طريقة الاستيراد من الصين
 

السلام عليكم

ابغى منكم المشوره والافاده الله يجعلها بموازين حسناتكم
انا عندي مبلغ 50 الف ريال ابغى اطلع الصين بعد شهرين بإذن الله لكن هل يجب علي اصدار سجل استيراد وتصدير وماهي شروطه اصدار السجل ام انني استطيع ان ادخل البضاعه عن طريق اي وكيل
واذا ادخلت البضاعه هل استطيع بيعها في الميناء مباشره اذا حصلت ربح لابأس به وهل التجار متواجدون في الميناء بكثره(ميناء جده)
اخيرا بماذا تنصحوني بالنسبه للبضاعه هل هي مواد بناء خفيفه ومستهلكه
ام اواني منزليه ولكم جزيل الشكر

الله يوفقنا وياك لكل خير
والله يرزقنا بخبير يعلمنا

انا تكلمت مع شخص موجود في الصين قبل 4 شهور وقلت له عندي 70 الف قالي لاتعب روحك وتجي لانك ماراح تستفيد والسبب انك رايح تظطر تاخذ حاوية كامله بأسمك وبياخذون عليك قيمه هذي الحاوية عندك 200 الف تعال ،
قالي الافضل انك تشتري عن طريق مكاتب الاستيراد او تروح دبي السوق الصيني .
ان شاء الله الشباب يفيدونك اكثر

الله يعطيك العافيه

الاستيراد من الصين بصراحة مرهق أحياناً , لكن الي يبي الدح مايقول اح :)
شف طال عمرك ,, أول شي لازم تتفق مع مكتب هناك , مو عشان يساعدك في
ارسال الشحنه وبس , عشان يساعدك على المصانع الي في تخصصك ويكاسرهم ..
يعني مثلاً تبي اكسسوارات جوالات , المكتب يبحثلك عن جميع المصانع وياخذك
كل يوم لمصنعين او ثلاثة , والله الله بالمكاتب الي ينصح فيها , ( راسلني ع الخاص واعطيك
ارقام مكاتب هناك تعاملت معها بالمليون والمليونين والحمدلله ماكان فيه سرقة ويجيبون
لك أرخص الاسعار .. لكن عيبهم يتأخرون )

تكاليف الشحن :

الكونتينر الصغير : 1200
الكونتينر الكبير : 2200
( يختلف باختلاف المنطقة )

الجمارك بالسعودية , اذا كان المنتج مافيه منه بالسوق ولا فيه احتكار ومصانع وطنية
تسوي نفس المنتج , ياخذون :
4% من القيمة الاجمالية
واذا فيه مصنع وطني او وكالة لشركة ياخذون :
12%
( لازم تبلغ الشركة المصنعه الي تستورد منها يضعون فاتورة وهمية .. مثلاً لو تجيب فرش
بالمتر المربع , وقيمة المتر 10 دولار , تجعلهم يضعون بالفاتورة 1 دولار واحد .. عشان
الجمرك يحط 4% على مبلغ اجمالي بسيط فيطلع عليك الجمرك بسيط )

تتفق مع مخلص جمركي يطلعها لك من ميناء جدة الى مكانك :
350 للمخلص
300 تحميل وتنزيل
1000 تريلة توصيل


والله يوفقك

هههههههههههههههههههههه ضحك عليك ذى يبي يحطمك تري والله

مو شرط حاويه كامله ممكن تتشارك انت وشخص بحاويه عن طريق المكاتب

اخووي بالاول روح تجربه يعني استطلاع وبتشوف بنفسك
نسيت اقلك شىء يوم سافرت الصين تعرف وش قال لي احدي الجنسيات العربيه ياكثرهم هناك وانت عارفهم اكيد بدون ذكر جنسياتهم جلس يضحك يقول توكم يالسعوودين افتكرتم الصين هههههههههههههههههه تري الناس من زمان هناك
وبقلك شىء تري المعيشه مررررررررررررررة رخيصه رووح اخوي تجربه والله بتنسط ولا راح تصرف شىء
طير شوور اخوووك والله يوفقك

ممكن تتأكد لي من تكاليف الشحن

يمكن تقصد
12000 - إثنا عشر ألف ريال ؟؟؟؟
22000 - إثنين وعشرين ألف ريال ؟؟؟؟

الكونتينر الصغير : 1200 (( دولار ))
الكونيتنر الكبير : 2200 (( دولار ))

باقي الأسعار بالريال ..
أيضاً المكتب بالصين ياخذ ( 5% ) من قيمة البضاعه


اشكرك على التوضيح احوي ملعب الميدان