|
التورق من بنك الرياض !!!!!
بسم الله الرحمن الرحيم السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين . . . . اخواني الاعزاء ... احتجت اني اخذ قرض لشراء سياره وتأثيث بيتي وبحكم اني اول مره احاول اقترض دخلت ع النت وبحثت عن افضل البنوك من ناحية الشرعيه ........ ووجدت التورق هو الشرعي ميه ميه .... لكن طريقته صعبه شوي يعني لازم اشوف السلعه واملكها بالاوراق وابيعها على غير الي اشتريتها منه وتكون السلعه اما سيارات او اسهم ... وانا ابي اخذ تورق من بنك الرياض ..... وابي فزعتكم الي اخذ تورق من الرياض وعنده خبره بخطواتها وهل تاخذ وقت وهل فيها صعوبه .... الله لايهينكم محتاج مساعدتكم |
السلام عليكم ورحمة الله وبركاته
الله يوفقك ويسر دربك بالنسبة لبنك الرياض حلوه النسبه عندهم لانهم تقريبا ياخذون 0.5 بس عندهم فتوي شرعيه اطلع عليها .. لكن والله ما احطها في ذمتي ., إنى ما ادري عنها ., طبعاُ عندهم مكيفات ., طبعا حلال حرام ., والله ما عندي علم ., ولا ادري كيف طريقتهم حتى تصبح حلال ., اتمنى لك التوفيق ., |
كل البنوك رباااااااااااااا
وياخذون فوائد بالهبل !! بس الانسان وش يسوي ينحد عليها الشعب السعودي عايش بالدين !!!! بس الي اعرفه ان كل البنوك تاخذ فائده !! باستثنااااااااااااء بنك التسليف !! |
اقتباس:
تسلم ياغالي تكفيني الدعوه .... |
اقتباس:
شكرا .... بس انا قراءت كثير عن التورق انه حلال وانه كان من المعاملات المعتمده في عهد الرسول صلى الله عليه وسلم ...بس زي ماقلت شروطه شوي صعبه وبعض البنوك ماتقبل اني املك السلعه بالاوراق ... |
اتمنى احد يفيدني ياخوان
|
ههههههه
عندي فتوى تجيز تأجير السيارات المنتهي بالتمليك ولو تبي فتوى ان السرقة حلال بسيطة دايم عندنا بالسعودية النظام شي والتطبيق شي ثاني عمي اخذ قرض من البنك العربي عبارة عن اسهم وباعوها له بسعر السوق وقالوا له اذا تبي تاخذ الاسهم وتشتغل فيها بكيفك واذا تبي تبيعها انت بطريقتك برضو بكيفك المهم لاتعتمد على الفتوى حق البنوك لان ظاهرها التقوى وباطنها السرقة باسم الدين اذا كان يمديك تاخذ السلعة وتبيعها انت بنفسك بعد الاطلاع عليها هذا اسلم لك انا طلعت قرض قالوا لي نحاس قلت ابشوفه ماعمري شفت نحاس الا في سلك الراديو لما كان ابوي يجلدني به ويتقطع اشوف شي لونه ذهبي يطلع من احشاء السلك....قالوا لي ايو هو قلت لهم ابشوفه تكفون...ابرجع ذكريات الماضي....<<<<<ذكريات الماضي اخو نسيم الماضي.. قالوا امعصي...اصلا النحاس موجود في الرياض وانا مطلع القرض من جدة.... وعشان يوهموني ان العملية سليمة وشرعية عطوني ورقة افوض فيها البنك ببيع النحاس...!!!!! قاتلهم الله |
اقتباس:
اضحك الله سنك :) شكرا على الرد .... طيب واذا حاولت ابيعها انا ياترى بتجيبلي قيمه نفس ماراح يبيعونها لي ولا ؟ واذا اعطوني نحاس ولا حديد وين ابيعه فيه ؟ |
وعليكم السلام ورحمة الله وبركاته
والله من ناحية البنوك ما انصحك كلها حرام في حرام اذا فيه احد يسلفك افضل من البنوك ( وين تلقاه ) التورق نفس انك ماخذ نقد او ماخذ سياره بس مجرد تسميه القصد فيك فيك بفائده طيبب حسب اللي انا سمعت منتجات التورق يكون عليها فائده في التاخر على الاقساط اما اذا انت مستعجل على التورق ينزل في الحساب فوض البنك الصباح العصر وهو في حسابك اذا تبي معلومات اكثر حاضر |
اقتباس:
تسلم ياغالي ... يعني التورق بعد حرام >>> والله احترت :b طيب الشيخ المنيع اجازه بشرط اني املك السلعه ملك حقيقي ورؤيتها ثم اما ابيعها بنفسي او اوكل احد موضفي البنك ... سؤال يالطيب : اذا طلبت من البنك اني اشوف السلعه هل يمكن لي ذلك ؟ وكم يعطوني يعني بحدود كم ؟ لان الي ابيه بحدود الميه ...:eek: وهل زي ماقلت ان اذا تأخرت بالقصد يزيد ولا ؟ والله يعطيك العافيه :Thumbs: |
| الساعة الآن 04:51 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين