ابي مشورتكم
 

السلام عليكم ورحمة الله وبركاته
ابدخل بالموضوع انا عندي وحده من صاحباتي يتيمه وع قد حالهم ومعها مبلغ من المال بسيط وتبي تستثمره وتستفيد منه فهي فكرت انها تجيب سياره وتقلبها اجره وتجيب هندي *وتخليه يشتغل ع هالسياره ويعطيها مبلغ من المال شهريا واذا بغت مشاوير يوديها ويجيبها لان ماعندها احد لايودي ولايجيب
الي بنعرفه اخواني اكيد انتم لكم خبره يالرجال اكثر مننا حنا مانعرف *هل هالمشروع ناجح ؟ وهل يصير نجيب هندي يشتغل ع السياره الموزين ؟ وبرايكم بكم يطلع لها بالشهر من هالسياره ؟؟؟؟؟؟؟
اتمنى ردكم ضروري وشكرا لكم

وعليكم السلام ورحمة الله وبركاته

أذا بتشتري باص وبتشغل عليه هندي فهو مشروع ناجح ميه بالميه

خصوصا أذا كانت تعرف بنات بالجامعه أو مدرسات تتفق معهم أنو يوصلهم السواق

وبخصوص الدخل أحسبي من كل بنت 200 الى 250 شهريا وعلى الاقل يوصل 8 بنات وأطفال مثلا

وتتفق صاحبتك مع البنات وتأخذ المبلغ منهم

أتمنى أني افدتك ولو بشي بسيط *_*

تشترط على الهندي اذا كانت السيارة جديده 100 ريال يوميا والبنزين والزيت كلها على السواق

لا والله ؟ و500ريال بجيبه؟؟؟
لاحول ولا قوة الا بالله

نحن نبي نحسن الظن بالسائق اللي راح يكٌد ع اللموزيٌن....لكن صديقتك ماراح تعرف كم ركب بالسياره!!
أفضل شي تطلع فان لو بالتقسيط ...وتجيب عامل يوصل الطالبات بحيث يكون عند صديقتك خلفيه عن عدد الطالبات والافضل يكونوا طالبات جامعه
احسبي معي 10طالبات كل وحده راح تدفع شهرياً 500ريال
راح تطلع بالشهر 5000ريال
راتب العامل اذا هندي وع كفالتها 900ريال
واقساط الفان نقول 2000ريال
+ ممكن كمان يوصل مشاوير خاصه خارج اوقات الدوام ع افتراض ان المشوار الواحد ب30ريال للروحه فقط او الرجعه فقط
لو بايام الخميس والجمعه وصل 5مشاوير خاصه عن كل مشوار 30ريال
يطلعلها 150ريال غير ال5000 اللي فوق
راح يصفي لصديقتك بالضبط
2250ريال شهرياً
واذا خلصت اقساط السياره بسنه ونص
راح يصفي لصديقتك بدون راتب العامل
4250ريال

دعواتك لي

بس الي معها يالله يجيب قيمه سياره كتمري مستعمله تنقلها ليموزين

الله يسعدك ويرزقكك بس هي ماتقدر تشتري فان ولاحتى اقساط لانه لازم الي يكفل موظف وماعندها موضف وهي قالت تبي ليموزين عشان ان بغت هي مشاوير يصير ويوديها ويجيبها

اجل فكره اليموزين مووووو زينه ؟؟؟؟؟؟ ابي احد عنده خبره باليموزين ؟؟؟؟؟

الميوزين مشاكله كثيره
لزم شخص ثقه وين الي تثقين فيه هالايام
بكره يصدم به وينحاش وتبتلش البنت
او بكره يخطف بنت ويهج وبراس البنت

من راي شخصي تبد بالفين كذا اغراض حريم من النت تشتري وتبيع
وشوي شوي ان شاء الله ربي يرزقها
واذا تبين اساعدك بهذا المجال ابشري

السلام عليكم

اسمحيلي فكره لاتنفع نهائيا وامل انها تنسى هالفكره بتاتا لاسباب

الدنيا مافيها ثقه وصديقتك يبدو لى انها ماعندها رجال يخلص امورها ومشاكل اللموزين

يعني نذكر مثلا

السياره تعطلت وتكلفتها 500 ريال وقال لكم السواق 1000 بتوح الورشه هي وتتابعها مااتوقع
او فى شخص كل ماخربت سيارتها بيوديها له من اقاربها

مثال 2
قطع الاشاره وطلبو حضور الكفيل ومرمطه المرور بتقدرع ذلك

مثال 3
حادث مثلا قطع اشاره وعمل حادث لاقدر الله والخطاء ميه بالميه هل بالاستطاعه تحمل الضرر لسيارتك وسياره الغير لان في هذى الحاله لايشملها تامين

مثال 4
محافظته على سيارت غيره مثل محافظته على سيارته الشخصيه طبعا لا وبيترتب ع ذلك مشاكل واعطال

مثال 5
تقدر زميلتك مراقبه السواق ومعرفه عدد الزبائن والدخل اليوم فى حال توصيل مشاوير خاصه طبعا لا

مثال 6
مثال 7
مثال 8

الخ الخ الخ

الامثله واجده لذلك لاانصح بهذا المشروع ابدا
لان نسبه نجاحه 5% بتوقعي

اتوقع تشوف مشاريع اخرى ان شاءالله تنجح فيها ولايحتااج لها اداره يوميه

انتى لو تذكرين لنا راس المال التقريبي للمساعده فى الاقتراحات افضل

اتمنى لكم ولنا وللمسلمين التوفيق فى الدنيا والاخره

فيه باصات مستخدمه ورخيصه حدود العشرين يعني أقل بعد من قيمة الكامري

أما بخصوص فكرة التاكسي صعبه :b