|
اخت لكم تبي تستشيركم
السلام عليكم
اولا اخواني اسال الله العظيم رب العرش العظيم انه يسخر لكل شباب المسلمين وظايف زينه ويعفهم بزوجات صالحات ... باقولكم قبل عن ظروفنا انا البنت الوحيده ولي سبع اخوان شباب اصغرهم عمره 17سنه ظروفنا يعلم فيها رب العالمين يعني ابسط مما تتخيلون ... ابوي طريح الفراش ... واخواني منهم خريجين الكليات والمعاهد ولا واحد حصل وظيفه طبعا مشو حالهم بوظايف حراس امن وكاشيرات والسنين تجري وكلام الناس يكثر ..ام فلان عيالك ليه؟ ماتزوجو للحين ؟الي كبرهم معهم عيالهم ..طيب بالله من بترضى تاخذ واحد راتبه الفين ريال ....؟ ربي قدر وكتب وواحد من اخواني .......... نوارة بيتنا .......... مات . بحادث اسال الله ان يجعل مثواه الجنه ويجعل اخرته احسن من دنياه لان بالدنيا ماشاف راحه اشتغل حمال بفندق واشتغل بسوق الخضره وهو يدرس بالكليه الصبح .... وامي صابره ومحتسبه وتمر ثلاث سنين ويتورط اخوي الثاني بمشكله ويكتب الله وينسجن وامي تردد امر الله كله خير ... وتدرون وش الي حصل ياخوان والله مثل ماقولكم شوفو فرج الله ؟ استلم ابوي المقطوعه من الضمان عطوه 30 الف وكمل من بنك التسليف 20 الف وشرينا البيت الشعبي الي اهلي ساكنين فيه اخواني .. اتوظف واحد بالجيش ولله الحمد رجع الثاني يكمل دراسته الثالث انقبل بلامن العام وسابك والقوات الجويه والدفاع الجوي ومكافحة المخدرات ... اخوي الي بسالجن سجل بالجامعه دراسات اسلاميه وبدء يحفظ قران ولله الحمد والمنه .. شفتم كيف ربي كريم يوم جانا الفرج والله اني اكلم امي وهي تبكي وتقول اعرف ربي مايضيعني .. وامس بعد بشرتها بزياد راتب التقاعد 4000بعد كانو اهلي ياخذون 1800 كتبت كلامي عشان ماتيائسون ... يوم الدنيا تضيق اعرفو انها بتفرج بعدها ولا بتصدقون ..لاكن ربي مافي اكرم منه . الحين ابي اسالكم اخوي الي انقبل بكذا مكان وين افضل جهه يشتغل فيها هو ماعنده شي مفضل يبي وظيفه والسلام فافضل مكان بالنسبه لراتب واراحه وين سابك او الامن العام او المخدرات او القوات الجويه او الدفاع المدني اذكروا الله اسالكم بالله ... ومانسى ادعي لملكنا الله يلبسه لباس العافيه ويغفر للامير سلطان ويجعله مثواه واخوي الجنه اتمنى ماتنسون اخوي الميت بالدعاء الله يوفقني ويوفقكم اختكم ام عبدالملك |
سبحان الله
الله سبحانه وتعالى قادر على كل شي يامن يقول للشي كن فـ يكون والله اول ماقريت مووضووعك بصراحه صابني حــزن شديد لكن لما وصلت لمنتصفه استانست والله والله يزيد عليكم هالنعــمةة هذه واكيد من يلجأ إلى الله سبحانه مايضيعه اهم شي يكون صادق بالشي هذا من ناحية القطاع اختي افضل قطآع من اللي ذكرتيهم الدفآع المدني . يليه قطاع المخدرات . يليه الامن العام والمخدرات للمعلوميةة افضل الرواتب من القطاعين الباقيين ع العموم بالتوفيق وأسأل الله سبحانه إنه مثل مارزقكم وعطاكم اللي تبغونه بعد طول انتظار اسال الله سبحانه انه يقطع رزقه وينكب رزق العساف ولا يوفقه لا دنيا ولا اخره ويجعل مثواه النار اللهم امين |
جزااك الله خير اختي الفاضلة
ونسبة للافضل شي سابك ثم الدفاع المدني ثم الامن العام |
من ناحيتي الامن العام والدفاع المدني اما بالنسبه للمخدرات ففيه مخاطر ممكن عليه ويبعد عن الشركة لانو لايوجد بها ضمان وضيفي
|
سابك او الامن العام او المخدرات او القوات الجويه او الدفاع المدني
بالنسبة للقطاعات العسكرية راح أفيدك فيها لاكن سابك ما أعرف كيف طبيعة عملهم أفضلها من وجهة نظري وطبعا كل واحد ممكن يتفق أو يختلف معي لاكن متأكد إنه 90% منهم بيجتمعون على (( مكافحة المخدرات - الدفاع المدني )) لاكن الأفضل والأحسن يسعى وراها كلها قد المستطاع لأنه مالهم خاتمة ولا يضمن منها شي يتوكل على الله ويحاول يوفق فيما بينهم لإنه يراجعهم كلهم والله يوفقه ويرزقه |
اقتباس:
|
صدقتي يا اختتي الحياة امل ونظر ة وعبادة واعتماد على الله وتييسر الامور لاكن انصح اخوك الاخير
اذا كان شاطر بالانجليزي وممتاز وعنده قدرة يبدع في اختبار سابك للتدرج الوظيففي انتبهي سابك عندهمبرنمجين سابك العادي وسابك المقاولين لاكن البرنامج المضمونوالي فيه ضامن وظيفي مستقبلي سابك للتدرج اذا عدى الاختبار حقهم والمقابلة الشخصيه وقالو له فحص وبعد القحص توقيع عقد افضل له من العكسريه عاد في الع سكريه الاخوان ماراح يقصرون معك راح يعطنوك الايجابيات والسلبيات والله يرزقكم من حيث لاتحتسبون يارب واوجميع المسلمين وشكرا |
الله يوفقكم ويفرج همكم ويرزقكم من حيث لاتحتسبون والله يرحم اخوك ويرحم اموات المسلمين اختي من وجهة نظري الامن العام او الدفاع المدني بس احسن له يبعد عن الشركه لانهم باي لحظه ممكن يفصلونه ومافيه مثل الحكومي والله يكتب الي فيه الخير |
[align=center]
يااا سبحان الله ياا اختي الله كريم ويحب عبيده والله يرحم اخوك ويغفرله ويدخله فسيح جناته يا ر ب العالمين واما عن اخوك الثانمي الله يطول في عمره فانا من ناحيتي اشوف له الافضل زي ما اسمع من الشباب اول شئ سابك ومن ثم الدفاع المدني ومن ثم الامن العام وفي الاخير المخدرات ولل معلوميه شركة سابك رواتبه عاليه جدا بس على ما اعتقد انها فيها دراسه اذا انه ما يبي دراسه عليه ان يختار الدفاع المدني او الامن العام وفي الاخير الله يوفقكم يوفقك ويوفقنا وياكم يا رحم الرحمين دعواتكم لي بالوظيفه في حرس الحدود [/align] |
مشالله الله يزرقكم ويرزق اخوك بما فيه خيره له
الافضل بنسبه لي الرحه الدفاع المدني الافضل بنسبه لي الراتب مكافحة المخدرات والامن العام حلو بعد وسابك ماله ضمان والافضل انه يروح لهن كلهن ولا يتررك شي لين يجيه القبول النهائي بعدها يستخيرر |
الله يرحم اخوك و يسكن مثواه الجنه ان شاءالله وعقبال حالكم من احسن لاحسن تصير ان شاءالله
|
مشاء الله تبارك الله
والله يرحم اخوك .. انا اشوف سابك راتب اقوى وافضل من العسكرية وان ماحصلت له خليه يدخل بالي تفتح له لان باقي فروز والخ بس اقرب دورة عسكرية يدخلها حتكون افضل له .. بالتوفيق ولا تنسيني بالدعاء .. |
الله يرحم اخوووك ويغمده فسيح جناته
والله يرزقكم من حيث لايحتسب |
والله يا اختي الشي اللي مقتنع فيه هو يدخله والله يوفقه يا رب لان مو كل احد يرغب العسكريه (الدفاع المدني *الامن العام * المخدرات ) او سابك الشي الي يشوف انه مرتاح فيه يدخله
والله يوفق الجميــع |
شوفي اختي انا من وجهت نضري سابك بس بشرط انها تكون رسميه مو تبع المقولين او تحت مقاول بعدها الدفاع المدني بعدين الامن العام المخدرات فيها خطر نوعن ما وعليه با الاستخاره
|
الافضل اختى ان يذهب للحكومه
ويترك الشركات ايا كان لانهم مشددين عكس الحكومه وبعدين سابك عندها النظام نظام مافيه دلع ولا شي الافضل الامن العام ومن ثم الدفاع المدني وبالتوفيق للجميع |
أولاً الله يرحم أخوك و يجعل قبره روض من رياض الجنة و أن يجعل أحرته أفضل من دنياه و أسأله بأسمائه العلى أن يغنيكم بحلاله عن حرامه .
ثانياً من وجهة نظري وظيفة مدنية في كفة و وظيفة عسكرية في كفة . يعني الأفضل ( سابك بشرط يكون مترسم ) يعني ( سابك + المكافحة + الأمن العام + الدفاع المدني ) و الله يوفقنا وياكم |
{وَبَشِّرِ الصَّابِرِينَ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ} [البقرة: 155-157].
والله يوم وصلت لنهاية الموضوع اني فرحت فرح أحس ان اللي توظفوا اخواني الله يوفقكم ويسهل لكم دروبكم ويرزقكم الرزق الحلال ويرزقكم الاهم والاجمل جناااااات النعيم ،،،،، اللهم آمين |
الله يرحم اخوك ويغفرله ويدخله فسيح جناته يا ر ب العالمين
خليه يقدم في كل القطاعات لانها تابعه لوزارة الداخليه ويلي تجيه الاولى يروح لها ( يلي قلبه مع الله ربي ما يخيب ظنه ) |
جزاكم اللهم خير
|
نصيحه لوجه الله اول شي يجيه يروح يعني مايترك شي على شان شي ثاني وفي النهايه مايكسب ذي ولا ذي
اما بالنسبه لمشروع سابك ماينفع |
سبحأأأن الله اكيد بعد الضيقه فررج بأذن الله
الله يوفقكم انتي واخوانك ويوفقنا بالوظاايف موفق بإذن الله ... لك مني أجمل تحية . |
مابعد الضيق غير الفرج الحمد لله
|
للصبر اخر ...اعرف حالات اردى والله افرجها
شكرا على الطرح |
سبحان الله
ضاقت فلما إستحكمت حلقتها ... فرجت وكنت أضنها لاتفرج الله يرزقكم من أوسع ابوابه أي وظيفه حكوميه فيها الخير والبركة وبالنسبة للقطاعات الزينه الدفاع المدني الامن العام الجوازات إذا انقبل ينهي اجراءته وينتظر اتصال هذي قطاعات زينه وعملهم طيب ويقدر يشتغل قريب من أهله |
[align=center]
ما شاء الله تباركـ الله ,, ربي يسعدكم ويزيدكم من فضله وكرمه ويباركـ برزقكم ,, وربي يوفقنا وإياكم ويسهل كل امورنا ,, [/align] |
العسكريه الافضل له من ناحية ( الراتب ) المخدرات بعدين الدفاع المدني بعدين الأمن العام
ومن ناحية الراتب الاعلى والراحه فهي سابك طبعا رواتبها عاليه بس اذا كان ماراح يمشي في الانجليزي خليه يروح المخدرات احسن له بالتوفيق لك وان شاءالله ايامكم كلها سعاده |
ونصيحه أخرى لوجه الله اول راتب له ياخذه خليه يقسمه بين والدينه ويتصدق فيها عشان يشكر ربه جزيل الشكر
يستاهل الشكر والمنه |
وعليكم السلام ورحمة الله وبركاته
الله يرحم اموات المسلمين ويدخلهم فسيح جناته يااارب الحمدلله الحمدلله ماشاءالله تبارك الله بالنسبه للوضائف الدفاع المدني + الامن العام + المخدرات والله يفك اسر اخوك يااارب ويستر علينا وعليكم يارب اللهم آميييييين |
سبحاان الله .. فعلآ من توكل ع الله " عمره ماخسر او ندم
اولا ً .. الله يرحمه ويسكنه فسيح جنآته .. ويرحم جميع اموات المسلمين والمسلمات الاحياء منهم والاموات ثانيا ً الله يفك اسر اخوك ويفرج همكم " ويفرج عن كل مهموم عموما ً أختي من ناحية الوظايف للعسكريه " افضلها الدفاع المدني + الامن العآم + القوات الجويه المخدرات حلوه بس عيبها خطورتها واحتمال اغلب الناس تحقد عليه من اصحابه او الخ وتسبب عداوات بينه وبين اغلب الناس بس رواتبها حلوه وتمشي الحال الافضل انه يراجع ف كل القطاعات لان اجراءات العسكريه ماهي بسهوله تنقبل فيها نهائي واللي يجي اول شي " خليه يروح له والله يوفقنا ويوفقكم جميعا ً |
من اقوال الشافعي الله يرحمه
يريد المرء أن يعطى منـاه..:..ويأبـى الله إلا مــا أرادا قول المرء فائدتي ومالـي..:..وتقوى الله أفضل ما استفادا ولرب نازلةٍ يضيق لها الفتى..:..ذرعاً وعند الله منها المخرج ضاقت فلما استحكمت حلقاتها..:..فرجت وكنت أظنها لا تفرج الله يشفي ابوك ويمتعه بصحته ويرحم اخوك برحمته ويجمعك فيه بالجنه انا قريت بردك شي خطا انتي ياتقصدين الدفاع المدني او الدفاع الجوي ويفرقن عن بعض اذا كنتي تقصدين الدفاع المدني هو بنظري الافضلثم الامن العام ثم المخدرات والمخدرات اخطرهن كلهن لانه بيتعامل مع ناس بايعينها عموما اقرب شي يجيه ياخذه والله يزيدكم من فضله ويرزقك بولد الحلال الي يسعدك .... |
الدفاع المدني
الله يوفقه.. ويستر عليك ويرزقك |
| الساعة الآن 06:12 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين