فشل صندوق المئويه
 

انا اخذت قرض من صندوق المئويه وفشل المشروع والسبب الرئيسي بالفشل دفعاتهم اللي تأخرت لاكثر من سنه ونص

ويهددوني اما الشكوى او اني اسدد انا الحين بعت المشروع ب25 الف والمديونيه 200الف وش اسوي المشكله مشترك معاهم بنك التسليف رحنا فيها وش العمل

لايهمونك المشكلة من عندهم , المفروض تكون هناك آلية متبعه لاعطاء الدفعات على المستفيد مب يهمشونه لاكثر من سنة ونص !
عليك بفضحهم بالجرايد وناخوك والله لو يشتكون بيديهم ورجليهم ماراح يصير لك شي هم الخسرانين بسمعتهم وصدقني بيعوضونك دامهم مهملينك كمواطن اكثر سنة ونص ماعطوك الدفعات وخربوا مشروع مواطن وحطموه وبعد مايئست لاكثر من سنة ونص ومافيه حيلة معهم بعت مشروعك وفي الاخير يهددونك بالشكاوي ! عسى ماشر ؟ ليه يتعبون الناس ويخلونهم يجتهدون وينتظرون مدة طويلة ثم يركونهم اكثر من سنة ونص الين مشروعك فشل وفي الاخير تهديد ! انت على الله ثم على قروضهم ولا اصلا مافكرت تفتح محل وتسوي مشروع , فعلى هذا وناخوك لايهمووونك فانت اللي عليك تسويه الان : تفضحهم بالجرايد واشتكهم في ديوان المظالم والمحاكم ولاتسدد شي يخسون ويعقبون

والله ياخوك ماعاد ادري وش اسوي جالس اسددهم الحين من هنا من هنا لين ربك يفرجها المفرو عندهم اليه اذا تعثر المشروع انهم يساعدونك ويحاولون ماهو يقولون لك نبيعه بالمزاد وانت تسدد الباقي حنا شباب ماجينا لهم الا انا محتاجين ولا وش نبي فيهم

الله يكون بعونك أخوي ويفرج همك ...

الله ينصرك عليهم