المرسل إليه :

وطني

الرساله :

..آهـ ياوطني ..

عيدك مبارك ياوطني ..

كل عام وأنت بخير ياوطني ..

تصدق أني أحبك رغم اللي تسويه فيني ياوطني ..
.
.آه ياوطني يمكن إنك ماتصدق بس الله العالم إني أحبك

صحيح إن عليك حركات بس ماعليه تمون ياوطني ..

صحيح إنك قهرتني أكثر من مره لكن أبمشيها لك ..

تذكر ياوطني يوم تتبرع للدوله الفلانيه وحنا يالله لاقين شي ناكله ياوطني ..



وغيرنا مليون بعد مايلقون شي ياكلونه ..

أكيد تذكر تصدق إني ساعتها جتني ضيقة صدر ..
ماتوقعتك تسويها ..

طيب ليه ..

مايقولون الاقربون أولى بالمعروف ..


وإلا إنت جايك شي مني وتبي تقهرني ..

طيب ماتذكر يوم إني أتخرج من الجامعه وأقدم لك أبي وظيفه و تطنشني ..

وتعين اللي أقل مني عشانه من آل فلان وعنده واسطه ..

ليه ياوطني مو إحنا كلنا عيالك وإلا أنا ولد الشغاله ياوطني ..

أكيد بعد تذكر ياوطني يوم ابوي يطيح مريض ويقولون علاجه في احد المستشفيات الكبار ..

وأجيك أبي فزعتك وتقول آسف ماأقدر عندنا زحمه ..


وبعد يومين أقرى في الجريده وأشوفك جايبن سوداني تعالجه على حسابك ..


وفي نفس المستشفى صدقني في ذاك اليوم ماجاني النوم من القهر آه ياوطني ..

أفا عليك بس ياوطني ..

لهالدرجه حنا رخيصين عندك ..

لاتقولي ماتذكر ..

أو أخاف إنك تقول إنك تمزح معي الله يرجك ياوطني مزحك ثقيل ..


إلا على فكره تصدق إني مادريت عيدك اللي قبل كم يوم إلا اليوم ..

ليه ياوطني ياخي على الأقل خل هالمناسبه مميزه مثلا عطونا إجازات في هاليوم ..

ولا وزعوا حلاوه علينا أهم شي ندري إن اليوم يومنا الوطني وإلا مستحي منا..

طيب بهالمناسبه يابعد قلبي ياوطني شرايك نفتح صفحه جديده وننسى اللي فات ..

هاه وش رايك ..

بس على شرط حركاتك ومزحك الثقيل خلها عنك ..



وياليت بعد تسوي فينا خير وتدبر لنا وظايف قسم بالله ذبحتنا العطاله والتبطح في المقاهي ..

ترى حنا شبابك نعجبك بس عطنا فرصه ..


وياليت تكمل معروفك ياوطني وترحم ابناءك وشعبك وتخفض من أسعار البنزين والغاز ..

تكفى ياوطني والله ذبحتنا ويكون بعلمك ترى شعبك مو كلهم تجار وعيال نعمه ..

يمكن إنت ماشفتهم معذور ياوطني ولكن والله موجودين وبكثره لاتنساهم الله يرحم والديك ياوطني..


وبعدين سالفة الواسطات والعنصريات هاذي ياليت تتركها بعد كلنا عيالك وكلنا عيال تسعه ..

ترى الواسطات والله ماوراها إلا الظلم والقهر للمساكين خلك عادل يابعد قلبي ..

أنا داري إنك بتقول صعبه وإن المخرج عاوز كده ..

صدقني داري ياوطني بس ياليت تحاول تفكنا منها على قد ماتقدر والله يعينك..

وحط في بالك ياوطني إنا ابناءك واللي يمسك يمسنا وحنا نفديك باأرواحنا واموالنا وكل مانملك ..

تامر شي ياوطني أنا إنتهيت من رسالتي ..


وابيك تعرف إني أحبك وأموووووووت فيك ياوطني ..


المرسل :

إبنك

حلوووووووووووه مره واحسن شي انك ماجاملت فيها مثل بعض الناس والله ترى حنا مظلومين واجد ووطنا مو حاس فينا او ودي اقول ان الوطن مايستاهل انا نعيش فيه لكن خلها على الله وبنصبر والصبر طيب وكل مطرود ملحوق
الحقيقه موضوع جيد ودي اكون انا اللي كتبته بس مستحيل اني اكتب مثله انت خريج جامعه وانا ثانويه فرق والله بديت احسدك على عقلك الله لايحرمنا منك

مشكور درعانه كلمات في الصميم

--------------------

الوطن ماله ذنب

الذنب على أبناء الوطن من وزراء وأكثرهم ليسوا بسعوديين الأصل وهذا اللي ذبحنا

والذنب على المسؤولين اللي سامحين بالتخبطات أمثال غازي القصيبي اللي يطبق النظام على الضعوف ولا يقدر يواجه الهوامير



حسبي الله ونعم الوكيل

إبداع

الله يصلح الأحوال شكرا لك

بيض الله وجهك
أنت شيخ ولد شيخ
[FRAME="11 70"]
بس ياليت كتبت
دمعتي ولا دمعت وطني الحبيب
[/FRAME]

يالله
رسالة جميلة ولكن هل من مصغي ومعتبر
يعطيك العافية اخوي

ما أقول إلا ما قاله عيظه الثقفي

شكرا ً للملك وكفوفه أمطار
من وين ما حطت يدينه تشجر كل وادي