ياهل الخبـرة عطونــي / العلــم ..
بسم الله الرحمن الرحيم ..
.. .. .. اخواني انا حاب اسالكم عن الي يتوظفون بعيد عن اهلم كيف راح يكون الـوضع انا بدخل الدورة العسكرية بالحرس الملكي .. بس مادري وش راح يكون وضعي ماعرف احد بالرياض وماعمري توظفت ؟! راح اترك ديرتي الي عن الرياض 500 كيلو بيوم وليله ؟! سؤالي الان : من فيكم اغترب عن اهله وتوظف بعيد كيف الاجواء وابي لو عندك نصائح تقدمها لي وراح ادعيلكم .. :( |
الله يعينك اخوي بس هذا رزقكـ ....
الرياض حلوه راح تتعود عليها ..... كثير ناس اعرفهم كانو مايتقبلون الرياض بس مع فتره عادي الوضع ... |
الله يشرح صدرك اخــوي ...
اشكرك على المـروور .. :) |
اقتباس:
أنا جيتها ثلاث ايام بغيت اموووت وبالنسبة لصاحب الموضوع لنا الله وانا اخوك وان شاء نجي قريبين من اهلنا وربعنا :w |
اخوي انا من جده وقيد سافرت الرياض ودرست في معهد الرياض للتقنيه
امكن ست شهور وفصلت مو كرها بالرياض ونعم فيها وفي اهلها بس لاني ماعندي خبره انجليزي وفصلت من المعهد ترى ارياض فله ثانيا حاول تطلع لكـ سياره إذا ماعندكـ لان المشاوير غاليه هـنـاكـ ثالثا بتلقى هناك في الدوره ناس بيعزبز تعزب معهم بعيدين عن اهلهم ثانيا شوفني انا من جده ودورتي بعسير عايدي وشووف بعلمك بشي وتتوفق بحياتكـ وطول عمركـ راح تكون سعيد وعمر النفسيه او الهم ولله الحمد يجيكـ صل صلاتكـ بوقتها ادعي ربكـ في كل سجود واكثر من الصدقاتـ بوس راس ويد امك وابوك كل يوم صدقني راح تتوفق وترى بتعزب بالرياض عند الملعب بالملز ترى الفين بالشهر تحصل شقق مفروشه |
اقتباس:
2000 × 12 = 24 الف :court: |
اقتباس:
شقه مفروشه غرفتين وحمام ومطبخ وطبعا لو دخل الدوره ويلاقي ناس من مدن غير الرياض يعزبون معه يعني يطلع عليه لو كانو 5 اشخاص الواحد من 400 والرياض معروفه بالإيجارات |
عاتي ياخوي
هذي الدنياااا لازم تتعود على الوضع الجديد |
اقتباس:
والله ماشاافت الحلاااا |
اتمنى يلي يرد على الموضوع
يا يقول شي ينفع صاحب الموضوع او يسكت يدخل يشوف الموضوع ويطلع |
اقتباس:
|
يرجالل توكل على. والله ان واحد من اخوياي.
بدوي بعنى البداوه. (يعني طول عمره في هجره يصلي وياكل ويشرب فيها ويرعى البهايم وقليله طلعاته ومايعرف الحضاره الا قليل ) وشفه اللحين بامن السفارات له سنه تاقلم كانت دورته في مكه والله انه يقولي اول ماانقبل اتركها وللا لا وش رايك بس الرجال شد على عمره ووفقه الله. بينه وبين الرياض 450 كيلوا الله يوفقك. يمكن تعاني شوي من الشقق الاسعار طالعه فوق حاول تتعرف على اصدقاء عشان يعينونك واذا كان معك احد ياسلام. عشان تتعاونون على الايجار والاكل وتونسون بعضكم |
ياحبيبي شوف والله على حسب اللي بتعزب معاهم اذا كانو طيبين وفلاويين والله بتنبسط ودك ماترجع لمدينتك
|
اشكركم على المرور بس مشكلتي حـ تكون بالتاقلم اهناااك ...
والله يوفقككم .. |
الساعة الآن 10:29 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين