|
مجرد اتصل اصبحت مسحور
جاني اتصال خارج المملكه 3 مرات
والمشكله الكبرى يدقون ويقطعون طقت في راسي قلت خلني اكلمهم كلمت الرقم مجرد ما يدق الخط يرد حتى ما تكلمت قال السلام عليكم ورحمة الله وبركاته رديت السلام قال يا اخي الكريم انت مسحور قلت مسحور كيف مسحور ما فيني الا العافيه انت المسحور والدجال قال انا لست دجال انا اعلم واخاف الله قلت تعقب ما تخاف الله لو انك تخاف الله ما كلمت وقطعت الخط قال انا لم اقطع الخط ولكن الاتصال الخارجي يكون فيه الخطوط ضعيفه قلت اقول ضف وجهك ولا عاد تضحك على الناس يا فاجر وسبيته خليته يقطع الخط مو انا الي قطعته هو الي قطعه الظاهر قال ما طحت في حرمه لان غالباً ما تكون الحرمه مسكينه تصدق كل شي مجرد ما تقول لها انتي مسحوره تلقى الدموع على الخدود فالمشكله قهر اخذت مني المكالمه فوق 20 ريال وانا ما خذت حتى دقيقتان فالواحد اذا اتصل عليه هالارقام لا يكلمهم واكيد اتصلت عليكم ارقام خارجيه تراهم نصابين لا تصدقونهم اخرشوهم ينخرشون وفيه بعضهم اذا طاح في حرمه والا عجوز يقول انتي مسحوره وبكره بيجيك كذ كذ فالحرمه والعجوز تصدق وبعض الرجال الي عندهم الدين ضعيف فتلقاهم يقولون ما العمل تلقى الساحر يقول حول لي مبلغ كذا كذا وترى فيه ناس تحول دينهم ضعيف فبلغوا حريمكم وعجايزكم وزوجاتكم ان اذا جاكم اتصال خارجي امسحوا الرقم طوالي |
دايم يتصلون .....علي واسحب عليهم .... اخذو رصيدي كله ...
|
شكرا فيلسوف على التنبيه. في شي ثاني رسائل من ارقام دولية مثلا(انا فلانه اتصل بي حالاانني انتظرك على احر من جمر) جتني كثير لدرجة اتصلت من باب الفضول بعرف وش قصتهم تكلممك وحدة وتسحب فيك عشان تسحب الرصيد. حبيت انوه عشان ينبه الشباب
|
^^^
هذي صحيحه وتحصل دائماً |
أختي تحكيني عن وحده معاهم فـ القاعه تقول رن جوالها وردت والرقم من برآآ السعوديه..,المهم اللي كلمها طلع ساحر قاعد يقولها إنتي فـ الجامعه وعدد الطالبات فـ القاعه كذا وكذا وصحبتك إسمها كذا ووو المهم البنت إنبلهت من كلامو شويا قلها أمك بتموت بعد يومين لما قال الكلمه البنت جاها إنهيار.., ونقلوها للإداره الطبيه وبعدها ماعآآد داومت يمكن أمها ماتت...:c الله يكفينا شرهم وشكراً لك علا التحذير وانا دايمن تجيني أرقام بس ياخساره أكون نايمه..>يعنني قويه:d |
^^^
الله حسيبهم هالسحره لعبوا في الناس انتي قويه كثري منها صرصور يخرشس مهو مكالمه هه |
الل يوفقك يا فيلسوف المزاحمية انت صادق في كلامك الله يكفينا شرهم
|
إإيه والله دائما يتصلون الله ياخذهم
مره قالي سأخبرك بأمور ستحصل لك يا أختاه < تخيل تفتح الخط تقول ألوو واحد يقولك كذا أنا على طول قلت له لا تخبرني وسكرت < بس بعد دقيقه قلت بنفسي خسساره كان خليته يكمل :d بس خلاص ما عاد أرد الحمد لله :h مشكور ماقصرت على التبيه |
مشكور اخوي فيلسوف
انا دائما بعد يدقون علي ولا اعطيهم وجه ومره قلت خن نشوف وش عندهم دقيت يوم فتح الخط صكيته على طول ماقعدت ولا ثانيتين>>تهاويل واخذومن ريالين والله خساره>>عاطل وداج بعد شكرا على التنبيه... |
ياجماعة الخير انا مره سمعت من الشيخ ناصر السنه
انه قال انتبهوا من الاتصالات الي تجيكم من افريقا تراهم سحره وانا تجيني ارقام كثيره بس مارد لاني اكون نايمه مثل مصدومه بس بعد ماسمعت الشيخ قلت حتى لوكنت صاحيه ماراح ارد وانا حبيت اقولكم |
| الساعة الآن 11:50 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين