سااااااعدوني ارجوكم
السلام عليكم ورحمة الله وبركاته
بقول لكم مشكلتي اللي سببت لي عقده من 3 سنوات :m انا متزوجه ومطلقه من 3 سنوات واسمي للحين في بطاقة العائله حقت طليقي رحت اقدم على الضمان قالوا اسمك للحين معه المشكله ماعندي بطاقة احوال واسمي معه ساعدوني الله يخليكم والله احس شوي بنجن :cry: وأبوي كبير بالسن ومايعرف كيف يساعدني علموني وش اسوي وش الاوراق اللي اخذها معاي ووين آروح الله يرزقه اللي بيرد علي من حيث لايحتسب :( |
[align=center]
بسم الله ثلاث سنوات وللحين مخليه اسمك معه !!!!!! وليش جالسه ومخليه اسمك عنده وهو بعد ماعنده دم ولا يستحي للحين اسمك معه لو فيه خير كان من طلقك شال اسمك على طول هو ماتزوج ؟؟ اكيد لو متزوج كان زوجته جبرته يشيل اسمك يالله عساه يتزوج عشان يشيل اسمك اجباري وترتاحين لو اني منك ماجلست سنه كيف ثلاث سنوات واسمي معلق عنده عالعموم الظاهر طولت بالكلام روحي للاحوال المدنيه قسم نساء واخذي معك صك الطلاق وكرت ابوك وكلمي الموظفات هناك وان شاء الله تصير الامور سهاله ويقولون لك وش المفروض يصير اتمنى لك التوفيق [/align] |
يجي من يفيدك
بس أتوقع أنك تأخذين كرت العائله حق طليقك + ورقة الطلاق وتروحين للأحوال تنزلين أسمك وتطلعين لك بطاقه احوال خاصه بكي وبعدين على طول تروحين تقدمين على الضمان الأجتماعي ههههههه |
اقتباس:
وش آسوي وبعدين قلتيها مآيستحي ولآ شي حسبي الله عليه ومشكوره على ردك :c |
اقتباس:
أصلا مدري وين ارضه من سماه ابي اتخلص بأي طريقه ومشكور على ردك اخوي |
[align=center]
حسبي الله ونعم الوكيل على كل ظالم اختي غلط تصبرين وتجلسين كذا ثلاث سنوات والحمد الله انك تطلقتي ورتحتي من اختي اسمك في كرت العائله حق طليقك مو مشكله لك ولا يضرك انتي روحي الاحوال خلي الوالد يروح الاحوال وياخذ صك الطلاق وكرت العائله وفي نفس اليوم يضيفونك في كرت العائله مع الوالد وتروحين تقدمين في الضمان ويطلبون منك كرت العائله وصك الطلاق وينزل لك راتب شهري 860 ريال تقريبا كذالك يعطونك مساعدة مقطوعه 10400 ريال كذالك يدفعون نسبة من فاتوره الكهرباء بنسبه لبطاقه الاحوال مو مهمه في الضمان بس قدمي عليها تحتاجين في بنوك وغيره الله يوفقك اختي ويسر امورك ويساعدك [/align] |
راجعي الاحوال وتزين امورك ان شاء الله بس لازم كرت العائلة حق اللي ما يتسمي طليقك واذا رفض تجيبة الشرطة رضي ولامارضى وايضا كرت العائلة حق الوالد وصك الطلاق والله يوفقك ان شاء الله
|
اقتباس:
بالعكس بطاقة الاحوال تفيدها بكل مكان واحسن من كرت العائله خاصه بالضمان لاصارت بتراجع ولا تسجل اذا معها بطاقة احوال على طول تمشي امورها بس لاصارت بكرت العائله لازم تعريف من ولي امرها وحوسه بطاقة الاحوال احسن شي مايبي تعريف ولي امر ولا شي اختي اذا صعب تجيبون كرت العائله من طليقك حاولي تروحين للاحوال المدنيه ومعك صك الطلاق وكرت ابوك وروحي لقسم النساء وخبريهم انك تبين تنقلين اسمك لكرت ابوك وان طليقيك ماتعرفين له طريق وان شاء الله تتسهل امورك بالتوفيق اختي |
المشكله دي حصلت معايا اكتشفت بعد سنه ان طليقي كان لازال محتفظ باسمي في بطاقة الاحوال اطرريت اني احزف نفسي رحت للاحوال واخذت صك الطلاق والبطاقة الشخصيه دعت غرمه 50 ريال للتاخير واعطوني برنت جديد يثبت طلاقي بدون هجوله ولا تعقيد في نفس اليوم اما حضرتك راح تدفعي غرامه 150 ريال لانها 3 سنوات .
الله يفرجها معاكي ياااارب |
اكيد روحي الاحوال وسوي اثبات حالة طلاق
وطلعي بطاقة احوال تخصك وبرنت لاتنسي وروحي الضمان موفقه بإذن الله |
الساعة الآن 11:56 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين