شاب على وجه الزواج ويبي منكم استشاره بي مصروفاته الشهرية
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته الموضوع با اختصار رجال على وجه الزواج ويبي منك تساعدونه كيف يحدد مصاريفه الزواج باقي عنه شهرين راح نكتب عن راتبه وعن التزماته ويبي منكم تساعدونه علشان يعرف هلي له وهلي عليه موظف بي شركة قطاع خاص مع العلم لايوجد علاوات سنويه :eek: الدوام من الساعه 7 الي الساعه 4 العصر:b نزيد ساعتين حق الطريق بحكم ان السكن بعيد عن العمل 6 ايام بي الاسبوع :u الراتب 4000 ريال الالتزمات 1200 ـ قرض سدد به دين ابوه باقي عن انتهى السداد 4 سنين 750 - قرض من بنك التسليف دفع فيه تكاليف الزواج وباقي عن انتهى القرض اكثر من 4 سنين 1250 - ايجار شقه متواضعه يبقى من الراتب تقريبا 800 فقط شهريا الرجل متحطم وانا صراحه ماالومه طيب لو فرضنا 800 باقي من الراتب وش بتسويله باقي كهرباء واكل ومصاريف اتصال وبانزيم لو قلنا بيتشري لو مره ذبيحه ما تجبله حق عشاء نريد منكم المشاركه بي هل الموضوع ما هي الحلول وماذا يفعل زواجه قرب |
الصراحه لاتعليق
كيف يسدد دين ابوه وقرض زواج واجار وبتزوج ماينفع ممكن يسكن عند بيت اهله لو بقسم مستقل ويوفر حق الاجار والله 800 مالها حل |
شف يالغالي خويك يبي يتزوج وهو عارف وضعة. واذا هو ملزم يبي يتزوج اعتقد انه يرجع للبنت نفسها هل هي اجودية وتقدر ضروف زوجها وتصبر عليه لين تتحسن امورة او من النوع الثاني جبلي وعطني وابي خدامة و و ..
خله يستخير والله يوفقه |
والله صح حسب اللي بيتزوجها
طيب ليه ما يسكن مع الاهل لحد ماتتحسن الظروف وبنت الحلال اللي بترضى ب800 بالشهر انشالله بترضى تسكن مع اهله فتره و1250 هم اولى فيها |
يتزوج وحده موظفه تساعده بالمصاريف
ولا لا يتزوج لان 800 ماتسوي شي |
والله ماتسوى شي مكافاة جامعة ذي انا لو اني مكانه مافكرت ازوج لو اعيش طول عمري عادي وش تفرق !!
واذا كانت البنت قريبة له فهذا شي طيب يمكن تصبر عليه لكن اذا عند اهلة شقة او ملحق عادي تسكن فيها مع زوجها و1200 والله ايجار غالي ( مد رجولك على قد لحافك )) ليش احنا كذا اااا نحب المظاهر واحنا اصلا ماعندنا شي !! والمفروض مايزوج الين يخلص الديون اللي عليه اما بخصوص راتبة هو نعمة لكن مادام يسدد قصد ابوه فالله يجزاه خير اكيد ابوه ماعنده مصروف عشان كذا ماقدر يسدد !! فصدقني وانا اخوك مادام فيها رضى والدين راح ربي ييسر لك الامر والسلام عليكم |
انا مع رأي الاخوة الي جاوبو قبلي من مساعدة الزوجة له في مصاريف البيت
لكن ارى انه يعمل عمل ثاني ويفضل اذا كان معاه سيارة انه يتكس كم مشور من المغرب حتى الساعة 11 او ما يراه مناسباً |
الله يعينك اخوي رواتب زفت وغلاء معيشه ولكن مانقول الا حسبنا الله ونعم الوكيل
الله يوفقك بزواجك وييسر امرك امين |
لايتزوج الزواج مهب سهل
|
ماله الاطريقه بعد الاتكال على الله يتزوج موظفه ويقتسم معها لقمت العيش ويحاول انه يدورعلى منفذ
بــــــــــــــذكر قصـــــــــــــــــــه من ارض الواقـــــــــــع طبعا اختصار كان في رجال على قد حاله مره وتزوج امرأءه صاحبة بقاله ماحط يده على خده وقال هى تصرف علي ا لرجال تحرك ودبرحاله بشغل من هنا وهنا وبعده توسعة البقاله واشار علي زوجته بفتح مدرسه اهليه فتحت مدرسه اهليه فى تبوك ومدرسه اهليه فى جده والان اسم هذه المدرسه تدرس فى ماده المكتبه ماقدر افصل بالقصه ينعرف دغري المهم صاحبت المدرسه صارت ماتقعد بالسعوديه بس تاخذ الاقصاد وتمشى نهاية المطاف طلقها هو في السعوديه وهى تطلع وين ماتبي ماتقابلون الافى اجتماع لانه شريكها هذا هو الذي يجمعهم شفته وشفتها هو رجل كبيربس مو مره وهى كذالك لكنها تشيش ودخن عايشه حياته على الاخير وان شاء الله ماكون طولت |
اخوي هذا ذنبه في رقبة الحكومة كلن فيما يخصه
يقدر يتزوج بس يحاول يأجل الخلفة الى وقت غير مسمى انا بد 9 شهور من زواجي كان يتبقى من راتبي 700 ريال فقط والحمدلله شغلت مخي ورجعت راتبي بالكامل |
800 ماتسوي شي هذي ماتجيب اكل لهم طيب هواكيد بيحتاج وسيارته والا الزوجة ماتمرض يعني ماتحمـــــــــــل ..افضل حل يسكنها مع اهلــــــــه وبعد ماتنفرج عليه يطلعها لبيت لوحدها ...اذا ماسوى كذا راح يتعب .. وصعب عليه وظيفتين بيكــــــره عيشته ....وان شاءالله تكون الزوجة أجودية وتقدر ظروفة وربي يفرجها عليه ويسهل اموره ويسدد رأيه..
|
معليش لا يتزوج ..يستنى لين يتحسن حاله
أو يدور له دخل ثاني 800 ريال مو عيشه لأن فاتورة الكهرباء بتطلع 900 ريال |
اقتباس:
بما انه سدد عن ابوه دين هذا من البر وإن شاء الله ربي يوفقه في الزواج ويرزقه من حيث لا يحتسب أنا اشوف انه يتوكل على الله ويتزوج ويقتصد في مصاريفه الله يعينه ويرزقه على العموم اعرف واحد تزوج وما يبقى من راتبه بعد الأقساط إلا الف ريال صحيح انه هو وزوجته ذاقو الفقر والدين لكن حياتهم ماشيه وخلفو ماشاء الله أطفال وطبعا مصاريف الولادة والأدوية والتطعيمات للأطفال وخلافه كله في مستشفيات حكوميه ومشي حالهم والحمدلله والآن راتبهم زاد شوي وظروفهم احسن شوي |
اقتباس:
صراحه ما ابغاء نزيده تحطيم وبيت اهله ضيق ولايوجد له مكان عنده اخوان كثير |
اقتباس:
البنت تقربله وعايشه بي نفسه وضعه الاجتماعي والمادي ما اتوقع راعين صرف لاكن حتى ولو 800 احسها قليله |
اقتباس:
السكن مع الاهل صعب بحكم ضيق المكان |
اقتباس:
صعب يقول خلاص بطلنا البنت يتميه وله سنين خاطبها |
اقتباس:
خلاص الرجال ملك ومعطيعهم وعد بي الزواج وبعدين البنت يتيمه وتقربله وانا صراحه اشوفه طول وهو خاطبها وملك والسكن بيني وبينك مو غالي تعرف الرياض وهو خايف على البنت ما يبي يدور سكن بعيد او بي حاره مشبوهة والسكن هذا قريب من بيت اهله اما من ناحية لا يتزوج الرجال مثل اي شخص كان حاط له احلام ولاكن الواقع صعب والرجال حاله كل سنه من اصعب الي اصعب |
اقتباس:
الفكره حلوه لاكن بيني وبينك الرجل شغله ميداني ولما نطلع من العمل تعب ولو اشتغل بي تاكسي اجل راح الوقت كله خارج البيت والزوجه تجلس بين الجدران من حقه يستريح بي بيته |
اقتباس:
شـكرا لك وبارك الله فيك ... لك مني أجمل تحية . |
اقتباس:
وليش مو سهل بي رائك |
اقتباس:
الف شكر صعب يقول للبنت بعد كل هل المده خلاص ما ابي اتزوج بدور موظفه كلام غير واقعي |
اقتباس:
شـكرا لك وبارك الله فيك .. الحكومه ماهي داريه عنه: |
اقتباس:
|
تكفيه ال 800 فيها البركة إن شاء الله
أكيد بتجيه فلوس يوم زواجه ويمكن يبقى له منها شي في ناس ماعندها غير 1500 راتب وماشاء الله متوفقين في حياتهم الله يوفقه وييسر أمره |
اقتباس:
انشاء الله فيها البركة الف شكر لي مرورك |
وعليكم السلام ورحمة الله وبركاته
معليش ابي برنت عن مصاريف الرجال من الجوال وغيرها هل الفاتورة تصدر شهريا او كل شهرين وكم المبلغ؟ نوع السيارة ؟ وكم فلها؟ وكم تقعد البنزين معه؟ وين بيسكن الرجال في اي منطقة هذي الاسئلة مبدئيا جاوب على الاسئلة هذي على العام او على الخاص وان شاء الله خير الله يرزقه الزوجة الصالحة الي تعيينه على الطاعة وتبعده عن معاصيه وتسعده ويسعدها ويرزقة الذرية الصالحة الي تعيينه على الطاعة ويسعدونه. |
اقتباس:
لاكن مو راعي مكالماته والضاهر جواله مايخد 100 ريال شهريا سيارته صغيره فلها بي 19 ريال الكهرباء لحد الحين مابيت يسكن بي غرب الرياض |
اقتباس:
السلام عليكم اخوي لازم تحدد مصاريفه علشان تقسم راتبه هذي اول نقطة ثاني شي اتمنى انه يبحث عن شقة يكون اجارها في السنة 12000 الف يعني مثلا في السويدي او البديعة ؟ |
الله يكون في عونه
ويسخر له من رجال الخير ويساعدونه |
لايشيل هم والله انها تتيسر والله قال ان مع العسر يسرا
انا صديقي راتبه 1800 والله ثم والله انه مبسوط واللي تقول عنه فيه خير لابوه والله بيرزقه اما عن 800 اللي بتبقى خله يقطع منها 400ريال مقاضي بيت اكل وشرب تغنيه عن اكل المطاعم ومصاريفها,,400 احتياط لمصاريف بسيط يوميه" |
اقتباس:
بيني وبينك شقة اشوفها صدفه ولولا تعاون صاحب العماره اجاره اعلى من كذا بعدين مريحته نظيفه وقريبه يمكن يحصل اقل بس بيخسر اكثر بي ت***طها مصاريفه واضحه 800 صافي بدون الاكل والشرب والمكالماته وامور الحياة الثانيه والكهرباء ما توقع ايش نوع سيارته بتفرق |
الف مبروك مقدما لكن وضعك مادرس كيف صاير هو
كيف تتزوج والدخل الشهري800 اريال ولمدة 4 سنوات عجيبه والله |
شوف خويك اذا ماتزوج
لو يروح يجاهد في العراق او فلسطين او سوريا ترى الامة الاسلامية بحاجة لمثله فالاسلام محارب من كل الِملل والنِحل وان شاء الله ربي يرزقه الشهادة ويتزوج من الحور العين |
من اسباب الرزق بإذن الله
الزواج-الذريه بالتوفيق |
^
صادقه والله الزواج بعده تتيسر كل امور العبد ، وانا اعرف ناس رواتبهم 1500 ريال ويسكنون بالايجار وعندهم عيال واعرف واحد ثاني دايم اقابله واشوفه في كل مكان راتبه 3700 ومتزوج وعندهـ 5 عيال 3 يدرسون وساكن ايجار الشهر بـ 1250 وعليه قرض من بنك الراجحي 1400 وقسط سيارهـ 999 واشوفه مبسوط ولا عمرهـ احتاج شي |
خل الرجال يتوكل ع الله ويتزوج
والله العظيم اعرف شباب في القطاع الخاص متزوجين وجاء لهم اطفال ويعلم الله انهم مبسوطين اذا الزوج والزوجه متفاهمين باذن الله تكفيهم ٨٠٠ بالراحه واعرف رقيب في الطواري عز المعرفه متزوج زوجتين راتبه يتجاوز١١٠٠٠ تدهور بسبب الديون والمظاهر وحالته يرثى لها يعني هذا حال الدنيا لازم نصبر عليها |
اقتباس:
السلام عليكم اخوي ليه بيخسر زيادة لو حصل شقة 12 الف يمكن تسير زينة وهو الكسبان ثانيا انت تقول وش دخل السيارة بتفرق اولا ؟؟؟ نعم بتفرق من ناحية صرفية البانزين وووو لازم كل ريال تعرف وين حاطه فيه؟ مثلا في سيارات فلها 50 ريال وفيه سيارات فلها 25 ريال انظر الفرق والتوفير؟ في الشهر كم يعبي سيارته باي قيمة لو اتفرضنا 50 ريال لو قلنا الشهر 4 اسابيع وكل اسبوع 50 ريال كم مصرفه في الشهر 50*4=200 ريال وسيارة فلها 25 ريال في الشهر 25*4=100 ريال يعني وفر نص القيمة ولا لا؟ علشان كذا اقول لازم تعرف مصاريفه بالضبط علشان تحسبه صح ماتحسبه غلط |
الساعة الآن 03:46 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين