|
مشكلتي مع جامعتي ( خريج هالسنة دعواتكم لي )
السلام عليكم مساكم / صبحكم الله بكل خير هذي اول مشاركه لي فعليه ( ولو اني متابع قديم ) السالفة ومافيها .. اني طالب خريج .. المفروض اتخرج السنه هذي ( الترم الحالي اخر ترم لي ) .. ساعاتي الحاليه 18 ساعه .. وباقي لي تقريبا 14 ساعه .. المشكله ان كليتي رفضوا يضيفون لي الساعات المتبقية اللي هي ( 14 ساعة ) بهالترم يقولون مانقدر نضيفها لك .. هذا الامر راح يأجل تخرجي الى السنة القادمه ( الترم الاول ) .. بدال ما اتخرج هذا الترم راح اتأخر 7 شهور على بال ما اتخرج :( .. قلت يمكن فيه ترم صيفي وللأسف سألت وقالوا مافيه بجامعتنا ترم صيفي لكليتنا .. وحتى لو فيه ترم صيفي ماراح يضيفون لي اكثر من 9 ساعات .!! قلت يمكن اروح ترم زاير بجامعات ثانيه وللأسف الجامعات الثانيه ماتستقبل اي طالب بيدرس اكثر من 9 ساعات .. انا باقي لي 14 ساعه كان ودي يضيفونها لي الحين مع الـ 18 وتصير 32 ساعه وادرسها كامله هالترم واتخرج ... وش الحل ياغالين بعد هالشرح بالتفصيل الممل ..!؟ انتظركم ويالله ياكريم اني احصل افادات تحل مشكلتي ( خاصه اني زهقت من هالجامعه وابيهم يضيفونها لي وافتك لكن ماباليد حيله .. ) تحيتي وتقديري |
مافي حل الا انك تنتظر .. ع ايش مستعجل وانا خوك الصبر زين
|
الصبر مفتاح الفرج يمقن تتخرج ماتلقى عمل ويمقن تلقى
|
اقتباس:
اقتباس:
حياكم الله .. اخوي يوسف واخوي الادميرالي .. انا مستعجل يبسبب ( المفاضلة اثناء الوظائف بتكون الاولويه للمتخرجين بنفس السنه وانا اذا تأخرت وتخرجت السنة الجايه راح تضعف حصولي على الوظيفه لان المتخرجين معي هم اولى بـ سنتهم ..) اما بالنسبة للعمل ( ماهمني الوظيفه هي رزق من الله .. اهم شي اتخرج والوظيفه لها الف حلال ماعلى ربك مستحيل ) [/align] |
32 ساعه اعتقد كثيره جدا جدا .... انتظر فصل دراسي وادرس 14 ساعه هانت مابقى الا القليل
|
اقتباس:
ياليت اقدر انتظر او اصبر ..ولكن هذي اسباب استعجالي: 1- ملينا من الدراسه والمذكرات والجو المنغلق .. تقل لنا سنه نحفر ببير وماطلع لنا ماء .. ناهيك عن اخوياي اكثر من 20 يتخرجون الترم هذا ( المسألة صعبة نفسيا ) 2- المفاضلة كما ذكرت في ردي السابق ع الاخوان ( اذا تاخرت ودرستها بالفصل الدراسي السنة القادمه راح اتأخر وظيفيا ) 3- 32 ساعة اشوفها قليله بالنسبة لي ( اغلب وقتي فراغ وفضاوه ) ( انا ماعندي مشكله مع الضغط او هالامور لاني استطيع بل ومتمكن من التنظيم وادارة الوقت وهذا نمط حياتي من الثانوي ) 4- السؤال المطروح .. لو تاخرت ودرست الـ 14 ساعة السنة القادمه ( الترم الاول ) وتخرجت .. راح يكون تخرجي مابين الفصلين الدراسيين السنة القادمه .. هل اقدر اقدم على وظايف شي ( مثل المدارس الاهليه ) ؟ ولا ابقى معلق لين تتنتهي السنة كاملة ؟ [/align] |
اخوي انا اتفق معك 100 ف 100 بالنسبه للاسباب التي ذكرتها ولكن بالنسبه للتوظيف كل شركه او وزاره لها تقديم وتاريخ معين يعني مستحيل كلهم بنفس التوقيت راح باذن الله تتوظف سواء بنهايه السنه او بنصفها او بدايتها .... اتمنى ان تحصل على 32 ساعه وتتخرج اسال الله لك التوفيق
|
اقتباس:
:Thumbs: |
مفتاح مابي اصدمك او احطمك
لكن انا خريج جامعي من 4 سنوات مافادني اني تخرجت ع طول الخيره فيما اختاره الله .. ورزقك بتاخذه اسرعت ولا ابطيت في التخرج لاتنشغل بهالامور و لاتضغط ع نفسك ركز بموادك وفرحنا بتخرجكك :) |
مفتاح انت تربوي ؟؟ بس تستلم وثيقتك المجال مفتوح امامك
لكن اذا تبي وظائف المعلمين ذي اللي بتاخرك |
| الساعة الآن 06:24 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين