رسبوني في القياس
 

السلام عليكم ورحمه الله وبركاته
اليوم يا شباب مريت جده قلت خلني اسأل ليه ما تعينت مع اني متجاوز قياس وتخصصي رياضيات
المهم
سألت الموظف قال انت مقدم على تعليميه ؟؟؟ قلت ايه نعم
قال انت لم تتجاوز كفايات !!!!!!!!
قلت له يا أبن الحلال انا متجاوزه
قال هذا اللي طالع عندي وما بيدنا شئ راجع اداره التعليم

وش السواه يالربع اراجع اداره التعليم والا انقز للوزاره
واذا راجعت التعليم اروح اي قسم ؟؟؟؟
آسف على الاطاله
لكن من الغبنه

الله يعينك يعني انت للحين عندهم لسه راسب ؟؟؟
ان شاء الله بروح لهم مع انه مشوار بعيد من مكه للرياض
اما دوام المدرسه الاهليه شكلها سحبه اليمه
وتروح علي خبره ترم كامل

الله يعينك و أنا زيك من مكه ورحت الرياض وصرفوني وما عندهم سالفه والى الآن ما صار شي .

راجعت وزاره الخدمة قالوا مو من عندنا شؤون المعلمين ترسل لنا سي دي فيه اسماء الناجحين
وراجعت شؤون المعلمين قالوا حنا ارسلنا لهم السي دي في اسماء الناجحين كلهم المشكله من عندهم
واصلاً انتم حقين الرياضيان ما نشترط لهم القياس بس ليه ما تعينتوا هذه من عند وزاره الخدمه
طبعاً هذا بعد ماقالوا لي لاني متخرج بعد 6/5 بس حشرت لهم بان نصف زملائي تعينوا
وهكذا من الصباح اللين نهايه الدوام
في الاخير قالوا اكتب معروض وانطله عندنا وارجع مكه ومايصير الا كل خير
والى الآن مازلت اتصل على وزاره الخدمه المدنيه ولا مكتب يرد
الا قسم المراجعين يعلموني فقط بان المعامله لسه في المكتب اللي حطيت المعامله فيه

وهكذا انتهت حكايه تعب سفريه 8 ساعات للرياض مع خساره 1500 ريال

حسبي الله ونعم الوكيل وانا نفس وضعك تخصص انقليش

الله يسهل أمرك ...