06-01-2012, 05:32 PM
|
عضو متواصل
|
|
تاريخ التسجيل: Dec 2011
المشاركات: 44
معدل تقييم المستوى: 258435
|
|
اقتباس:
المشاركة الأصلية كتبت بواسطة مخاوي السيل
مرحبا يابو عبدالله والله يعطيك العافيه على نفعك لاخوانك عندي استفسار بسيط عن بعض كلامك
( صاحب محل المفاتيح ماحيصير له منافسين كثير لانه بعض الاجانب الي شغالين بالمفاتيح والعياذ بالله لا ياخذ بيانات ولا يمشي بالنظام اهم شي يعبي جيبه )
سؤالي وش تقصد بالبيانات اللي ياخذها ؟
مثلا يجيك شخص وممكن يكون مختلس /حرامي يجيب مفتاح خزنة ويبي نسخه في هذي الحاله انت بدورك تاخذ صورة من اثابتة الشخصي كنوع من الحماية مثل بعض محلات الذهب .
وشكرالك.
|
بالنسبه للخزن طبعا راح نعلم صاحب المحل الجديد عن الاشياء الي يبعد عنها مثل مفاتيح الخزن احنا ماننسخ مفاتيح خزن الا لجهات رسميه وبخطاب رسمي وتفويض شخص يعمل بنفس الجهه بأن نقوم بنسخ مفتاح الخزنه له وبيني وبينك هذي المفاتيح ماتجي الا نادرا زي كذا وبالنسبه للاشخاص لا تنسخله مفتاح خزنه وريح راسك واصلا مايجيك بالسنه الا واحد او اثنين احنا بيني وبينك دايما لازم نكون بعيدين عن اي شي فيه مسئوليه
لكن انا اقصد مثلا واحد نسي مفاتيح سيارته بداخلها ويكون قريب من محلك تروح معاه وتفتحله السيارة في اقل من 3 دقايق اذا كنت محترف وتسجل بياناته وبيانات السياره واهم شي تكون باسمه وتاخذ فلوسك في اقل من خمس دقايق وانت مخلص وتخدلك دعوه طيبه انك فكيت كربة الرجل باذن الله وترجع محلك 
ايضا جاك ابو طفل وقلك طفلي معزوق بغرفه او حمام الله يكرمك وقفل على نفسه فتسوي خير وتروح معاه وتفكله باب الحمام الله يكرمك او الغرفه وتاخذ منه دعوه طيب وتسجل بياناته وتاخذ فلوسك واهم شي لاتكثر معه بالمبلغ لانه فيه وضع محتاج لهذي الخدمه وخاف الله وخلك سمح وباذن الله ماراح يقصر معك الزبون وراح تاخذ منه اكثر من ما كنت حتطلب وهذي مجربه وبالاخير انت خلي نيتك الخير انك فكيت كربه على مسلم وترجع محلك والشغله كلها ماتاخذ اكثر من 15 دقيقه وطبعا الزباين كلهم يحبون النظام ولما يشوفوك الزباين ماشي بالنظام صدقني راح تزيد ثقتهم فيك وراح يرسلولك زباين لانك اولى من الغريب الي ماشي بدون نظام وربي يوفق الجميع لكل خير
التعديل الأخير تم بواسطة بن هاشم الهاشمي ; 06-01-2012 الساعة 05:37 PM
|
1Likes
العرض العادي
