فديتكم ابي رد شافي
بسم الله الرحمن الرحيم
السلام عليكم ورحمة الله وبركاته ياجماعه حد يعرف شلون التقديم بالضمان للمطلقه وكم المبلغ وش الاوراق المطلوبه ووين اروح بالضبط يعني التقديم من وين ظ وهل يصرفونها فورا ولا يبيلها وقت شي ثاني ابي اعرف اللي بتكمل ماجستير موازي مسجله بالضمان اكيد تنقبل ولا فيها ومافيها لاني اعرف ان الموازي بفلوس يعني العاده تقدر تدرس بفلوسك بس ماادري عن اللي مسجلين بالضمان لان سمعت ان اسر الضمان (المطلقه) مخصص لها مقاعد بالجماعه ماادري عندكم خلفيه فديتكم ابي رد شافي |
ـــــــــــــــــــــــــــــــــــــ
|
11 مشاهدة ولا حد رد عليه
الله يسامحكم |
تروح لهم تسجل ومعها الاوراق التالية
( صك الطلاق الاصل , الهوية الخاصة بها , وبرنت من الأحوال يوضح الحالة الاجتماعية لابد ان تكون في الاحوال مسجل لديهم مطلقة واحضار ما يفيد الاقامة في حدود خدمات المكتب مثل فاتورة كهرباء , عقد ايجار لو كان المنزل مستأجر ) + صور من الوثائق المطلوبة هم يعطون ورقة تروحين بها للاحوال عشان تجيبين برنت يثبت انها مطلقة # الطلبات كتبتها لي المشرفة السابقة ( خير ربي كثير) الله يجزاها الجنة يصرفونها لها وإن شاء الله ماتتأخر بس تأخذ وقت على بال ماتطلع بطاقت الصراف لها إذا هي لوحدها يعني ماعندها ابناء المبلغ شهريا 862 ومساعدة الغذاء 62 وتسديد للكهرباء وتقدر تقدم سنويا على المساعدة المقطوعة ومقدارها 10400 وايه انا سمعت ان المسجلين بالضمان يتم اعفاءهم من رسوم الدراسة هذي معلوماتي واتمنى من يفيدك اكثر ولاتنسينا من دعاءك |
اقتباس:
مشكور اخوي اختي صدق ماقصرت بس انا بسأل هل الاجراءت طويلة يعني كم يوم اراجع والساعه كم اروح بعدين انا عندي بطاقة الهوية الوطنية بس مكتبت مطلقه كتبت غير متزوجه لان ماكنت مستلمه صك الطلاق بعدين اناعمري 21 والحمد لله ماعندي جهال متاكد يعطوني كل الاشياء اللي قلت عليها ايه صح المساعده المقطوعه كل سنه اقدم عليها ويعطوني ولا مرة وحده بالعمر لان موراضيه تدش راسي شلون يعطوني مرتب وبعد يعطوني عشرة الاف وهل لو عطوني هاي المساعده المقطوعه يسترجعونها مثل حافز يسونها الانذال ويصير اكمل على حساب الضمان بما اني مطلقه ومشكوررررررررين |
upupupupupupupupupupupupupupupupu
|
ـــــــــــــــــــ
|
هلا اختي
الاجراءات حسب الفرع احيانا الفرع فيه زحمة لازم تروحين بدري وتمسكين رقم بس دام اوراقك كاملة ان شاء الله ماتطولين في يوم تروحين تسجلين ويوم يحددونه لك اظن بعد شهر تستلمين البطاقة اذا استلمتي البطاقة على طول قولي بسجل في المساعدة المقطوعة اللي 10400 وبكذا في يومين وانتي مخلصة بس مثل ماقلت حسب الفرع والزحمة بخصوص البطاقة مدري لكن هم يطلبون الصك الاصل وصورة منه وبرنت من الا-حوال وايه متأكدة يعطونك كل هالاشياء اذا ماكنتي متوظفة وفي بعد خدمات اخرى يقدونها مثل التاثيث والترميم والحقيبة المدرسية والاسر المنتجة اللي هو تسوين مشروع ويساعدونك بمبلغ من دون ماترجعينه وغيرها اشياء بس مااعرف تفاصيلها والمساعدة اييييييه يا بعدي كل سنة حلال عليك وربي يوفقك فيها وتصرفينها بالحلال ولا مايسترجعونها واي سؤال انا حاضرة باللي اعرفه |
اقتباس:
الله يساعدك عيني ويعافيك بس سؤال صغير اخير اول شي اروح الضمان واخذ منهم خطاب للاحوال عشان يعطوني برنت اثبات اني مطلقه ولا على طول الاحوال واخذ البرنت >>> عشان عندي ناس اخلاقهم x يعصبون عليه لو كثرت المشاوير ايه كمانمارديتي علي اللحين لوقدمت عالمساعده المقطوعه يحق لي اكمل ماستر على حساب الدوله لاني مسجلة بالضمان ولا لازم اختار وحده يااكمل دراسه ولا المساعده المقطوعه |
اعرف وحده راحت اخذت من الضمان ورقة وراحت بها للاحوال
هي سوت كذا وهي قالت انها طالبة والاحوال قال جيبي تعريف انك طالبة خخخخخخخخخ لو قالت ربة منزل يمكن مايطلبون الاحوال تعريف انا اسمع عن بنات يدرسون تاهيلي وانتساب و ياخذون اعفاء رسوم لانهم بالضمان بس بنات الماجستير مدري شوفي عشان تاخذين جواب عن هالسؤال لاني حتى انا ابي جواب له وللان ماعرفت اسالي مشرفين القسم باحث اجتماعي او سعودي متقاعد ا خير ربي كثير اوMIHS |
الساعة الآن 03:41 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين