|
الحمدالله ربا العالمين
اخيرا استدعونى من الاحتياط وكملت اجراءاتى اللهم لك الحمد والشكر وللمعلوميه ترا ماجانى رساله اتصل واحد جزاه الله خير وقال راجعنا وهات شهاداتك الاصليه والايبان وصور شمسيه والموعد السبت 4/3 فى الطائف وعقبال مايطلع باقى الاحتياط ان شاءلله حاولو تشيكون على مكان التقديم ترا بعضهم وده انك ماتدرى يقدمون غيرك |
طيب اخوي كيف يستدعونك وهم باقي محد دخل الدورة يعني محد انحاش لا يمكن الي مقبول ماجاء يراجعهم
|
اقتباس:
عطوهم مدة 3 ايام فقط 28/27/26 السبت الاحد الاثنين تأخر تقريبا 4 او 5 افراد ماحضرو للتجنيد باوراقهم المطلوبه من الموقع طبعا فيه ناس تركو الجويه بسبب قبوله فى قطاع اخر وبعضهم متردد كانت المفاجاءه يوم الثلاثاء الساعه العاشره صباحا جانى اتصال من التجنيد بالحضور وتكملة اوراقى ونا مانى مصدق احسبه واحد يستهبل وقال بسرعه اوشفنا واحد غيرك طبعا رحت مثل الصاروخ لهم ونا غير مصدق يوم قالو انت فلان هات اوراقك قسم بالله العظيم تخنقتنى العبره يوم عطونى القرار بتاريخ الاربعاء وورقه التعليمات ونا فى الطريق اقسم بالله ابكى من الفرح كنت متحطم اكبر تحطيم فى حياتى من كثر المراجعات وقلة الوظائف حتى ابوى وامى واهلى قسم بالله انهم تعبو مثلى للمعلوميه حصلت واحد قدامى مثلى طالب وسلمت عليه وقال انا مثلك تم استدعائى وسمعت منهم يقولون اذا تخلف خلال شهر 4 طلاب من الطائف راح نستدعى غيرهم |
اخيرا وصلت الرسالة وسجدت لرب العالمين
الحمدالله اخيرا اكرمنى الله سبحانه وتعالى واستدعونى من الاحتياط
استغفرالله يارب على الدعاوى اللى جات من القهر ومن كثر المراجعات والهم والغم وفى الاخير ماطلع اسمى نبارك لجميع الاحتياط اللى استدعوهم بسبب غياب بعض المقبولين اخيرا لحقنا بالصقرى وربعه وطلعت الضحكه:d مانى مصدق حتى اتدرب فى الطايف المشكله مايمدينى على السبت وقالو عادى حضر يوم الاحد لان اسمك ماراح الا الاربعاء متأخر الله يعين صدمتين فى اسبوع واحد صدمة قهر يوم طلع الفرز وصدمة فرح يوم جات الرساله اللهم لك الحمد والشكر يارب |
اااالف مليووووووووووون . تريليوووووووون مبروووووووووك باللي استدعووهم وان شاء الله ربي يجمعنا ع خير
وعقبال التخرج لنـا جممميع والحمدالله صبرتوا .. وهذا انتم نلتووا اول شي تصّدق بكم مبلغ . واحمدوا الله ع كل حال وبالنسبه للشباب اللي باقيين ياعيال . اول اسبوعين حاولو تكونوا الصبحيه كلهاا لين الظهر صاحيين قدام الجوال توقعوا اي اتصال ف هذي الاسبوعين لانه مليون بالميه فيه ناس بتشرد من الدوره ويستدعون واذا مثلاً . أتصلوا وقالوا لكم فيه رقم شاغر فـ قاعده ثانيه تبيها وانت بعيد عنها حاول لاترفض هذا الشي وارضى فيه شي اسمه دقيش بالدوره .. تداقش انت وخويك لـ قاعده اخرى والله يوفقكم .. يارب وعقبال الاحتيآط يتصلون عليهم الاحتياط ماله ارقام تطلع بالنت .. بس طالما خلصت اجراءات القبول المبدئي لين الفرز .. النهائي وماطلع رقمك تعتبر احتيـاط .. وفي اي لحظه يتصلون انا العام كذا احتياط وللاسف مالله راد . انهم يدقون وانتهت الدوره والسنه ذي قدمت والحمدالله طلع رقمي .. وبالتوفيق بالاخيــرر :) |
ألف مبروك .. لقد سعدت بهذا الخبر
الله يوفقكم انشاء لله وعقبال ومايدقون علي انا بعد دعواااتكم انهم يدقون علي |
موفق بإذن الله ... لك مني أجمل تحية .
|
اقتباس:
بعدين اخوى لاتخاف الله معك خل ايمانك بالله قوى يمكن الله ماكتب لك فى الجويه رزق يمكن يعوضك بخير منها تصدق انى حلفت بعد الفرز ان مالى حظ وحلفت ان بدلة الجويه ماتوقع على كتفى والله يعينى ادفع كفاره اطعام 10 مساكين سبحان مغير الاحوال اخبر لك واحد طفشان مثلى والان احتياط الاربعاء جاته وظيفه مدنيه بشركه تابعه للجويه على مااعتقد اسمها بسما وتقاعدهم احسن من العسكريين وراتب مايقل عن 6000 ويتقاعد بتقريبا 700 الف افضل من تقاعد العسكرى |
هلا اخوي مكشاتى
انا من قاعدة الخـرج عسى الله يكتب الي فيه خـير انشاءالله |
الاخ سسال
ترانى قريب منك وتم الاتصال منهم وخلصت اجراءاتى حاول اذا تعرف احد يعرف احد فى القياده فى الرياض يصلح امورك اذا جاء نقص من احد متغيب يضعونك مكانه ترا اسمى ماطلع فى الفرز لكن ماصدقنا على الله انه تغيب ناس فى 3 الايام الاولى ولايزال للامل بقيه فى اول شهر من الدوره الله يوفقك ياخوى انه سميع مجيب |
| الساعة الآن 01:56 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين