاجتماعي 4400درهم شهرياً للمستحق بمفرده. الضمان في دولة الكويت والمطلقة ستحصل على راتب 900 دينار المساعدات سيكون له مزايا عديدة فبدل ايجار المطلقة سيرتفع من 100 دينار ليصل الى 150 ديناراً الضمان في دولة قطر قيمة المساعدة 2250 ريال وبدل خادمه 800 ريال ركزو بدل خادمه عند دولة قطر نفس راتب المستفيدين بالضمان عندنا بسعوديه عجبا سبحان الله وبالسعوديه راتب المستفيدين 800 ومعها حسد وبطانه فاسده ويشوفونها كثيره عليهم و60 ريال سلة غذاء وكل شهر يباركون لبعض من فرحتهم فيها هذا اكبر دليل على حاجتهم الله يغنيهم من فضله ولا يحوجهم لمخلوق والله يفقع عيون الحاسدين ويزيد راتب مستفيدي الضمان الى 2000 ريال شهري امين يارب |
استغرب لبعض الردود ,, المفروض تقولين لهم الله يرزقكم من واسع فضله مو تحسبين لهم الريال وتمنين عليهم كأنها من مالك الخاص
خالتي كبيره في السن تستلم المساعده المقطوعه وتعطيها لراعي الغرفه اللي ساكنه فيها واللحين انذرها انه بيعلي الايجار كم الف ,, اذا رضت رضت واذا ما رضت تدورمكان ثاني والراتب الشهري تشتري منه مقاضي البيت ومشاوير وبعض الادويه لان احيانا تكون الادويه مو موجوده في المستشفى الحكومي ,, ولعلمك ليست متزوجه وليس لها ابناء الاسعار نار ,, الايجار نار,, يارب الطف بنا المفروض يزيدون الحد الادنى للفرد |
انا بصراحه اتمنى اتوظف عاجل غير اجل ولا ابي لاضمان ولا حافز ولاغيره ابغي وظيفه تناسب تخصصي .. يعني الحين اتعب وادرس واسهر الليالي وبالاخير يتصلوا علي سنتر بوينت او سيتي ماكس يبغوني مشرفة امن
اجل لو ادري مادرست وتعبت نفسي لو وبعد اذا قلت مااقدر اتوظف هالوظيفه .. واذا قلت هالوظيفه ماتناسبني للمتصله تجلس تستهزأ استغفر الله العظيم درسنا دبلوم ع حسابنات وقدمنا وظايف ومالقينا ودرسنا جامعه على حسابنا وقدمنا على وظايف ومالقينا اذا عندك فيتامين واو وحتى لو انك امي او شهادة ابتدائي بيوظفونك الله يكون بعونا~ |
الساعة الآن 07:25 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين