|
عدد نقاط!!!!!!!!!!!!!!!!!!!!
يعني فيها مفاضلة اجل بيسوون فينا مسابقة والوظائف مو للكل لاحول ولا قوة الا بالله |
اقتباس:
:d ترى في الوصف انا مع جنبها يارب وصلت المعلومه :d |
ياعزيزتي
عندك هنا في الجامعات اصحاب الواسطات يدورون اللي مو عندك ويجعلونه عذر مثلا يتحججون بالخبرة لو قدمتي على اعادة او بالعمر اذا كنتي فوق الثلاثين لو معك دكتوراه بالحرف الواحد قالت لي عندك ماستر بس مارح نوضفك الا على مرتبة معيدة!! لما تجيبين الدكتوراه نحطك محاضر سبحان الله الانضمة عندهم قابلة للتحريف والتأويل باختصار الواااااااااااااسطات والماستر مشكلتنا مع الخدمة المدنية مشكلة تعيين ومشكلة مرتبات ووو يعني المفروض الماستر يدخل بالمفاضلة لو على مؤهل البكالوريوس ويحل الماستر محل الخبرة كنقاط والله في الماستر اكتسبنا خبرات وعمل ميداني مالم نكتسبه في مدرسة اهلية عن نفسي اتكلم انا لم ينفعني الماستر في الاعادة والخدمة المدنية يبون خبرة بعد اخر مؤهل!!! الماستر في نضرهم مايكفي!! والمدارس الاهلية طبعا لفيتها على قلتها في المنطقة الشرقية واحمل خبرات وبحوث وووو مابعد الماستر تنضر لي من فوق الى تحت خبراتك وينها!! طيب عندنا وضيفة معلمة اولى ابتداءي تبينها!! طيب مستواي اعلى منهم هذا اللي عندنا تبين ولا كيفك طيب والله اللي معاي زميلاتي من البكالوريوس للاعادة من غير خبرة ولا غيره بس اغلب اللي حواليي بحكم سكني بالقرب من الجامعة اهاليهم موضفين في الجامعة فطبيعي الواسطات تمشي نعتبر دولة عدد الحاصلين على شهادات عليا توه بدا العدد يكثر ولسنا موغلين ولا وصل عندنا الماستر انه يكون مرحلة نضامية ومع هذا تعسف وضلم من جميع الجهات! يعني بطالة من بدري ! ياليت قومي يعلمون!! ومع هذا نقول الله كريم |
السلام عليكم ورحمة الله وبركاته
عندي استفسار ياريت حد يفيدني ليش الأغلبية منكم تعتقد ان هناك توجيه بتعيين جميع من تم مطابقة اوراقهم هل سبق ونزل خبر بهالكلام وما شفته ياريت احد يفيدني |
نسيت اقول شي بعد ******** تبي تطلع حرتها
من الاعذار اللي سمعتها عمري صغير نسبيا بالنسبة للماستر تبدأ الشكوك والضنون كيف اخذتيه! كنت اضنها مسالة انجاز وفخر صاروا يشككوني بعمري في المقابلات ههههههههههههه اذا قلت لها عمري 25 رمقتني بنضرات الاستغراب اقولها التاريخ بالتحديد هههههههه ثم بعد ذلم تسالني ايش جنسية مشرفتك! ههههههههههههه تبي تتاكد خذتها اي كلام ولا مشرفة طلعت عيوني ولما اقولها مشرفتي اجنبية برذو ماتقتنع وتقعد تحفر سؤال ورا الثاني |
اقتباس:
المطابقة لرفع قوايم وليس للمفاضلة على وضايف موجودة اصلا بدليل لو كانت موجودة ومخصصة للماجستير والدكتوراه وفيه احتياج كان نزلوا الاحتياج قبل طرح المفاضلة زي ماسووا جداول احتياج للتعليمية النسوية اللي راح تفتح السبت معروف عن الخدمة المدنية تناقضها لان خريجي الدراسات العليا تعينهم الجامعات بنفسها تعيين ذاتي وهالاجراء اول مرة يعملوه الا اذا كانوا صادقين هالمرة شي ثاني وبالاساس اذا عينت الخدمة المدنية لابد من مفاضلة ومسابقة بالنسبة لنا الان مفاضلة ايش وعلى ايش الله اعلم كلها محض توقعات |
مكتئبه
سلام عليكم
مرحبا كيفكم فرحت لما شفت هالتجمع واساني كثير حسيت انه مو لحالي اللي عاطله باطله ومعها ماستر ابقولكم مشكلتي انا رحت وطابقت شهادتي تبع الماستر واخذوا شهادتي الماستر والمعادله تبعي بس صرت الحين ادخل سجلي المدني يطلع لي نوع الاعلان تاريخ التسجيل 8/6/1429 تعليمي-نساء طيب انا عدلت بياناتي وحطيت شهادة الماستر وبعيني شفتها موجوده ليه طالع لي هالتاريخ انا زمان طرحوا وظايف وسجلت والحين عدلت عل بياناتي وكمان ما طابقت ولا اخذوا الا شهاده الماستر هل ممكن ما يدخلوني معكم بهاذي الوظايف عشاني قديمه يارب الله يرزقنا ويارب احد يساعدني |
لا ابد اختي تطمني
نضامهم اصلا تبع متابعة الطلب يعلمك انك متى آخر مرة قدمتي على نضام الخدمة المدنية الاول قبل جدارة يعني التاريخ هذا تبع وضايف تعليمية قدمتيها في ذيك السنة على البكالوريوس لكن مطابقتنا الاخيرة استدعونا على اساس انه عندنا شهادات ماستر ودكتوراه ويبون يطابقون فقط من غير ماتكون اصلا فيه وضاايف مطروحة او مفاضلة والنضام ماتحدث مادام رحتي وطابقتي وعطتك الموضفة الاستمارة وعطتط الورقة يعني خلاص بس اللي طلع لك يطلع لنا كنا بيانات سابقة |
وعليكم السلام اختي ماجستيريه منتظره
بالنسبه لوجود لك رقم طلب سابق بتاريخ قديم لا علاقة له بالمطابقه الاخيره فارقام الطلبات الموجوده الآن قديمه قبل استحداث برنامج جداره ولازالت موجود في الموقع ولا علاقة لها بتقديمك على برنامج جداره ولكن تقديمك هل هو للماجستير فقط ام اخترتي ماجستير وبكالوريس مع العلم انك الآن طابقتي للماجستير وسيجري عليك ما يجري على من طابق شهادات الماجستير والدكتوراه للوظائف الخاصه بهم والله يكتب لك الخير فيها يارب فلا تقلقي ولا تكتئبي وثقي بالله اولا ثم بقدراتك وما تمتلكينه من قيمه علميه فالقادم اجمل .:) |
ماجستيريه متفائله
انا عطيتهم اوراقي بس ما عطوني اي ورقه او اي شي عادي؟ |
| الساعة الآن 01:54 AM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين