~*وصــيــه و رثــــــــاء *~
 

[frame="8 98"]

http://www.mayyar.com/album/data/media/22/bfgtdnj.gif

وصيه من شاعره قبل وفاتها خرجت من المستشفى

واراد زوجها ان يعمل لها مناسبه لخروجها

ولكن تعلم ان اجلها قريب

فاسترسلت قائله ,,,,,

http://www.mayyar.com/album/data/media/34/divider32.gif

ترى الذبايح وأهلها ماتسليني
ادري ان المرض لايمكن علاجه

ادري تبي راحتي لايا نظر عيني
حرام ما قصرت يديك في حاجه

اخذ وصاتي وامانه لاتبكيني
لو كان لك خاطرن ما ودي ازعاجه

ابيك في يديك تشهدني وتسقيني
امانتك لايجي جسمي بثلاجه

لف الكفن في يديك وضف رجليني
ماغيرك احد كشف حسناه واحراجه

ابيك بالخير تذكرني وتطريني
يجيرني خالقي من نار وهاجه

سامح على اللي جرى ما بينك وبيني
ايام نمشي عدل وايام منعاجه

همي عيالي وانا اللي في كافيني
علمهم الدين تفسيره ومنهاجه



رد الزوج على الزوجة بهذه الابيات المعبرة


حاولت أنام وحاربت عيني النوم
وجريت صوتن مثل صوت‏ الذيابه

الجفن كنه صار ضايق ومهزوم
ودموع عيني مثل راس‏ السحابه

على وليف قالوا اليوم مرحوم
فارق وراح وماتهنى في‏ شبابه

زرت القبور اللي على بعضها ارسوم
وخطيت رسمن فوق ذيك ‏النصابه

قلبي من الدنيا عليه مرسوم
والرسم توه عقب خط‏ الكتابه

أحبها مير القدر صار مقسوم
ويحبها كل الأهل‏ والقرابه

الموت أخذها واودع القلب مثلوم
جرح عميق مايداوي ‏صوابه

الموت أخذ شجعان وارخوم وقروم
وأخذ رسول الله وباقي ‏الصحابه


http://www.mayyar.com/album/data/media/34/divider32.gif


مما راااااااااق لي فنقلته لذااااائقتكم الرااااقيه

و دمتم بصحه و سعاااااااااااادهـ .~

http://www.mayyar.com/album/data/media/34/divider32.gif

[/frame]

[align=center]

السلام عليكم ورحمة الله وبركاته

أشكرك نور العيون
عافاك الله وأسعدك نور العيون
ودمتي نورا للعيون
[/align]