تكفون يارجال جاوبوني قبل لاتوهق
 

السلام عليكم ورحمة الله وبركاته



ياشباب هل التامينات لها علاقه بالتقاعد لاني مسجل في التامينات لاني خلصت المقابله في الدفاع هل يطلبوني برنت بعد من التامينات بعد مايعطوني اوراق الاحوال والشيخ تكفون ابي جواب اكيد


وموفقين يارب

يالغالي اللي اعرفه انه مهما كنت ف وظيفه من الشركات .. ودخلت لمجال العسكريه .. مايأثر عليك نهائي وتدخل الدوره بدون فيها اي تعقيد ولا تشيل همهـاا اما من ناحية .. لها علاقه ف التقآعد ،، التامينات هذي تضاف لك ع حسب علمي لتآمينات العسكريه .. وتاخذها عند التقآعد الخ

وكمان مره قدمت بقطاع .. ووصلت للفرز النهائي بس من ضمن اللي تسأل عنه انهم يطلبون " برنت للتامينات < ماسووها معاي نهائي :)

لكن يجي من يفيدك .. أكثر

وبالتوفيق :)

الله لايهينك يالصقري بس ننتظر ردود اكثر

الله يسعدك قل امين ..

لا يالغالي مالها اي دخل .. في العسكريه ولا في اي شيء فيها

الشيء الي اقدر اقوله لك بخصوص التأمينات هي يالغالي تنحسب لك ك سنوات لو تبي
يعني بعد ماتتخرج وتتعين لو تبي تضيفها تقدر تضيفها ولو تبي تروح تسوي تصفيه لحسابك في التأمينات وتاخذها كاش لا مانع
لكن البعض وش يسوي < يقوم يالغالي يضيفها على سنوات خدمته في العسكريه لجل يتقاعد بدري ويريح راسه
عاد انت وكيفك


يعني لا احد راح يسألك ولا راح يقول لك شغال انت دامك قطاع خاص محد بيدور عليك


.
.

انا بعد فالتأمينات وربي كان شاغل بالي هذا الموضوع و كلمت نسيبي عشان شغلني معه في مؤسسة مقاولات قال القطاع الخاص مايأثر في الوظيفة العسكرية
موفق بإذن الله ... لك مني أجمل تحية .

موفقين واشكركم على مروركم ريحتوني الله يوفقكم