حقيقة الخانه الجديده [ أكمال البيآنات ] .. ادخلوا لآهنتم !!
 

سلام عليكم ورحمة الله وبركاته

ياخوان : الحين انا فتحت ملف اخوي ولقيت [ شروط جديده تعجيزيه ] وجايبينهن ب صيغة ثـانيه !!

يعني مايبون يقولون ذولا شروط صرفوها وقالوا [ اخطار واقرار ] وي جماعه الخير افهموها ولا ابي احطمكم حآفز ماراح ينزل ولا يبي ينزل" لآاحد طالب ولا احد قابل ملك ولا امير" عشان يوصلن شكاوينآ ب هالتلاعب اللي صاير ذا ..

واحب اقولكم ان اول ماجاء برنامج " حافز " صرح العساف ان [ الاشاعات اللي يجن بالبلاك بيري واليوتيوب والمنتديات : عن شرط انك راح تسدد حافز اذا توظفت وقال العسآف انها اشاعه ولا هي صحيحه !! ]

طيب الحين ابي انزل لكم { بـند من البنود اللي بالخانه الجديده " اكمال البيانات " وابي رايكم فيها }

11- أن للوزارة و للصندوق الحق في مطالبتي بأي مبلغ سبق وأن استلمته من إعانة البحث عن عمل إذا تبين للوزارة أو للصندوق لاحقاً عدم صحة أي من البيانات أو الوقائع الواردة في استمارة التسجيل أو النماذج أو الإقرارات والمستندات والوثائق المقدمة من قبلي.

وش يعني هذا ي اخوان !!! يعني راح يآخذون من رواتبكم للي لـه راتب او اللي ماله رأتب ؟ شلون يعني !!

انا اقولكم شلون ..مثلآ ابوك ب الضمان او احد اخوانك او اي احد من اهل بيتك لـه دخل راتب رآح يخصمون منه وراح يقولون ذا حق حأفز !! بس وين المشكله ي اخوان ؟؟ [ المشكله انك مأخذت حافز منهم ولا حتى طلع لك مؤهل !! ] ويبتعذرون ويقولون اخطاء بالموقع لين تقلب الموجه ..

بدال مايعطونآ نصير نعطيهم حنآ

وبالاول والاخير العسأف ربحآن هو والمسؤليين اللي تحت هالقصه ذي كلهآ ..

وترآ من حقه يسوى كذا لآن [ لابرقيآت ولا شكاوي ولا اي شي بس كلام منتديات ويوتيوب وجرايد ]

وفـيه بعد شرط " اقصد " اقرار . ثاني وهو تخويفي وتعجيزي بعد !!

يعني من جدهم يبون يشكونآ بالمحاكم وننسجن عشان حافز ؟؟ او تصير لنآ سوابق ب المحكمة وعلى شان وش ؟؟ عشان ان حنآ نبي ه/ الاعانه !!

اقروا معي هالبـند ذا ..
10- أن للوزارة و للصندوق الحق في اتخاذ جميع الإجراءات القانونية التي تقررها بما في ذلك استبعاد طلبي هذا، إذا تبين للوزارة أو للصندوق عدم صحة أي من البيانات أو الوقائع الواردة في استمارة التسجيل أو النماذج أو الإقرارات أو المستندات أو الوثائق المقدمة من قبلي.

!!!!!!!!!!

يعني صارت من اعانه لـ اهانه ؟؟ وين كلام العساف ب التصريح ؟؟ وين كلامهم يقول كلها اشاعات ؟؟

ي اخوان والله ان حنآ تعبنآ جلستنآ بدون طآري حأفز ارحم لنآ من هالمؤال ..

انا والله اني ب آسحب اسم اخوي من حأفز بعد " موافقة طبعآ " لاننآ عرفنآ انهم راح يآكلوونآ فيمآ بعد

والله اقوى من الظالم وعليكم ب الدعاوي علي كل من وقف برزقنآ وقطعنآ من هالفرحه ..

والله يعز [ ال سعود ] ماقصر الملك امر وقال هالامر بدون شروط او قيود واخر شي المسؤلون يتلاعبون فينآ

واللي يسون كل هالاشياء ذولا مايخأفون ربهم فينآ بس م قول الا
لاحول ولا قوة الا بالله العلى العظيم ..

والله يغنيكم بحلاله عن حرامه ..
:w

حسبي الله وكفى عليهم

طيب البنود اللي قلتها مو تعجيزيه ماطلبوا منك الا تكتب بياناتك وما تكذب او تتلاعب فيها

وهذا الامر طبيعي

وعليكم السلام

هذي النقاط تفسيرها واحد

إذا انت كذبت عليهم و معلوماتك تزوير و هم قبلوها و اعطوك مؤهل

وتبين لهم بعد فتره إنها مزورهـ يحق لهم استرجاع مبلغ الإعانه منك

الشرط واضح ولا فيه اي غبار ,,

واثق الخطوهـ يمشي ملكاً و بالتوفيق ..

ي اخي خلك صادق ليآ متى وحنآ نقول صح صح صح صح !!!

ي اخي مافيه لا حافز ولا غيره بلآ حأفز بلآ هم ترا كل واحد يجي ويقول صح كلامهم وصادقين ولا أطلبوا الا حقهم وبيآنات وخرابيط فأضيه ؟؟

ي اخي كل شي سوينآه لهم بيانات وكملنأ لهم وكل شوي طالعين لي ب شرط وبنود ؟؟

ي ابن الحلال ترآ كل شوي نرقع لهم ونقول [ سم وامر وابشر طال عمرك ] وسأكتين ..

والحين لنآ من جاء حافز ست شهور وعليها وحنا نكمل ونرقع وبعض الناس صارت فيهم حالات نفسيه وبعضهم والله العظيم نوموا بالمستشفى من حافز وكله [ شرهه وامال وهميه ]

وانت للحين تقول امر طبيعي

لآ ي اخوي صبرنآ والصبر له احدود انا ماقول كذا ان حنآ بنسوي شي ادري ماحد بيسوى شي

بس مانقول الا { لنآ ربنآ } ونزلت هالموضوع عشان تدري النآس وتبطل هالشرهه ويرحون راسهم

موفق اخوي :w

:rolleyes::rolleyes::rolleyes:

اكيد مثل ماقـآل الاخ الشرط وآضح والحق ينقال

ولوأني مادآني العساف هذا

لكن معناها انك لو بياناتك صحيحه ماحتسلم لهم ولا فلس حتى لو توظفت

اما العكس لهم الحق في المطالبه

موفق بإذن الله ... لك مني أجمل تحية .