كيف أوزّع بضاعتي على التجّار ؟
السلام عليكم ..
شباب .. لو جبت منتج معين من الصين أو الهند أو بنقلادش او كشمير أو تركيا كيف أقوم بتوزيعها على التجار ؟ أنا عندي فكرة و منتج بجيبه من أحد الدول الي فوق .. و لكن سؤالي لو نزلتها للسعودية و حطيتها في المستودع كيف أقوم بتوزيعها على التجار؟!! مثلا لو قلنا عندي إحرامات للحج و الا العمرة .. من المسؤول عن توزيعها لي؟ هل لازم يكون عندي عامل و ونيت و أخليه يفرفر ؟! أنا جالس اعد خطة الآن لهالشي هذا عشان أعرف أتفاهم مع شريكي بشكل واضح ، لأنه أمريكي و ممكن نتشارك في كلا من الجهتين أمريكا و السعودية و أبي أظهر بمظهر الجاد معه و أعرف أصيغ شي يضمن حقي و حقه .. |
دائماً التسويق من المهمات الصعبه امام التجار وخاصةً أذا كان المنتج جديد فيلجئون الى الدعايه لكي يظهر المنتج بأفضل صوره .. الله يوفقك اخوي |
المشكلة أنه منتج يعني ما يحتاج توعية للناس و تعريف به ..
يعني خلنا نقول مثلا أني جايب إحرامات من الصين و ببيعها بسعر أرخص من تجار الجملة على التجار .. كيف أوزع الاحرامات في مكة ؟؟؟ او مثلا سبح .... ما يحتاج لها دعاية عندي سبح مثلا قيمة الدرزن بـ ريال واحد .. و ابي اوزعه على المحلات الي حول الحرم من الشخص الي اعطيه سبحي و الا احراماتي و اخليه يوزعها على التجار ؟ و يعرضها عليهم ؟ شخصيـًا ما أعرف في مكة كثير و الا المدينة ابي مثلا موزع عارف و فاهم الدعوة |
ابحث عن التجار اللي مهتمين بهالصنف واعرض عليهم وأذا حصلو سعرك رخيص اكيد بيتعاملون معك |
اقتباس:
كلام جميل 100% لكن لي زياده عليه وبكلام علمي نجاح تسويق المنتج مثل هالنوعيه يعتمد على بنود (على سبيل المثال لا الحصر) هي : 1/التميز في الجوده مقارنه بالشركات الاخرى المنافسه 2/التميز بالسعرمقارنه بالشركات الاخرى المنافسه 3/التميز بنوع الخدمه مقارنه مع الشركات المنافسه 4/التميز بانخفاض التكلفه:مقارنه بالشركات الاخرى المنافسه كل ماعليك هو دراسه السوق ثم تحليله ومعرفه نقاط القوه والضعف ثم التفكير بطريقه التسويق واعتقد انها بتكون سهله بعد الخطوات المهمه اللي تسبقها ,, انا عندي مشروع مقارب للمشروع وله شهور معدوده ان احتجت اي شى انا موجود بساعدك بكل اللي تبيه ان شاء الله تقبل مروري |
السلام عليكم ورحمة الله وبركاته
هذىاول مشاركه لى وان شالله تكون مفيده اخوى اول شى المنتج هل هو موسمى شهرى يعنى الطلب عليه بالسوق؟ هل له صلاحيه تاريخ؟ على العموم انصحك تبدا مع المحلات عموله مقابل التصريف الكميه الاولى وبعدها تقدر تحدد على حسب الطلب اتمنى اكون افدتك فى شى تحياتي للجميع |
بحكم انك حاب تعرضها على التجار
اولا تحدد بضاعتك الى بتوفرها بعدين تروح السوق الي تنباع فيه بضاعتك فرضنا الدرزن لقيته بي 1000 لازم انت تكون اقل منهم لانة انت دوبك مبتدي ولازم تثبن نفسك مبديا بس الاهم انة ما تقلل السعر با المرة حتى ما تتعرض لي اي مشاكل مع التجار الكبار با السوق لانة للاسف هذا نظام سوقنا تبيع اقل منهم يمحوك وانواع المشاكل والمصايب با الشغل اتكلم لك عن تجربة من هالمواقف بس الاهم تقوى نفسسك وتطنش وكمل مسيرتك ------------- عندي لك تنبيه بسيط بما انك ب ا امريكا تقدر توفر بضايع كثيرة وسوقنا محتاجة با الهبل لو تقدر توفر اي بضايع من امريكا وكذا انا ممكن ادل لك ناس حبين توفر لهم بضايع |
[align=center]
اخي بامكانك توزيع مثلا ( الاحرامات ) على المحلات التي تبيع ( الاحرامات ) بدون مبالغ يعني تنزلهم الاحرامات بدون يدفعون لك مبلغ وبعد تصريف البضاعة تأخذ حقك من كل محل بصراحة بالمملكة العربية السعودية الاجانب مسيطرين على كل شي ولكن بهذة الطريقة الكل بيتعامل معاك ففي البداية على التصريف ثم بعدها تاخذ حقك بالكامل وبعد فترة انت بتتحكم بالسوق [/align] |
اقتباس:
شكرًا أختي .. يا ليت بالله تفيديني .. و تقولي لي عن الناس الي يبون هذي الخدمات ؟ علمـًا إن علاقتي جيدة بالأمريكان و لله الحمد .. و دايم يعرضون علي عروض حلوة .. بس المشكلة قلة الخبرة في الاستيراد و التصدير توهقني و تضيع علي فرص كثيرة .. دليني على هذولا الناس الي يبون سلع من امريكا و انا على مقدرة بإذن الله على خدمتهم بارك الله فيك |
والله يا إخوان إنكم ما قصرتوا و كفيتوا و وفيتوا
و المنتج الي في بالي .. هو ما هو إحرامات و لكن طرحته من باب ضرب المثــال لا أكثر .. هو منتج جديد في السوق نسبيـًا لا من ناحية الشكل و المظهر الخارجي له و الي أتوقع أنه بيكون جذاب و بيحث الناس أنهم يشترونه لأنه بيصير كذكرى لهم لما يرجعون .. لأن كثير الحج بالنسبة له حلم و يبي يحقق هالحلم بالي يقدر عليه و حلو يكون فيه ذكرى و كذلك بيخدمهم في عرفات و هذي الأماكن .. هو منتج يمكن لأي واحد أنه مجرد ما يحصل عليه ينسخ منه من خلال الصين و الا اي دولة ثانية .. عشان كذا أنا متحفظ على أني أقول فكرته بشكل كبير و لأني أتوقع انها ضربة وحدة .. يعني إذا مثلا نزلته بالحج .. أتوقع بعدها فيه ناس ممكن تسوي نسخ منه و تصدره للسعودية بسعر ارخص بحكم ان لهم خبرة في هذي الامور .... و الي جالس أسويه الآن جالس أبني خطة تسويق .. بحيث أني اجهز لها قبل موسم الحج بفترة بسيطة و أخلص كل شي بإذن الله |
الساعة الآن 12:22 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين