عندي ازمه من مديري
السلام عليكم ورحمة الله وبركاته
شخباركم عساكم بخير انا بطرح موضوعي بكل تفاصيله انا شغال في بنده الشفا برياض كلن يعرف طريق ديراب كنت شغال فيها وكان مديري هندي طبعا انا وظيفتي مصفف خضار وانا الحمدالله امووووت في شى اسموه شغل احب اعتمد على نفسي ولا اطيق احد يعلمني شغلي كيف المهم كنت اشتغل هناك والحمدالله حفظت ارقام الميزان حول 500 صنف خضار وعندي القدره احفظ ام السوق كله مديري هندي ومدير السوق سعودي نبدا مع الهندي بنده: مديري الهندي اسموه سامي بديت معاه بتاريخ 21/9/1432 هــ الحمدالله في البدايه ما اطيق الشغله الصبح وبدا يعلمني ودايم يوصيني بان اكمل شغلي اول باول والحمدالله ماحب اخر شغلي وخلص شغلي في خمس ساعات بالكثير بدياتي كانت وياه بالطيب وبدا وبعد عيد الفطر المبارك تهندي تغير علي صار يعصب علي في كل شى ويحاسبني على كل كبيره وصغير وحتى وصل انه يخصم علي باي سبب تافه والراتب اللي استلمته 2700 وصار يحقد علي ومايطيقني بالمره استحملت وقلت خلني استحمل علشان امي ولا زال يخصم علي والباقي ياخذه مني ال300 ريال تقريبا وحطها في راتبه وكلمت الاداره وعلمتهم كل شى من ناحيه اسلوبه ومن تعامله وعصبيته وياي ومن الخصم قالو بنراجعكم مرت الايام وكلمتهم اكثر من مره يقولو بنراجعكم تعبت وانا اكلم الاداره وكلمت مدير السوق السعودي لكن لا حياه لمن تنادي ماحولك احد تهاوشت وياه استدعوني الاداره ورحت لهم قالو مالك حق تطالب وترفع صوتك على مديرك وصارت بينا مهاوشه يوميا حتى في اجازتي معاديني مايخليني اخذ اجازتي انادي يمين يسار ماحد درى عني واخوياي اللي كانو معاي 3 كلهم انفصلو وحطى حرته فيني مايدري اني ممشي السوق وماسكه وكلمت مدير السوق انه ينقلني لفرع ثاني ورفض قلتله ليش ماتنقلني وتهاوشت وياه لانو لي الحق اني انقل مدامني مو مرتاح وبعد مراجعتي للاداره ارسلو خطاب بنقلي لهايبر بنده حمزه نقلوني باطلاع الروح .................................................. ............................. نبدا بالمصري في الهايبر: بعد معاناه نقلوني للهايبر بتاريخ 29/11/1432 هــ داومت الصبح وياهم وكنت ابي ابدا بصفحه جديده شغلي هوا نفس الشغل مصفف خضار واعرف طريقه شغلي وامشي على رتم معين وبعدها حولوني بتاريخ 15/12/1432هــ بالليل الدوام من الساعه 4 العصر الى 1 بليل لانو يعانون من الميزان ماعليه احد قبلت اني احول بليل مسكت الميزان وفوق ال500 صنف 100 زياده حفظتها على الحمدالله وبدات العداوه بيني وبين مديري المصري يقول كلامي عني وانا ماقلتله وصار يهاوشني على اي شى صغيره ولا كبيره حاولت بالطيب وياه كله يعصب علي ويهاوشني مشيت على الرتم اللي بديت فيه واي شى يبيه ماقول لا بعدها صار مشكله بليل الساعه 11 مع واحد هندي جاء وقالي مافي نعناع جديد قلتلوه لا وحذفها علي وقالي يالله سوي سوي ورفضت لانو حذفها علي وجوني حراس امن ورفضت وجاني المناوب عن المدير ورفضت قالي ليش طيب قلتله هوا حاذفها علي ليش قالي عطني رقم الوظيفي قلتله مو حافظه قالي وكلم الهندي وقاله الهندي جيت وحطيتها كذا وعيى يسويها قلتله ياحيوان انت حاذفها علي قال المناوب احترم نفسك قلتله طيب ليش يكذب عيني عينك المهم قالي المناوب راح تشوف ايش بسوي وياك من بكره جاء مديري وهاوشني وقالي الحق مع الزبون حتى لو يحذفها عليك تسوي له وتهاوشت وياه ولا زالات بيني وبينه متهاوشه الى هالحين وفيه بضاعه قديمه وانقطعت ثم رجعت مره ثانيه للسوق انا ماشي على الرقم القديم لها اللي هوا هذا 7173 ورقمها الجديد بعد التغيير 7073 ولا علمني ويوم قلتله هالرقم 7073 دعى علي بدون اي سبب وسكت له دعى علي مرتين وبكيت من قلب لانو ظلمني وصابر مشان امي والله وطلبت بنقلي لقسم ثاني وكمان طلبت بنقلي لفرع ثاني ورفض لاهو راضي ينقلني ولا هو راضي ينقلني لقسم ثاني وقبل يومين مداوم من الساعه 4 العصر ومتصل على خويي وقايله تعال داوم هو ماجاء يعني انا ما داومت وانا مداوم من الساعه 4 العصر وجلست الين 1 بليل وهوا شايفني بعد لكن حسبي الله عليه معناي مالي عندهم حول الشهر انا طفشت منه والله يا عالم اني استلم كل شهر 2700 ريال فقط طبعا في العقد استلم 2222 من غير المواصلات والسكن انا ما احتاج لا سكن ولا مواصلات ويجيني ناقص 2700 واخوياي اللي معاي على 3000 وزياده الا انا يبون يحرقون قلبي انا والله يا عالم اني طيب وحنون بالحيل وماحب احد يغلط علي ولا اغلط عليه اعامل الناس مثل مايعاملوني وماحب احد يتدخل في شغلي ويتحكم فيني لاني اعرف شغلي لكن هوا مدري ايش فيهم علي والله يا عالم تعبت ودايم مجروح حتى يعصب علي قدام الناس وبعد شوي مقدر امسك دموعي لانو هذا طبعي مابحب احد يحاسبني على كل صغيره وكبيره ويحملني اكبر من طاقتي ويعصب علي .................................................. ............................ والله يا ناس انا طبيعتي كذا احب الشغل مره وماحب احد يتدخل في شغلي لاني اعرف اللي لي وللي علي لكن انا مانيب مرتاح لا في زياده الرواتب ولا في نقلي لا في قسم ثاني ولا في لفرع ثاني جتني عقده وصابر مشان امي والله معناي تعبان امس ومع ذالك مداوم وامي اصرت علي اداوم بس والله اسلوبه مايشجعني للمواصله وانا معتمد على الله ثم على هالوظيفه انا اضغط على نفسي طول الشهر على امل يجيني 3000 وفوق بس تعبت مقدر استحمل قولو لي انا ايش ذنبي والله يا عالم لو احد يكلمني انو يبكي لاني حالتي تكسر الخاطر ومالي اي ذنب ابي اعرف هالحين ايش اسوي ابي حل تكفون لا تخلوني |
عليك بمكتب العمل
|
اخوي بالبدايه بقولك شيء إنت غلطت لما وضحت لهم طيبك وشطارتك بالشغل
لكن المدراء صابتهم غيره لما شافوا شطارتك بالشغل ... قدم شكوى بمكتب العمل .. وبالفرع الرئيسي لهايبر بنده < آقصد الاداره الرئيسيه للهايبر بنده |
أخوي أحس في شي انت تقول مااحب احد يتدخل بشغلك المدير له حق يقلك سوي كذآ وكذآ حتى لو يشد عليك وعلى غيرك لا له الحق انه يكون شديد عليك ماسمووه مدير من قليل وبالنسبة لقصه حذف النعناع ترآ في كل المطاعم والإستقبال الزبون على حق هذه قاعدة في كل مكان وابشرك مو بالسعودية الا بآوروبآ هذي قاعدة معروووفة الزبون على حق عندك مشكلة تروح تشتكي للمشرف مب تهاوش الزبوون وكل واحد تبي تطاق معاه من المدرآ حقك ليه اصحابك رواتبهم 3000ريال وانت 2700ريال ليه المدير مايعاملهم زيك ليه كلهم في جهه وانت في جهه اكيد هم اسلوبهم احسسسن سياسة نصحية عدل من اسلوووبك موقادر تتحمل انك تعدل من اسلوووبك وانك تمشي أبششرك كلها كم شهر وهم فاصلينك ولاجيت تتوظف وحطيت انك كنت شغال ببنده ودقو على الادارة حقك في بنده وقالو له والله فلآن موتمام ودايم مشاكل شغلك الجديد بيفصلك
|
لاحول ولاقوة الا بلله ياخوي شكلك عصبي ةماتحب احد يعلمك شي شي طبيعي المدير
يتدخل بشغلك ولازم يتدخل ونت احسن النية بس ماتوصل حد الاهانه سايسهم شتسوي الشكوالله و الله يوفقك |
اذا ما نفع أي شيء
الحل إنك توصي أحد يطقه طقققق قسم بالله اذا ما جاء بكرىء عندك ويتأسف لك مآكون أنا ... :s |
^^^
ترى الدولة مو زي اول يعني لو تصير لك مشكلة معا اجنبي الدولة معاه للاسف لا تودي صاحبنا بمشكلة علشان لاتجيك دعوة |
والله شوف ياحبيبي هاي عادتي ماحب احد يعلمني شغلي لاني فاهم شغلي عدل ومو غبي كل شوي
يعلمني معناي جتني مدح واجد في شغلي لكن والله ماحب احد يتدخل في شغلي لانو انا معلم مديري شغلي واسلوبي في الشغل وهو موافق وشافني بعد اما بنسبه لطبيتي والله اني نادم على طيبتي مقدر اعدلها صرت خلاص متعود على الطيبه لكن والله كل من يحاسبني على كل صغيره وكبيره ويظلمني بشى ابكي طوالي من القهر :cry: امابنسبه اللي يقول ليش يعطون اخوياي 3000 وزياده وانا لا مشان الاسلوب لا والله هم مو فاهمين الميزان مهنتهم تصفيف الخضار على العرض ويكفي اني شايلن فوق راسي الميزان والعرض اعبي ايش يبغو كمان لكن حسبي الله عليهم هم والاداره كل الوظائف هالحين ياخذو 3000 وانت طالع وانا استلمت امس 2650 واخوياي يقولو استلمو 3560 تقريبا شفتو القهر كيف معناي والله اجي 4 واطلع في وقتي 1 بليل ويوم اخوياي يطلبون المدير يطلعو قبل 10 يطلعهم ويومني تعبان قلتله بطلع قالي لا ليش يفرقني عنهم انا ايش مسوي له اما اللي يقولي كم شهر وبيفصلوني خليهم يولون من زين رواتبهم هالحين وفوق هذا اشتغلهم لهم 9 ساعات محنا بنقاليه لا عندهم ولا عند الاداره الخايسه 2650 وذالينا عندها ويقولو ليش الشعب السعودي مايشتغل وهم حاطينا مذله عندهم الله لا يوفقهم ولا يوفق اللي نزل دمعتي والله ياعالم انو فيني قهر احسنو من كثر القهر بموت بسببه |
اخوي هدي نفسك شوي ,, انت تشتغل علشان تصرف على نفسك وعلى امك الله يخليها لك ,, فلابد انك تصبر وتحاول تاخذ مدرآئك بالاسلوب الحلو ,, اسمح لي انت باين من كلامك اسلوبك شوي دفش ,, يا خي خذهم بالسياسه ,, لا تبين لهم انك محتاج الوظيفه ,, وانك تحب شغلك ,, لا ابد اضحك عليهم واستلكع بشغلك لا تشد ولا ترخي ,, وقت الجد اجتهد بعملك ووقت الفراغ مشهم على حبتين ,, انت غلطتك من البدايه انك اثبت لهم قدراتك وحبك واحتياجك للوظيفه ,,
المفروض انهم يحطونك فوق روسهم بس وش تسوي وانت بدوله صارو الاجانب يتحكمون فينا وكاننا شغالين عندهم وراواتبنا من جيوبهم ,, والله يعينك داوم في المساء ودور لك وظيفه ثانيه الصبح ,, وربي يرزقك باحسن منها |
امين وياك يارب ماتقصر
لاتحسبوني اني معصب لا والله مو معصب لكن منقهر من اللي قاعد يصير فيني مع مديري انا ابي اعرف ايش سويت له يوم يخصم من راتبي واخوياي ياخذو اعلى مني من اللي ماسك الميزان ويجي في وقته مو انا اللي متحمل الميزان واعبي لما يسحبو ليش يدعي علي مشان انو يغير الارقام ولا يكلمني اغلب الارقام غيرها امس وتفجأت انها متغيره عن سعرها ورقمها الحقيقي ايش اسوي وقتها اتورط بزباين والدليل اليوم حطوني من قائمه المحظورين ما ادري ايش تعني ومن اي ناحيه حظروني الله اعلم لكن هم ماعرفوني مين انا لاقلت كلمه اقدر اجيبهم لكن بشوف ايش سالفتها وبعدين نشوف مين اللي يضحك اما بنسبه اللي يقولي طلعت انك محتاج صحيح انا محتاج لكن احب شغلي واخلصه كله والكمال لله لكن اخوياي يسحبو واقعد اتورط انا بزباين من وين بجيبها من تغيير الاسعار والارقام ولا من الزباين ولا من تعبيت العرض ماتقولو لي من فين والدليل امس ساحبين علي مافيه الا واحد ولا اني قادرين نسوي شى ويوم خميس زحمه ايش بسوي في هالحاله ؟؟؟؟؟؟؟؟ اقدر اسحب عليهم اخليهم يتورطو اسف على الاخطاء الاملائيه توي طالع الساعه 2 وحدي تعبان |
الساعة الآن 03:50 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين