|
هل تعتقدون انه شرط تعجيزي ام شرط طبيعي ؟
السلام عليكم ورحمة الله وبركاته
لو كل منا لقى له وظيفه وكل مواصفات الوظيفه جازت له و المؤهلاته الي مطلوبه موجوده الا الخبره ياترى وش بتسوي ؟؟؟ اخواني واخواتي ليش لما انقدم وظيفه واحنا تونا مبتدئين بشغل وبسوق العمل اول مايطلبون منا الخبره ودائمآً تكون الخبره المطلوبه من سنه الى 5سنوات بالاغلب طيب اذا احنا ماحصلنا الي يوظفنا عشان الخبره كيف نجيب لهم شهادة الخبره سؤالي لكم هل تعتقد ان شرط الخبره شرط تعقيدي لمن لا يمتلكون الخبره؟ لوكنت بيوم صاحب شركه بتطلب هالشرط او بتتنازل عنه عشان الكل يدخل ؟ اتمنى من الكل يجاوب بصراحه ويحط نفسه بهالموقف هذا اذا مامريتوا فيه لاني وحده مريت فيه كثير.... اختكم عزوف الجروح |
الخبرة ضروريه في جميع الوظايف وخصوصا الوظايف اللي تطلب ادارة لقسم او لشركة هذي مايختلف عليها احد. لكن المشكله في الوظايف اللي ماتطلب ادارة مثل المحاسبه وبرمجة الحاسب وغيره من الوظايف الفرديه. هنا افضل حل بأعتقادي هو انشاء برنامج في كل جامعة وكلية ومعهد يقوم بتدريب الخريجين الجدد من هذه التخصصات واعطائهم خبره في مجالهم وارغام الشركات على اعتماد شهادات الخبرة من هذا البرنامج. وبذلك لا تقف الخبره عائق في وجه الخريجين الجدد. وبالله التوفيق |
:)
اقتباس:
وجهة نظر وعلى العين وراس بس ماتشوف ان فيها ظلم للي عندهم مؤهلات عاليه او غير عاليه بس ماعندهم خبره بتكون عائق لهم مش لازم يعطونهم فرصه عشان يثبتون جدارتهم و ياخذون الخبره والا كيف جات الخبره للي قبل غير بأتاحت الفرصه لهم انا اعتقد ان الخبره بوجهة نظري مش شرط ممكن الشخص يصير مبدع من غير خبره .. شاكره ك مرورك وعلى صراحتك :) |
هل تعتقد ان شرط الخبره شرط تعقيدي لمن لا يمتلكون الخبره؟
بالنسبة لي تعقيد لوكنت بيوم صاحب شركه بتطلب هالشرط او بتتنازل عنه عشان الكل يدخل ؟ اكيد بطلب خبرة فقط للوظائف الحساسة مثل المحاسبة وغيرها و الله يوفقك ياعزوف ويحفظك من كل شر :rolleyes: |
اقتباس:
شكرآ لك اخوي بس سؤال اذا سمحت افرض الي قدموا عليك كلهم ماعندهم خبره ومؤهلاتهم مرموقه وش راح تسوي اذا انت شايفها تعقيد :eek: وماتحب هالشرط :court: ======>معليش احب اتفلسف واقتنع طول بالك علي |
اول شي احب اشكركي عالموضوع
بالنسبة للسؤال الاول راح يكون تعقيد لي اذا طلبو مني خبرة لانو ما عندي اما السؤال الثاني ما راح اشترط خبرة بس اكتب ملحوظة ( الافضلية للي معه خبرة ) |
اقتباس:
اجابتك قمة العقل ولا شكر على واجب اعجبتني اجابتك وبكل صراحه شاكره لك مرورك |
والله عائق ونص... وكل شئ يسألوني كم خبرتك.. من اقولهم دوبي متخرجة.. يزعلون ويصرفوني.. مع انه لما دخلت الوظيفة لقيت ما يلزم خبرة السنين... وانه بغضون شهر اقدر اعرف مجال العلم.. والانسان من العمل يكتسب الخبرة.. اذا عمر المتخرج 22 بالله من وين يجيب خبره 5 سنوات اذا كل ميدان رفضة.. بس ساعات جهة العمل تقبلك ويجي واحد شبعان من فوق يجلس لك.. انا مرة رحت اشرح عند مدرسة وبعد ما خلصت الشرح للمديرة والمساعدة قالت لي المديرة كم مدرسة درستي فيها قبل.. قلت لها انا متخرجة من 3 شهور..ما درست .. الموجودات قعدوا يردودن ما شاء الله.. شرح متمكن لوحده مبتدأ..طبعا ماعندي خبره.. راحت المديرة تتعذر انه كتابتك لحرف القاف كان مو بخط كبير!!!! والمدرسة الثانية.. قبلوني بس الموجهة من جات و عرفت اني جديدة متخرجة زعلت.. ودخلت الحصة ,, وظلمتني في الدرجة اللي عطتني.. وهي اصلا ما شافت شرحي.. وتهددني تقولي بقول للمديرة عنك.. انا بكل ثقة قلت لها متى ما جيتني ثاني مرة حياك الله.. رحت اشتكي لمشرفتي.. واقولها شنو قالت الموجة عني .. المشرفة تفاجأت بالكلام وحاولت تاخذ بخاطري..لانه كله كذب بس زعلانه لاني جديدة.. وحطت علي ملاحظة انه كعبي وانا امشي له صوت..فاضية تدور الاخطاء.. وانه لازم مايكون في وجهي نقطة مكياج.. ولا تلبسين ملابس تكون جذابه. بالله هذي اخطأ .. وبعدها بمدة جاتني ودخلت حصة وشافتني كيف اشرح انبهرت من اسلوب شرحي وانا جديدة.. وراحت تسأل مشرفتي من وين جابت الافكار.. قالت لها المشرفه هي اللي جابتهم من نفسها..وهي مدرسة شاطرة.. راحت تمدحني..بس باسلوب تشكيك وحطت علي ملاحظة لانه في بنت فيها النوم بالفصل..البنت تسهر انا ايش دخلني كمدرسة بالبنت سهرت او نامت..انا اهم شئ مجال حصتي واني واوجهم.. واخذت افكاري اللي طرحتها بالحصة.. وعطتها زميلات لي وقالت سوون منها درس نموذجي.. وبنادي الموجهات يشوفون الشرح.. النهاية جهة العمل انهت عقدي..بدون ما توجه لي اي ملاحظة... بربك هذا مو ظلم.. انا عن نفسي ولاني جربت.. اكيد اول وحده بجيب عندها خبرة.. وبعدين الثانية والثالثة مو مهم الخبرة.. بخلي الاولى تعلم الثانية والثالثة.. وبسوي تدريب مجاني للي تبي.. |
اقتباس:
والله ظلموك ونص وانت باين عليك قلبك طيب ياعمري عليك بس هذا حال الدنيا :eek: بس اكثر شي قهرني :mad: (وحطت علي ملاحظة انه كعبي وانا امشي له صوت..فاضية تدور الاخطاء.. وانه لازم مايكون في وجهي نقطة مكياج.. ولا تلبسين ملابس تكون جذابه. بالله هذي اخطأ ..) وش دخلهم فيك هذي حريه شخصيه وماذكر ان المدرسه يدخلون بلبسها هذا اول بس الحين عادي مدرساتي قبل كل شي يلبسونه وعادي الي اعرفه انه في الالوان محدده للتنوره بس اما غير كذا هذي حريه شخصيه بس المديره باين تصرفك وحلوه الفكره انكك تجبين وحده عندها خبره والباقي لا تفكير صح ماشاء الله عليك الله يعوضك يارب:) :) |
| الساعة الآن 08:22 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين