يالغالي أبي منك دقيقة ؟؟ أو تدري دقيقتين ؟؟
بسم الله الرحمن الرحيم
السلام عليكم ورحمة الله وبركاته أخواني وأخواتي العاطلين أنا هنا حبيت أكتب أول موضوع لي وأحتاج مشورتكم في أمور وهي مشاريع تجاريه نويتها الحمدلل بعد توفيق الله ودعاء مخلص : المشروع الاول : انا إكتتبت في شركة عنايه السعودية للتأمينات التعاونيه بعدد أسهم 50 ريال بـ 500 ريال قبل أمس كيف أستثمر من خلالها وهل تنصحوني أول ما يرتفع السهم أبيع ؟؟؟؟ المشروع الثاني : مؤسسة مقاولات أرغب بمعرفة هذا المشروع الي أعتقد بل وأكاد أجزم أنه يدخل ذهب بعد توفيق الله لأني حسب ما سمعت أحد الاخوان سأل مقاول مستلم عماره قاله كم تستلم قال أستلم على هالعماره جميعها تصليح والى أخره 200 ألف ريال أبي نصايحكم فيه وكيف أكون مؤسسة وكيف أجلب العمال وكم يكلف والسجل التجاري ,, المشروع الثالث : مكتب خدمات عامه أنا سمعت هنا في البطالة إنه يدخل ذهب بس ودي تعلمويني أنا طالب إنتساب إدارة أعمال في جامعة سعودية وأهوى التجارة وشي اسمه التجارة ونصحني ولد عمي بهالمشروع ياليت تعلموني هل أشتغل في مكتب خدمات عامه أو أفتح مكتب خدمات عامه خاص فيني ,, وهذا ما لدي كله والله يوفقكم ويسعدكم ويفرحكم بالوظيفة الي تسركم اقتباس:
ياليت المشرفين يعدلونه أخوكم / عبدالله ~ والسلام عليكم ورحمة الله بركاتة |
الله يــوفقك اخــوي ...
واعـــجبني اســـمك ...لأن هالديرة عـــزيزة على قــلبي .. إن شــاء يـجي من يفيدك في الموضوع ... ومــــــــــــــــــوفق ,,, |
بصراحه كلها عليها اقبال كبير من ناحية الخدمات العامة مثل التعقيب والمقاولات عندك المقاولات تحصل فتره يكون ميت السوق
لو تخليها مكتب واحد خدمات عامه وتعقيب وعقار بتحصل ذهب التعقيب يبلك تشتغل فتره عند اي مكتب تتعلم الاسلوب والطريقه وتتعرف علي الموضفين وتسوي علاقات معهم عشان لما تفتح المكتب كل شي ميسر لك |
اقتباس:
حياك الله يالغالي وأنت عزيز وغالي شكرا لك وجزاك الله خير نورت والله |
اقتباس:
الي فهمته منك إنه أفتح مكتب خدمت عامة تعقيب يعني أو مكتب عقار وأنا بقولك أنا أشتغل في العقار وماشي الحمدلله والله الرزاق واذا كنت ما فهمتك زين ياليت توضح الله يعافيك مع الطريقة الي أسويها نورت والله |
اقتباس:
اخوي انا اشوف اكثر المكاتب كاتب خدمات عامة وعقار ومقاولات وتحصل الشخص يديرها كلها مدري كيف يديرها اتوقع في التعقيب موظف ناس سعودين معه يعطيهم راتب ولكل معاملة لشخص ياخذ نسبة الموضف الي عنده ونظامة من الصبح الين اليل عنده فترة راحه الظهر الصباح عنده يجولك ناس عشان يعقب لهم في دائرة حكومية والعصر شغال في العقار عندك التعقيب يبلك في البداية تشتغل عند اي مكتب تعقيب تسوي قاعدة معارف في الدوائر الحكومية وبعدها تفتح المكتب ويكون قريب من الدوائر الحكومية مثل الجوزات او مكتب العمل انا من الطايف ما قد شفت مكتب عقار فاتح بالصباح ما يفتح الي بعد صلاة العصر لان الناس متوضفين ما يفضون الا من العصر الين اليل ان شاء الله اخوي وصلت المعلومة ونحنا هنا نستفيد من بعض :d |
اقتباس:
ايه وصلت أبشرك وانا أشتغل في العقار وسيط عقاري أبشرك والحمدلله ماشي |
السلام عليكم ورحمة الله . ياولد شقرا استعن بالله أولا وآخرا .. أقترح عليك أن تفتح مؤسسة مقاولات وتعقيب . ثانيا : ابدأ شغلك بالتعقيب , ثم حبه حبة تتعرف على العمال وتكون علاقات معهم . تتعرف على نشاطاتهم وتتعرف على كيف البداية في المشاريع .. ويش رايك نفتح مشروع صغير .. تقدر يا ( باي ) توفر عمال في هالمجال ..وكلام حلو ... ( بس كن صادق مع الله في صدقك معهم ) لأن الله ينتقم من كل ظالم . ( لأن كثير من العمال مظلومين ) .- اقصد العمال البسطاء - . بعدها ياكابتن بعد ماتتعرف لك على عمدة تسند له مشروع وأنت تدعمه بشرط على كفالتك .. وعينك معاه وعليه ... وعتبه عتبه مع علاقاته بالعمال يسوقوا لمشروعك ... بعدها أتمنى لك التوفيق ,,,, وراح يتوسع تفكيرك للمشاريع الأخرى ..إن شاء الله . لكن الله الله بتقوى الله والبعد عن ظلم العمال ... |
تم التعديل ياراعي شقراء
الاخوه ماقصروا والله يرزقنا واياك من واسع فضله |
اقتباس:
حلوه والله فكرتك أخوي بس حبيت استفسر كم تكلفة المؤسسة ووشي الإجراءات ياليت بشكل مختصر ~ اقتباس:
بيض الله وجهك |
الساعة الآن 05:46 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين